Hechos 12:25 - Kashibo-Kakataibo Biblia

²⁵ Usaía ꞌimainun ca Saulobë Bernabé Jerusalénuxun a buáncë curíqui unicama ꞌinántancëx, Juan ꞌicëbi Marcosribi cacë a buani, Antioquíanu cuantëcëancëxa.

Nukën 'Ibu Diosan ain unikama 'inan ain bana

²⁵ Usaía 'imainun ca Saulobë Bernabé Jerusalénuxun a buáncë curíqui unicama 'inántancëx, Juan 'icëbi Marcosribi cacë a buani, Antioquíanu cuantëcëancëxa.

Hechos 12:25 ပူးပေါင်းရင်းမြစ်များ

Hechos 12:12

Usaquin sinánbiani ca Juan ꞌicëbi Marcosribi caquin anëcë uni, aín tita Maríanën xubunu cuancëxa, anuaxa timë́ax ꞌaisamaira uni Nucën Papa Diosbë banacë, a xubunu.

Hechos 15:35

Usaquin sinántancëx bërúxun ca anuxun Pablobëtan Bernabénën an Jesucristomi catamëcë ꞌixun aín bana ñuixuncë unicamabëtan —Nucën ꞌIbu Jesúsmi catamëti ca uni Nucën Papa Diosnan ꞌiti ꞌicë —quixun bana ñuixunquin Antioquíanu ꞌicë unicama ꞌunánmiacëxa.

Hechos 15:37

Cacëxun ca Bernabénën Juan ꞌicëbi Marcosribi cacë uni, a buántisa tancëxa.

Hechos 4:36

Axa usai ꞌaquianancë unicama achúshi ca Levitan rëbúnqui, José cacë, Chipre nasínu ꞌicë, ꞌiacëxa. Ax ca Jesusan caíscë unicaman Bernabé caquinribi anëcë ꞌiacëxa. A banax ca an masá nuitutiabi cuëënmicë qui quicë ꞌicën.

Colosenses 4:10

Acëñun ꞌë sipuacancë Aristarco, ꞌimainun Bernabénën sëcë́nanë, Marcos, anribi ca bërúanx ꞌinun mitsu camia. A ñuiquin ꞌën cacë ꞌixun camina Marcos mitsu isi cuania upí oquin bicanti ꞌain.

2 Timoteo 4:11

Lucasëshi ca ꞌëbë ꞌicën. Usa ꞌain camina Marcos barixun mërabëtsínquin ꞌëa Nucën Papa Diosan bana ñuiquínun bëti ꞌain.

Filemón 1:24

ꞌImainun ca an ëbëtan bana uni ñuixuncë unicama Marcos, Aristarco, Demas, Lucas, acamanribi bërúanxmi ꞌinun mi canun quixun ꞌë caxa.

1 Pedro 5:13

Babilonianu ꞌicë axa Jesucristomi catamëcë unicama, mitsu ꞌacësaribi oquian Nucën Papa Diosan ainan ꞌinun caíscë, acaman ca bërúanxmi ꞌicanun ꞌën mitsu canun ꞌë caxa. Marcos, ꞌën bëchicësa, anribi ca bërúanxmi ꞌinun ꞌën mi canun ꞌë caxa.