Hechos 12:17 - Kashibo-Kakataibo Biblia

¹⁷ Ratúcaniabi ca nëtë́nun quixun aín mëcënan sanánquin, usoquin ca Nucën ꞌIbu Diosan sipunua ꞌë chiquínbëtsinquin bëaxa quixun atu ñuixuancëxa. Ñuixuntancëxun ca cacëxa: —ꞌËn mi cacë banacama ënë camina Jacobo ꞌimainun nun xucë́antu ñuixunti ꞌai —quixun. Cabiani ca ëma itsinu cuancëxa.

Nukën 'Ibu Diosan ain unikama 'inan ain bana

¹⁷ Ratúcaniabi ca nëtë́nun quixun aín mëcënan sanánquin, usoquin ca Nucën 'Ibu Diosan sipunua 'ë chiquínbëtsinquin bëaxa quixun atu ñuixuancëxa. Ñuixuntancëxun ca cacëxa: —'Ën mi cacë banacama ënë camina Jacobo 'imainun nun xucë́antu ñuixunti 'ai —quixun. Cabiani ca ëma itsinu cuancëxa.

Hechos 12:17 ပူးပေါင်းရင်းမြစ်များ

Salmos 66:16

¡Kamabi an Dios rabikë, mikamax kamina rikuatsinti ꞌain! Rikuatsinxun kamina usakian an ꞌë ñu ꞌaxunkëkama ñuixumainun kuati ꞌain.

Mateo 10:23

Achúshi ëmanuxun bana ñuixuniabi unin mitsun bana cuaisama tanquin bëtsi bëtsi ocëx camina bëtsi ëmanu cuanti ꞌain. Anuxunribi bana ñuixunia unin mitsu bëtsi bëtsi ocëx camina anuaxribi bëtsi ëmanu cuanti ꞌain. ꞌËn cana asérabi mitsu cain, anu Israel unibu ꞌicë ëmacamanuxun mitsun unicama bana ñuixuncëma pain ꞌain cana ꞌëx uni ꞌinux Nucën Papa Diosnuax uá ꞌëx utëcënti ꞌain.

Marcos 6:3

Carpinteroishi ca ënëx ꞌicën, Marían tuá. Ax ca Jacobo ꞌimainun José ꞌimainun Judas ꞌimainun Simón aín xucën ꞌicën. Aín chirabacëcamaribi ca ënu nubë ꞌicën, ¿usa cat? —quiax canancëxa. Usai canani ca aín bana cuaisama tani ami nishacëxa.

Lucas 1:22

Usaquin sinánquian caíncëx chiquíquin ca Zacaríasnën banacasmaquin aín mëcënanshi sanánquin tanxuancëxa. Usaía ꞌicëbëtan ca unicaman —Nucën Papa Diosan ismicëxun ca anuxun a rabiti xubunuxun ñu isaxa —quixun sináncëxa.

Juan 10:40

Jordán ꞌucë manan cuantëcëntancëx ca Jesús anuxuan Juanën uni nashimia, anu ꞌiacëxa.

Juan 11:54

Usa ꞌain ca Jesús judíos unicaman istin rabanan Judeanuax anua uni ꞌicëma menu ꞌurama ꞌicë ëma Efraín cacë, anu cuancëxa. Anua ꞌain ca abë aín ꞌunánmicë unicama ꞌiacëxa.

Juan 13:24

Usa ꞌicë ca Simon Pedronën, ui ñui cara quia ñucánun quixun sanánquin mëtúnquin cacëxa.

Juan 7:1

Usaquin bana ñuixuntancëx ca judíos unicamaxa a ꞌacatsi quiax ꞌësë́nania ꞌunanx, Judea nëtënu ꞌicë ëmacamanu cuainsama tani Galilea nëtënu ꞌicë ëmacamanushi nitsi anubi Jesús ꞌiacëxa.

Juan 8:59

Usaquian cacëxuan judíos unicaman anun ꞌacatsi quixun maxax bicëbëbi ca Jesús uni xanpë́scabiani, anuxun Nucën Papa Dios rabiti xubunuax cuancëxa.

Hechos 1:15

Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

Hechos 12:16

Usaia cananmainun ca Pedronën ꞌitsa oquin xëcuë taxcacëxa. Usoquian ꞌacëbëtan xëócaquinbi Pedro mërai ca ratúcancëxa.

Hechos 12:18

Usaía ꞌion pëcaracëbë ca an bërúoncë suntárucamax, uimi cara Pedro quiónxa quiax sináncasmai raíribë ñucacanancëxa.

Hechos 13:16

Cacëxun ca Pablonën niruquin an cacëxun cuanun quixun aín mëcënan sanánquin ësaquin cacëxa: —Israel unicama ꞌimainun an Nucën Papa Diosan bana sináncë unicama, ꞌën mi camainun ca ꞌën bana cuacan.

Hechos 15:13

Usaquin caía Pablobë Bernabé sënë́ncëbëtan ca Jacobonën anu ꞌicë unicama cacëxa: —ꞌËn xucë́antu, ꞌën mitsu camainun ca cuat.

Hechos 16:40

Usaquian cacëx sipunuax chiquíquiani ca Lidianën xubunu cuancëxa. Cuanx atsínquinbi ca axa Jesucristomi catamëcë unicama anu timë́cë isquin upí oquin ꞌësëtancëx anuaxribi cuancëxa. Tesalónica ëmanuaxa unicama tsuáquirua

Hechos 19:33

Pablomia ꞌicësaribiti ca anua timë́cë unicamax anua atubë ꞌicë judíos unicamamiribi nishacëxa. Usaía ami nishcëxun ca judíos unicama an Alejandro, uisai ꞌi cara timë́axa quixun an anua timë́cë unicama canun quixun cacëxa. Cacëxun ca Alejandronën aín mëcënan sanánquin aín bana cuanun quixun cacëxa.

Hechos 21:18

Usaquian bicëx ꞌinëti cananuna pëcaracëbë Pablobë Jacobo isi cuancën. Abë ca axa Jesucristomi catamëcë unicaman cushicamaribi ꞌiacëxa.

Hechos 21:40

Cacëxun ca comandantenën —camina cati ꞌai —quixun cacëxa. Cacëx tapitinu nixun mëcënan sanáncëxa nëtëtia ca Pablonën hebreo banan banaquin ësaquin unicama cacëxa:

Hechos 28:15

Usa ꞌain ca nuxnu cuania cuabëtsini axa Jesucristomi catamëcë uni raíri Romanuax ricuatsini Apio Foro cacë ëmanuax nubë mëranani uacëxa. ꞌImainun ca raírinëxribi Tres Tabernas cacë ëmanuax nubë mëranancëxa. Acamabënu mëranancëbëtan ca Pablonën Nucën Papa Dios —asábi ca —caquin upí oquin sináncëxa.

1 Corintios 15:7

Usai ꞌianan ca Jacobomiribi chiquiracëanan an aín bana ñuixunun caíscë unicamamiribi chiquiracëtëcëancëxa.

Gálatas 1:19

Aribia Nucën ꞌIbu Jesusan aín bana ñuixunun caísa uni raíri isquinmabi cana Jacobo, Nucën ꞌIbu Jesusan xucën, ashi isacën.

Gálatas 2:12

Jacobonëan xucë́xa uni raíri ucëma pain ꞌain ca Pedronën judíosma unicamabëtan piacëxa. Usaquin ꞌaxunbi ca Jacobonëan xucë unicama ucëbëtan atubëtan piquinma, judíosma unicama ëancëxa, axa Jerusalénuax ucë unicaman a ñu cati rabanan.

Gálatas 2:9

Nucën Papa Diosan usaquin ꞌë ꞌimicë ꞌicë ꞌunánquin ca Jacobo, Pedro, Juan, acaman atux Jesucristomi catamëcë unicaman cushi ꞌixun Bernabécëñun ꞌë aín mëcën ꞌinánquin, —asérabi camina nu ꞌacësaribi oquin Cristo ñuiquin aín bana ñuixunun Nucën Papa Diosan caíscë ꞌai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti ꞌai —quixun nu cacëxa.

Santiago 1:1

ꞌËx cana Santiago, an Nucën Papa Dios ꞌimainun Nucën ꞌIbu Jesucristonën cacësabi oquin ñu ꞌacë ꞌain. Israelnën bëchicë mëcën rabë́ ꞌimainun rabë́ aín rëbúnqui ꞌaíshmi bëtsi bëtsi menu tsóti cuan ꞌicë cana mitsu ënë quirica buánmin.