Hechos 13:45 - Kashibo-Kakataibo Biblia

⁴⁵ Usaía ꞌitsaira uni timë́cë isi ca judíos unicamax pishui Pablomi nishacëxa. Ami nishi ca —cëmëi ca quia —quiax ꞌatimati Pablomi banacëxa.

Nukën 'Ibu Diosan ain unikama 'inan ain bana

⁴⁵ Usaía 'itsaira uni timë́cë isi ca judíos unicamax pishui Pablomi nishacëxa. Ami nishi ca —cëmëi ca quia —quiax 'atimati Pablomi banacëxa.

Hechos 13:45 ပူးပေါင်းရင်းမြစ်များ

Judas 1:10

Usa ꞌaínbi ca a unicama an ꞌunáncëma ñu ñui ꞌatimati banaia. Sinánñuma ꞌixuan ñuinacan uisa cara oia quixun sinánquinmaishi ñu ꞌacësaribi oquin ca a unicaman aín cuëëncësa oquinshi ñu ꞌaia. Usaquin ꞌai ca atúxbi ꞌatimatia.

Hechos 18:6

Cacëxbi ca aín bana timanan ami ꞌatimati banai ami nishacëxa. Usaía ꞌia ca Pablonën anuax ca cuania quixuan atun ꞌunánun aín chupa tacaquin cacëxa: —Mitsúxbi ꞌiisama tani camina Nucën Papa Diosnan ꞌitima ꞌain. Usaími ꞌicëxbi ca ꞌën ꞌuchama ꞌicën. Mitsúnmi ënë bana cuaisama tancëbëtan cana judíosma unicama ñuixuni cuanin.

1 Tesalonicenses 2:16

Nun judíosma unicama Cristomi sinánun bana ñuixuinsa taniabi ca usaquinu bana ñuixunun nu ëncëma ꞌicën. Usai ꞌia aín ꞌucha cëxtutia ca Nucën Papa Diosan ꞌaisamaira oquin castícanti ꞌicën.

Hechos 19:9

Ñuixuniabi ca raírinën masáquin sinánquin cuaisama tancëxa. Usaquin cuaisama tani ca anu timë́cë unicaman cuamainunbi —Jesúsmi sinánti ca ꞌaisama ꞌicë —quiax quiacëxa. Usai quicëbë, anuax chiquíquianquin ca Pablonën axa Jesucristomi catamëcë unicama buani, Tirano cacë unían anuxun uni ꞌunánmicë xubu, anu cuancëxa. Cuanxun ca anuxun camabi nëtën bana ñuixuancëxa.

Hechos 5:17

ꞌAisamaira uni Jesúsmi sinania isi ca judíos sacerdotenën cushicaman ꞌapu ꞌimainun abë ꞌicë saduceo unicama nishacëxa.

1 Pedro 4:4

Usai ꞌiquinmi atubëtan ñu ꞌatëcëniama oquin ca unin —uisa cupí cara nubë niquinbi nu ëanxa —quixun sinánquin mitsu ꞌatimaquin ñuia.

1 Corintios 3:3

Usai ꞌaish nutsi cuamianani nishananquin camina Cristonanma unin sináncësa oquinshi sinanin. Usa ꞌi camina an Nucën Papa Diosan bana cuacëma unicamaxa ꞌicësai ꞌin.

Hechos 17:5

Usa ꞌaínbi ca judíos unicama, an Jesús sináncëma, ax ami nutsi Silas ꞌimainun Pablomi nishquin uni ꞌatima chiquíshcama timëtancëxun a ëmanu ꞌicë unicama tsuáquirumiacëxa. Tsuáquirumi, Jasón cacë uni aín xubunu banaruquin barii ca, camabi unían isnun ëma nëbë́tsi buánti ca Pablocëñun Silas chiquínti ꞌicë quiax quicancëxa.

Santiago 4:5

Nucën Papa Diosan bana cuënëo ax ca ësai quia: “Nucën Papa Diosan ca ainan ꞌicë nu ñuñaia. Usa ꞌain ca an nubë ꞌinun nu ꞌináncë aín Bëru Ñunshin Upí ax bëtsi ñu ꞌaquinmanu ax cuëëncësa oquinshi ꞌati cuëënia”. A banax ca asérabi ꞌicën. Usa ca ax ꞌicë quixunu ꞌunánti oquin ca Nucën Papa Diosan aín uni usoquin cuënëomiacëxa.

Gálatas 5:21

ꞌImainunribi ca ꞌaia, bëtsi unin ñu cuëënti, uni ꞌati, paë́nti, picë́ntapun ꞌiti, acama. Usa ñucama ca unin aín cuëëncësa oquin ñu ꞌaquin ꞌaia. Usa ꞌain cana ën mitsu cacësaribi oquin mitsu catëcënin, usa ñua an ꞌacë unicamax ca aín unima ꞌaish Nucën Papa Diosan nëtënu abë ꞌitima ꞌicën.

Romanos 1:29

Usa ꞌixun ca uisa ñucamax cara ꞌatima ꞌicë acama ꞌaia, bëtsi uni ꞌatimonan, ainanmabi uni itsin ñu biisa tanan, aín xanuma ꞌaínbi xanubë ꞌianan, xanúxmabi bëtsi unibë ꞌianan, bëtsi uni ꞌicësamaira oi ñuñu ꞌiisa tania. ꞌIanan ca uni ꞌaisa tanan, bëtsibë cuëbicanánan, uni itsi paránan, uni itsimi ꞌatimati banaia. Usa ꞌaish ca a unicamax ꞌaisamairai banai uni itsimi manania.

Mateo 23:13

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Uisa cara oti ꞌicë usoquin ca Nucën Papa Diosan mitsu ꞌati ꞌicën. Mitsun camina Nucën Papa Diosan bana ꞌunáncë ꞌixunbi a bana quicësabi oquian ꞌanun ꞌaquinquinma unicama a bana bëtsi oquin ñuixunin. Mitsun camina a bana quicësabi oquin ꞌaiman. ꞌAquinma camina uni itsínribia a bana quicësabi oquin ꞌaxunma ꞌanun ꞌunánmin.

Números 11:29

Kiabi ka Moisésnën kakëxa: —¿ꞌËn usakin ñu ꞌati kuëënima kaina usai kin? ¡ꞌËn kana kuëënin Nukën ꞌIbun ain bëru ñunshin ꞌinánkëx ka kamabi unix an aín bana ñuikë unikamasaribi ꞌiti ꞌikën!

Génesis 37:11

Usa ꞌain ka aín xukë́n apankama ꞌaisamairai ami xuamati nishakëxa, usai atux ꞌia iskin ka aín papan aín nuitu mëushi ënë ñukama manukima sinánkëxa.

Hechos 13:50

Usa ꞌaínbi ca judíos unicaman Pablocëñun Bernabé ñui ami ꞌatimati banaquin bëtsi bëtsi xanu Nucën Papa Diosmi sináncë ꞌianan —atux ca aín nuitu upí ꞌicë —quixun unin cacë acama ꞌimainun a ëmanu ꞌicë cushi unicamaribi Bërnabé ꞌimainun Pablomia nishnun quixun tsuáquirumiacëxa. Usocëxun ca Pablocëñun Bernabé bëtsi bëtsi oquin aín nëtënuaxa cuanun quixun xuacëxa.

Hechos 14:2

Catamëcëbëtanbi ca Jesucristomi sinántisama tancë judíos unicaman, judíosma unicama ꞌatimaquin sinánmiquin axa Jesucristomi catamëcë unicamami nishnun quixun tsuáquirumiacëxa.

Hechos 14:4

Usa ꞌaínbi ca Iconio ëmanu ꞌicë unicama raírinëxa —judíos uni ꞌixun cananuna Jesucristomi catamëti bana cuatima ꞌai —quimainun raírinëxribishi —Jesusan aín bana ñuixunun caíscë uni rabë́ ënën bana ca upíira ꞌicë —quiacëxa.

Hechos 14:5

Usax ca judíos uni raíri ꞌimainun judíosma uni raíriribi, acamax Iconionu ꞌicë atun cushicamabë Pablocëñun Bernabé ami nishquin ñu catancëxun maxaxan ꞌanux ꞌësë́nancëxa.

Hechos 14:19

Usaía ꞌicëbë Antioquía ꞌimainun Iconionuax uquin ca judíos unibunën raíri sinanamiquin Pablocëñun Bernabé maxaxan ꞌacëxa. ꞌAtancëxun —ca bamaxa —quixun sinánquin ca nirínbianxun ëma ꞌuri racáncëxa.

2 Corintios 11:26

ꞌËn nicënuax cana ꞌaisamaira tëmëracën, bacan cuani ꞌianan men cuaniribi. Bëtsi nëtën cana bacamiquisa ꞌiacën, bëtsi nëtën cana an ñu mëcamacë unin ꞌaisa ꞌiacën. Bëtsi nëtën ca judíos unibu ꞌimainun judíosma unibu, acamanribi ꞌë bëtsi bëtsi oti sináncëxa. Bëtsi nëtën ca ëma chanu ꞌicë unicamaribi ꞌëmi tsuáquiruacëxa. Bëtsi nëtën cana anu uni ꞌicëma menuax tëmëracën. Bëtsi nëtën cana parúnpapanuax tëmëracën. Bëtsi nëtën ca axa —Cristonan cana ꞌai —quibi cëmëcë unicamaxribi ꞌëmi nishacëxa.

2 Timoteo 3:11

Min camina ꞌunan, axa ꞌëmi nishcë unicaman ca bëtsi bëtsi oquin ꞌaisamaira ꞌë tëmëramiaxa. Uisai carana ꞌëx Antioquía, Iconio, Listra, a ëmacamanuax ꞌia quixun camina ꞌunan. Anuax tëmërai bamati ꞌicëbia Nucën ꞌIbu Jesusan ꞌaquincëx cana ië́an.