Hechos 13:42 - Kashibo-Kakataibo Biblia

⁴² Usaquin caquin bana ñuixuntancëxa anu judíos unicama timë́ti xubunuax chiquitia ca abëa ꞌicëcamacëñun Pablo —anun ñu mëëtima nëtë itsínribi camina ënë banacama nu ñuixuntëcënti ꞌai —quixun unicaman cacëxa.

Nukën 'Ibu Diosan ain unikama 'inan ain bana

⁴² Usaquin caquin bana ñuixuntancëxa anu judíos unicama timë́ti xubunuax chiquitia ca abëa 'icëcamacëñun Pablo —anun ñu mëëtima nëtë itsínribi camina ënë banacama nu ñuixuntëcënti 'ai —quixun unicaman cacëxa.

Hechos 13:42 ပူးပေါင်းရင်းမြစ်များ

Ezequiel 3:6

ꞌËn kana mi bëtsi bëtsi menu ꞌikë unikama ꞌuakamë ꞌëokë aín bana min kuaisama ꞌinua banakë anu mi xutiman. ꞌËn anu mi xutia sapi ka bëtsi bëtsi ëmanu ꞌikë unikama atun kuni min bana kuati ꞌikën.

Mateo 11:21

—Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Mateo 19:30

Usa ꞌaínbi ca bëría uni —cha ca a uni ꞌicë —quixun sináncë uni a Nucën Papa Diosan aín nuitu ꞌunánquin ñuumara isti ꞌicën. ꞌImainun ca bërí unin iscë́xa ñuuma ꞌicë uni a Nucën Papa Diosan aín sinan upí ꞌunánquin a uníxa cha ꞌicë isti ꞌicën.

Mateo 9:18

Juanën ꞌunánmicë unibubëa Jesús banacëbëbi ca anua judíos unicama timë́cë xubunu ꞌicë ꞌapu, Jairo cacë, ax uacëxa. Uquin ca aín bëmánon rantin purúnquin Jesús cacëxa: —ꞌËn ini bëchicë ca bërí bamaxa. Bamacëbi camina mix ꞌëbë cuanxun a ramëti ꞌain. Min ramëcëxëshi ca asábi ꞌinux baísquiti ꞌicën.

Hechos 10:33

Cacëxun cana bënë́nquinshia mi bënun quixun uni xuëxan. Xucëxuan cacëx camina upí oquin sinánbëtsini atubë ënu uan. Usa ꞌain cananuna Nucën ꞌIbu Diosan nu ismainun ënu bërí ꞌain, an mi sinánmicëxunmi nu ñuixuncëxun cuanux.

Hechos 13:14

Cuancëbë Perge ëmanuax cuanx ca Pisidia menu ꞌicë ëma Antioquía anu bëbacëxa. Bëbatancëx ca anuax anun ñu mëëtima nëtën anua judíos unicama timë́ti xubunu atsíntancëx tsoócëxa.

Hechos 28:28

Camina ꞌunánti ꞌain, ꞌën mitsu ñuixuncë bana, Jesucristomi catamëtishi ca uni Nucën Papa Diosnan ꞌiti ꞌicë quiax quicë, a bana ñuixunia ca judíosma unicaman cuaxa. Usa ꞌaish ca atux a bana quicësabi oi ꞌiti ꞌicën.