Hechos 13:12 - Kashibo-Kakataibo Biblia

¹² Usaía ꞌicëbëtan ca Pablonën Nucën ꞌIbu Jesús ñuia cuanan usaria Barjesús ꞌia isi ratuti Sergio Paulo ami sinani Jesucristomi catamëacëxa.

Nukën 'Ibu Diosan ain unikama 'inan ain bana

¹² Usaía 'icëbëtan ca Pablonën Nucën 'Ibu Jesús ñuia cuanan usaria Barjesús 'ia isi ratuti Sergio Paulo ami sinani Jesucristomi catamëacëxa.

Hechos 13:12 ပူးပေါင်းရင်းမြစ်များ

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Lucas 4:22

Cacëxuan cuati ca anu ꞌicë unicamax cuëëni —aín bana ca asábi ꞌicë —quianan —axa quicë banax ca upíira ꞌaish uni itsin banasama ꞌicë —quiax quiacëxa. Usai qui ca —¿Josénën bëchicë ꞌaíshbi cara usai banain? —quiax canancëxa.

Lucas 7:16

Usaía ꞌia isi ratuti racuëtibi cuëëni ca unicamax Nucën Papa Dios rabi quiacëxa: —An Nucën Papa Dios quicë bana unicama ñuixunti uni aira ca ënëx ꞌicë —quianan ca —Nucën Papa Diosaxbi ca aín unicama ꞌaquini uaxa —quiacëxa.

Juan 7:46

Quixuan cacëxun ca suntárucaman cacëxa: —Axa ënë uni banacësari banacë uni ca ꞌaíma ꞌicën.

Hechos 13:48

Usoquian caia cuati ca judíosma uni raírinëx cuëëni, —Nucën Papa Diosan bana ënëx ca asábi ꞌicë —quiacëxa. Usa ꞌaish ca uicamax cara Nucën Papa Diosnan ꞌaish xënibua ꞌaínbi abë ꞌiti ꞌicë acamax Jesucristomi catamëacëxa.

Hechos 13:49

Usai ꞌimainun ca anu ꞌicë unicaman Nucën ꞌIbu Diosan bana a mecamanuxun ñuixuncania cuacëxa.

Hechos 13:7

Barjesús ax ca aín anë itsi Elimas cacë ꞌiacëxa. Elimas quicë ax ca ñubë́ qui quicë bana ꞌiacëxa. Barjesús ax ca Sergio Paulo cacë ꞌapu an ñu mëëxuncë uni ꞌiacëxa. Usa ꞌain ca Sergio Paulonën sinánñuira ꞌixun Nucën Papa Diosan bana cuaisa tanquin Bernabécëñun Saulo unun quixun camiacëxa. Sergio Paulonëan Nucën Papa Diosan bana sinántisa taniabi ca Barjesúsnën a bana sinánxma ꞌinun quixun cacëxa.

Hechos 15:35

Usaquin sinántancëx bërúxun ca anuxun Pablobëtan Bernabénën an Jesucristomi catamëcë ꞌixun aín bana ñuixuncë unicamabëtan —Nucën ꞌIbu Jesúsmi catamëti ca uni Nucën Papa Diosnan ꞌiti ꞌicë —quixun bana ñuixunquin Antioquíanu ꞌicë unicama ꞌunánmiacëxa.

Hechos 15:36

Usa ꞌain ca anu pain ꞌitancëxun Pablonën Bernabé cacëxa: —Anuxunu Nucën ꞌIbu Jesucristomi catamëti ca uni Nucën Papa Diosnan ꞌiti ꞌicë quixun bana ñuixuncë ëmacamanu cuanquin cananuna anua ꞌicë nun xucë́antu uisa cara istëcëni cuanti ꞌai —quixun.

Hechos 18:12

Usaquian ñuixuncëbëbi ca Galión, axa Acaya menu ꞌicë unicaman ꞌapu ꞌain, judíos unicamax Pablomi nishi tsuáquiruacëxa. Tsuáquiruquin bibianquin ca an uníxa unimi manania cuacë unicama timë́cë anu buáncëxa.

Hechos 19:10

Usaquin ca Pablonën rabë́ barin anuxun bana ñuixuancëxa. Pablonëan usaquin ñuixuncëxun ca Asianu ꞌicë unicama, judíos unicama ꞌimainun judíosma unicamanribi Nucën ꞌIbu Jesús ñuiquian ñuixuncë bana cuacëxa.

Hechos 19:20

Usaría ꞌimainun ca a ñuiquin bana ñuia cuati Jesucristomi catamëti unicamax amiribi amiribi ꞌitsacëxa.

Hechos 19:38

Usa ꞌaínbi ca Demetrio ꞌimainun an abëtan uxua manë ꞌacë ñu ꞌacë unicaman, unimi manántisa tanquin, an uníxa uni itsimi manania cuacë unicama cati ꞌicën. Canan ca ꞌapu raíriribi cati ꞌicën. Cacëbëtanbi ca Demetrio ꞌimainun abë ꞌicë unicamaxa ami manáncë unicamanribi, an uníxa uni itsimi manania cuacë unicama cati ꞌicën.

Hechos 19:7

Anu ꞌicë uni nashimicëcama ax ca mëcën rabë́ ꞌimainun rabë́ unisa ꞌiacëxa.

Hechos 28:7

Anunu ꞌicë a ꞌurama ca a nasínu ꞌicë Publio cacë uni aín tucuricu aín me ꞌiacëxa. Usa ꞌain ca a unin bitancëxun aín xubunu ꞌinun quixun nu cacëxa. Cacëx anu rabë́ ꞌimainun achúshi nëtën abë ꞌia ca pimianan nu ꞌaquiancëxa.

Hechos 6:10

Usai abë cërúanancëxunbia Estebanën atun ꞌacësama oquin Nucën Papa Diosan Bëru Ñumshin Upitan sinánmicëxun bana ñuia cuati ca nëtë́cancëxa.

Hechos 8:25

Usa ꞌain ca Pedrobëtan Juanën usai ca Jesús ꞌiaxa quixun caquin an cacë banacama ꞌitsa uni ñuixuancëxa. Usotancëxun, Samaria menu ꞌicë ëmacamanuxun —Jesucristomi catamëti ca uni Nucën ꞌIbu Diosnan ꞌiti ꞌicë —quixun ñuixuntancëx ca Jerusalénu cuantëcëancëxa.