Hechos 12:3 - Kashibo-Kakataibo Biblia

³ Usoquin ꞌacëbëa judíos unicama cuëënia isquin ca Heródesnën Pedroribishia binun quixun aín suntárucama cacëxa. Anun chamiti ñucëñunma ꞌacë pán piti nëtë ꞌain ca Heródesnën Pedro bimitancëxun sipuamiacëxa.

Nukën 'Ibu Diosan ain unikama 'inan ain bana

³ Usoquin 'acëbëa judíos unicama cuëënia isquin ca Heródesnën Pedroribishia binun quixun aín suntárucama cacëxa. Anun chamiti ñucëñunma 'acë pán piti nëtë 'ain ca Heródesnën Pedro bimitancëxun sipuamiacëxa.

Hechos 12:3 ပူးပေါင်းရင်းမြစ်များ

Mateo 26:17

Anun chamiti ñucëñunma ꞌacë pán anun piti nëtëa ꞌain ca aín ꞌunánmicë unicaman anu cuanxun Jesús ñucáquin cacëxa: —¿Uinuxuinra nun Pascua nëtën a piti ñu mi mëníoxunti caramina cuëënin?

Juan 12:43

Nucën Papa Dios cuëënun ꞌicësamairai ca a unicama fariseo unicamami racuëti atux cuëëncësa oíshi ꞌiacëxa.

Juan 19:11

Cacëxun ca Jesusan cacëxa: —Naínu ꞌicë Nucën Papa Dios cuëëncëbëtanma camina min ꞌë uisabi otsíama. Usa ꞌain ca an mi ꞌë ꞌináncë unicama ax mix ꞌicësamairai ꞌuchaxa.

Juan 21:18

Asérabi cana ꞌën mi cain, bëná ꞌaish camina minbi chupa pañuanan uinu caramina cuainsa tani anu cuancën. Usa ꞌaínbi ca xëniira ꞌaíshmi mëshpatia uni itsin chupa pañumixun uinu caramina cuainsama tani anubi mi buánti ꞌicën.

Hechos 12:4

Sipuamiquin ca ësaquin sináncëxa: Ënë nëtëcama inúcëbëtan sipunua chiquíminuxun cana judíos unicaman ismainun uisa carana Pedro oti ꞌai quixun isti ꞌain. Usaquin sinánquin ca chiquíti rabanan Heródesnën Pedro sipuanun quixun cacëxa. Cacëxun ca dieciseis suntáru a bërúanun mëníoquin policíanën rabë́ ꞌimainun rabë́ suntárunën paían bërúanun quixun sipuamiacëxa. Usoquin ca suntárucaman an paían bërúancëcamaxa cuancëbë cuancëbë uquin raírinënribi bërúancëxa.

Hechos 2:14

Canancëbë ca Pedro abë ꞌicë mëcën rabë́ ꞌimainun achúshi unibë nirui munuma banaquin cacëxa: —Judíos unibu ꞌimainun Jerusalénu ꞌicë unicama, mitsúnmi ꞌunánun ca ꞌën mitsu camainun cuat.

Hechos 20:6

Usa ꞌain cananuna anun chamiti ñucëñunma ꞌacë pán anun piti nëtë inúmitancëx, nuxribi Filiposnuax manë nuntin cuanx, mëcën achúshi nëtë ꞌicëbë Troasnu bëbacën. Bëbax cananuna mëcën achúshi ꞌimainun rabë́ nëtë anu ꞌiacën.

Hechos 24:27

Usaquin rabë́ baritia inúnmi ꞌapu ꞌaíshbi chiquíquin ca Felixnën judíos unicamabë upí ꞌiisa tanquin Pablo sipunubi ëancëxa. Felix chiquícëbë ca bëtsi uni Porcio Festo cacë, ax ꞌapu ꞌiacëxa.

Hechos 25:9

Quia ca Festonën judíos unicamabë upí ꞌiisa tanquin Pablo cacëxa: —¿Mi ñuia quicancë bana ënë ꞌën anuxun mi mëíoxunun caina Jerusalénu cuainsa tanin?

Hechos 4:13

Usa ꞌain ca Pedrobëtan Juanën quirica ꞌunáinracëma ꞌianan ꞌapuma ꞌixunbi racuë́quinma unicama bana ñuixunia isi judíos ꞌapucamax ratúacëxa. Usai ꞌiquin ca —ënë uni rabëtax ca axa Jesúsbë nicë a ꞌicë —quixun sináncëxa.

Gálatas 1:10

¿Ësaquin mitsu caquin carana unían ꞌëx cana asérabi upí ꞌai quixun ꞌë rabiti sinan? Usaquin sinánquinma cana Nucën Papa Diosan ꞌë upí isti sinan. ¿Carana unicamabë upí ꞌiti sinan? Cana usaquin sinaniman. Nucën Papa Diosma unishi cuëënmiti sinani cana Cristonën unima ꞌitsían.

1 Tesalonicenses 2:4

Usama ca, Nucën Papa Diosanbi ca asérabi caranuna aín bana uni ñuixunti ꞌai quixun upí oquin ꞌunántancëxun —atun ca asérabi ꞌati ꞌicë —quixun sinánquin aín bana unicama ñuixunun nu cacëxa. Usaquin ꞌanun cacë ꞌixun cananuna an —Jesucristomi catamëti ca uni Nucën Papa Diosnan ꞌinux ië́ti ꞌicë —quixun unicama ñuixunin. Usaquin ꞌaquin cananuna Jesucristo ñuiquin unicama cuëënmiti sinánquinma, Nucën Papa Dios, an camabi unin nuitu ꞌunáncë, axëshia cuëëntanun uni bana ñuixunin.