Hechos 12:9 - Kashibo-Kakataibo Biblia

⁹ Cacëx chiquíquin ca Pedronën asérabi ca an ꞌë buania quixun ꞌunánquinmabi ángel nuibiancëxa. ꞌUnánquinmabi ca —namati cana ësai ꞌi —quixun sináncëxa.

Nukën 'Ibu Diosan ain unikama 'inan ain bana

⁹ Cacëx chiquíquin ca Pedronën asérabi ca an 'ë buania quixun 'unánquinmabi ángel nuibiancëxa. 'Unánquinmabi ca —namati cana ësai 'i —quixun sináncëxa.

Hechos 12:9 ပူးပေါင်းရင်းမြစ်များ

Génesis 45:26

Bëbaxun ka usaía ꞌikë kama ñuixunkin aín bëchikë achúshinën kakëxa, papan ꞌën xukë́n José ka tsótaxa ax ka Egipto menu ꞌikë unikaman ꞌapu ꞌikën, kixuan ñuixunkëx ka Jacob uisa kupín kara usa ꞌiti ꞌikë kixun sinánkin ka aín bëchikëkaman ñuixunkë ax ka asérabi ꞌikë kixun sinanima ratuti sinánkasmakëxa.

Génesis 6:22

Usa ꞌain ka Noénën Diosan kakësabiokin kamabi ñu ꞌakëxa.

Salmos 126:1

Nukën ꞌIbun nu amiribishi Jerusalénnu bëtëkënkë ax ka namati ꞌikësa nun sinánkëx ꞌiakëxa.

Juan 2:5

Cacëxun ca aín titan an piti ꞌináncë unicama cacëxa: —ꞌËn tuacëan mitsu cacësabi oquin ca ꞌat.

Hechos 10:17

Usaía ꞌicëbë ca Pedro uisa cupí cara isa namáquin iscësoquin ñu isaxa quiax sináncasmacëxa. Usaía Pedro ꞌimainun ca Cornelionën xucë unicamax uinu cara Simonan xubu ꞌicë quixun ñucábianx aín xëcuënu bëbacëxa.

Hechos 10:3

Usa ꞌixun ca bëtsi nëtën bari cuabutia, a las tres ꞌain, namáquin iscësoquin ángel achúshi Nucën Papa Diosan xucëx anu aia upí oquin isacëxa. Iscëx anua ꞌicënu atsínquin ca —Cornelio —caquin cuëancëxa.

Hechos 11:5

—Jope ëmanuax Nucën Papa Diosbë banaquinbi cana namáquin iscësa oquin naí panárabëcëbëa anuax chupa cha amácasa ꞌitánun aín rëbucamanu rabë́ ꞌimainun rabë́ oquin tëcërëcacë ꞌaish ꞌë ꞌurama ubutia isan.

Hechos 12:8

Usai ꞌicëbëtan ca ángelnën cacëxa: —Mi cuanun ca anúnmi tsitëcërëquicë mëníonan min taxaca tañut. Usaquin cacë́xa mëníocatia ca ángelnën Pedro cacëxa: —Min tarin rabumëxun ca ꞌë nuibëtsin.

Hechos 26:19

Pablonën ca ësaquinribi Agripa cacëxa: ꞌApu Agripa, cana mi cain, usaquian Jesusan naínuxun ꞌë cacëxun cana aín bana parë́quinma an cacësabi oquin ꞌacën.

Hechos 9:10

Usaía ꞌimainun ca Jesucristomi catamëcë uni achúshi, Ananías cacë, ax Damasconu ꞌiacëxa. Anu ꞌixun ca namáquin cuacësa oquin ësaquian Nucën ꞌIbu Jesusan cacëxun cuacëxa: —Ananías. Cacëxuinshi ca Ananíasnën cacëxa: —Ënu cana ꞌain.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.