Hechos 13:30 - Kashibo-Kakataibo Biblia

³⁰ Mëníocëbi ca Nucën Papa Diosan baísquimiacëxa.

Nukën 'Ibu Diosan ain unikama 'inan ain bana

³⁰ Mëníocëbi ca Nucën Papa Diosan baísquimiacëxa.

Hechos 13:30 ပူးပေါင်းရင်းမြစ်များ

Mateo 28:6

Ax ca ënuma ꞌicën. Axa quicësabi oi ca baísquiaxa. Anua unin racáënxancë ca isi ut.

Juan 10:17

Baísquitëcëanx tsónux ꞌëx bamatsianxmabi bamati cupí ca ꞌën Papan ꞌë nuibatia.

Juan 2:19

Cacëxun ca Jesusan cacëxa: —Mitsúnmi tëncapatiabi cana ënë xubu ꞌën rabë́ ꞌimainun achúshi nëtë́inshi ꞌatëcënti ꞌain.

Hechos 10:40

ꞌAcëbi ca Nucën Papa Diosan rabë́ nëtë ꞌiónxa pëcaracëbëtanshi baísquimiacëxa. Usaía ꞌia isnun ca nu mëníoxuancëxa.

Hechos 13:33

Salmos dos, anu ca Nucën Papa Diosan aín bëchicë cá bana ꞌicën, ësai quicë: “Mix camina ꞌën Bëchicë ꞌain. Usa ꞌicë cana xënibua ꞌaínbimi ꞌëbë ꞌinun mi ꞌimin”. Usai ꞌinun ca Nucën Papa Diosan aín Bëchicë Jesucristo baísquimiacëxa. Usaquin ca ꞌacëxa quixun cananuna nun ꞌunanin.

Hechos 13:34

A banacamanu nun, an ca aín Bëchicë aín nami chëquítimoquin baísquimiti ꞌicë quixun ꞌunánun ca Nucën Papa Diosan aín uni ësaquinribi cuënëomiacëxa: “ꞌËn upí bana ñuiquin David cásabi oquin cana mitsu chuámarua ꞌinun ꞌimiti ꞌain”.

Hechos 13:37

David chëquia ꞌaínbi ca a Nucën Papa Diosan baísquimicë Jesús ax chëquiama ꞌicën.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

Hechos 2:24

Usoquian unin ꞌacëbi ca Jesús a Nucën Papa Diosan baísquimiaxa, uisatimoia tsónun. Ax asaribi cushiira ꞌicëa uinu ꞌicë unínbi ashiquin bamamisama ꞌicë ca Nucën Papa Diosan aín Bëchicë baísquimiaxa.

Hechos 2:32

Davidnën cuënëo bana quicësabi oquin ca Nucën Papa Diosan Jesús bamacëbi baísquimiaxa quixun cananuna nucamanbi ꞌunan.

Hechos 3:13

Usama ca. Nucën Papa Dios, aira nucën rara Abraham, Isaac, Jacob acama ꞌimainun nucën raracama ꞌimainun nucën chaitiocëcaman rabia, an ca aín Bëchicë Jesús asaribi cushi ꞌinun ꞌimiaxa. Usa ꞌicëbi camina uni isa ꞌaminun quixun mitsun ꞌapucama ꞌináncan. ꞌInáncëa Pilatonën ëinsa tancëbëbi camina mitsux cuëëncëma ꞌain.

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

Hechos 3:26

Nucën Papa Diosan ca aín Bëchicë bamacëbi baísquimitancëxun judíos unicama mitsunu pain xuaxa, mitsúnmi a isi ami sinanaquin ñu ꞌatima ꞌati ënun quixun.

Hechos 4:10

Usa ꞌain cananuna Israel unicaman ꞌunánun mitsu cain, Jesucristo, Nazaretnu ꞌicë mitsúnmi i curúsocënu matásmicëx bamacëbia Nucën Papa Diosan baísquimicë, an ꞌimicëx ca mitsúnmi iscë ënë uni pëxcúonxa.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,