Hechos 13:2 - Kashibo-Kakataibo Biblia

² Usa ꞌixuan achúshi nëtën timë́xun ñu piquinma Nucën ꞌIbu Dios rabicëxun ca aín Bëru Ñunshin Upitan atu cacëxa: —ꞌËn caíscësabi oquian bana ñuixunun camina Saulocëñun Bernabé cati ꞌain.

Nukën 'Ibu Diosan ain unikama 'inan ain bana

² Usa 'ixuan achúshi nëtën timë́xun ñu piquinma Nucën 'Ibu Dios rabicëxun ca aín Bëru Ñunshin Upitan atu cacëxa: —'Ën caíscësabi oquian bana ñuixunun camina Saulocëñun Bernabé cati 'ain.

Hechos 13:2 ပူးပေါင်းရင်းမြစ်များ

Daniel 9:3

Usa ꞌain kana añu ñubi pima chupa xëni pañuax chimapunu tsókin ësokin Dios ñukákën.

Mateo 17:21

Ësa ñunshin ꞌatima chiquíntix ca pima samáquin Nucën Papa Dios ñucáquin chiquínti ꞌicën.

Mateo 6:16

Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Mateo 9:38

Usa ꞌain camina Nucën Papa Dios, axa ꞌëmi sináncë unicaman ꞌibu, a ñucáti ꞌain, an uni ꞌëmi sinánun ꞌaquinti unia ꞌitsa xunun, bimi ꞌibu unían an bimi biti uni xucësaribi oquin.

Lucas 10:1

Usaía ꞌicëbëtan ca Jesusan bëtsi bëtsi me ꞌimainun bëtsi bëtsi ëmanu bana ñuixuni cuanti sináncëxa. Usaquin sinánquin ca aín ꞌunánmicë uni mëcën rabë́ ꞌimainun rabë́ acama xuquinma, uni raíri setenta caístancëxun rabë́ rabë́, uinu cuanti cara an sinánxa anu atux pain cuanun xuacëxa.

Lucas 2:37

Mëcën achúshi ꞌimainun rabë́ baritia ꞌicëbë casunamëa ꞌaish ca ochenta y cuatro baritiañu ꞌiacëxa. Usa ꞌixun ca anuxun a rabiti xubunuax camabi nëtën abë banaquin Nucën Papa Dios rabiacëxa. A upí oquin sinánuxun ca bëtsi bëtsi nëtën piama ꞌicën. Nëtë́nbi imë́bi ca usaquin Nucën Papa Dios rabiacëxa.

Hechos 10:19

A baricamainuan namácësoquin iscë ñucama a sinan sinaniabi ca Pedro Nucën Papa Diosan Bëru Ñunshin Upitan cacëxa: —Rabë́ ꞌimainun achúshi unin ca mi baria.

Hechos 10:30

Cacëxun ca Pedro Cornelionën cacëxa: —Rabë́ ꞌimainun rabë́ nëtë ca ꞌëx anun ësañuribi baria cuabúcëbë, ꞌëx ꞌicësabi ñubi piaxma ꞌën xubunuax Nucën Papa Diosbë banaëxancë ꞌicën. Banaquin iscëx ca uni achúshi aín chupa chaba chabaquicë ꞌaish ꞌën bëmánanu niracëxanxa.

Hechos 13:3

Usaquian cacëxun piquinma Nucën Papa Dios ñucáxuntancëxun atun mëcënan ramëquin ca axa Jesucristomi catamëcë unicaman Bernabécëñun Saulo, Nucën Papa Diosan bana uni ñuixunia bërúanx cuantánun caxun xuacëxa.

Hechos 13:4

Usaquian ꞌacëx ca Nucën Papa Diosan Bëru Ñunshin Upitan xucëx Saulobë Bernabé Seleucia ëmanu cuancëxa. Cuanx ca anuax manë nuntin Chipre nasínu cuancëxa.

Hechos 14:26

Anuax ca Sirianu ꞌicë Antioquía ëmanu manë nuntin cuantëcëancëxa. Ax ca anuxuan axa Jesucristomi catamëcë unicaman Nucën Papa Diosan ꞌamicëxun, atun ñu mëëti sënë́onquin ꞌatánun quixun xucë, a ëma ꞌiacëxa.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

Hechos 22:21

Usaquin cacëxunbi ca Nucën ꞌIbu Jesusan ꞌë cacëxa: Camina cuanti ꞌain. Cana ꞌura ꞌicë judíosma unicamami bana ñuixunun mi xuti ꞌain.

Hechos 4:36

Axa usai ꞌaquianancë unicama achúshi ca Levitan rëbúnqui, José cacë, Chipre nasínu ꞌicë, ꞌiacëxa. Ax ca Jesusan caíscë unicaman Bernabé caquinribi anëcë ꞌiacëxa. A banax ca an masá nuitutiabi cuëënmicë qui quicë ꞌicën.

Hechos 6:4

Usocëbëtan cananuna nun abë banaquin Nucën Papa Dios unicama ñucáxuanan aín bana ñuixunti ꞌain.

Hechos 8:29

Isia mëraia ca Felipe Nucën Papa Diosan Bëru Ñumshin Upitan cacëxa: —A carronu ca cuantan.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 10:15

¿Uisaxun cara unin uni itsin xucëma ꞌixun uni raíri bana ñuixunti ꞌic? Ca ꞌatima ꞌicën. An aín bana ñuixuncë unicama ñui ca Nucën Papa Diosan bana cuënëo ësai quia: “ꞌËn unibunëxa upí bana, —Nucën Papa Diosan ca aín ꞌucha tërë́nquin abëa upí ꞌinun uni ꞌimia —quicë, a ñui aia unin iscëx ca upíira upí ꞌicën”.

Romanos 15:16

aín bana judíosma unibu ñuixunun quixun ꞌë cacëxa. Nucën Papa Diosan ca axa Jesucristomi catamëcë unicama ainan ꞌinun ië́mia quixun judíosma uniburibi ꞌunánminun ca an ꞌë ꞌimiacëxa. Nucën Papa Diosan ꞌë usaquin ꞌanun casabi oquin cana judíosma unicama, mitsuribi a bana ñuixunin, aín Bëru Ñunshin Upitan sinánmicëxunmi upiti ami catamëquin a rabinun.

1 Corintios 12:11

Usaquin ꞌaquin ca aín Bëru Ñunshin Upí ax achúshi ꞌixunbi, Nucën Papa Diosan unicama bëtsi bëtsi ñua ꞌanun ꞌimia, ax cuëëncësabi oquin.

1 Corintios 7:5

Usa ꞌain ca xanun aín bënë aín nami ꞌaisa tancëxun timatima ꞌicën. ꞌImainun ca unínribi aín xanu aín nami ꞌamitisa tancëxun timatima ꞌicën. A rabëtaxbi upiti Nucën Papa Diosbë banatisa tani cananquin mëníotancëx cuni ca ënánanti ꞌicën. Ñunshin ꞌatimanën ꞌapúan ꞌatimaquin sinánmicëx tënëtisama tani ꞌuchati rabanan biránantëcënuxbi ca bënëtishi ënánanti ꞌicën.

2 Corintios 11:27

Ñu mëëi cana tëmëracën. ꞌUxti tëanan cana ꞌacëñuma ꞌaish panancë ꞌianan, shimanan, chupañuma ꞌaish matsin bamatisa ꞌiacën. Usai cana tëmëracën. Usa ꞌaish cana usabii ꞌin.

2 Corintios 6:5

Unían nu mëëanan sipuanan raíri uni numi tsuáquirumimainun ꞌaisamaira oquin ñu mëëanan, ꞌuxti tëanan ꞌacëñuma ꞌaish panancë ꞌixunbi cananuna bënë́quinma tanshitin.

Gálatas 1:15

Usai ꞌiabi ca Nucën Papa Diosan, ꞌën titan pucu mëucüabi ꞌë aín bana ñuixunun caísa ꞌixun nuibaquin asérabi ainan ꞌinun ꞌë sinánmiquin,

Efesios 3:7

ꞌËxbi usai ꞌitima ꞌicëbi ca ax asérabi cushi ꞌixun Nucën Papa Diosan Cristo Jesús ñui quicë bana unicama ñuixunun ꞌë ꞌimiacëxa.

Colosenses 4:17

Arquipo aribi camina Nucën ꞌIbu Diosan ꞌináncë ñu mëëti a ënquinma upí oquin ꞌaxunun cati ꞌain.

1 Timoteo 2:7

Usa ꞌain cana an ꞌimicë ꞌixun judíos unicamaishima judíosma unicamaribi Jesucristomi catamëtía Nucën Papa Dios cuëëncësabi oi ꞌinun ꞌunánmin. Usaquin uni ꞌunánminun ca Nucën Papa Diosan ꞌë caísacëxa quixun ñuixunquin cana Cristonan ꞌixun cëmëquin paránquinma mi can.

2 Timoteo 1:11

Usaía Jesucristo ñui quicë banacama camabi judíosma unicama ñuixuanan aín bana quicësabi oía ꞌinun ꞌunánminun ca Nucën Papa Diosan ꞌë ꞌimiacëxa.

2 Timoteo 2:2

Axa timë́cë unicama ꞌën caiami cuacë banacama, a camina, an asérabi uni raíri ꞌunánmiisabi sinánñu uni caístancëxun usaribi oquian ꞌanun ꞌunánmiti ꞌain.

2 Timoteo 4:11

Lucasëshi ca ꞌëbë ꞌicën. Usa ꞌain camina Marcos barixun mërabëtsínquin ꞌëa Nucën Papa Diosan bana ñuiquínun bëti ꞌain.

2 Timoteo 4:5

Usa ꞌaínbi camina min upí oquinra sinánxun ñu ꞌati ꞌain. Tëmëraquinbi tanshiquin camina ënquinma —Jesucristomi catamëti ca uni Nucën Papa Diosnan ꞌiti ꞌicë —quixun caquin uni bana ñuixunti ꞌain. Nucën Papa Dios cuëëncësabi oquin camina sënë́onuxun ënquinma min ñu mëëti ꞌati ꞌain.

Hebreos 5:4

Ui uníxbi ca axbi ꞌiisa tani judíos sacerdotenën cushicaman ꞌapu ꞌitima ꞌicën. Nucën Papa Diosan ꞌimicëx cuni ca usai ꞌiti ꞌicën, Nucën Papa Diosan —Aaronën ca ꞌën unicama ꞌë ñucáxunti ꞌicë —quixun Moisés cásaribi oi.

1 Samuel 2:11

Ësai kitankëx sënë́nkiani ka Elcaná ꞌimainun Ana Ramánua ꞌikë aín xubu anu kuankëxa, kuankinbi ka aín tuá sacerdote Elí kakë anu an bërúanxun Nukën ꞌIbun ñu mëëti ꞌakinun ëbiankëxa.