Hechos 11:3 - Kashibo-Kakataibo Biblia

³ Ñuiquin ca cacëxa: —¿Uisa ꞌixun caramina aín xubunu atsíanan judíosma unicamabëtan pian?

Nukën 'Ibu Diosan ain unikama 'inan ain bana

³ Ñuiquin ca cacëxa: —¿Uisa 'ixun caramina aín xubunu atsíanan judíosma unicamabëtan pian?

Hechos 11:3 ပူးပေါင်းရင်းမြစ်များ

Mateo 9:11

Jesúsbëtan a unicaman piia isquin ca aín ꞌunánmicë unicama fariseo unicaman ñucáquin cacëxa: —¿Uisa cupí cara an mitsu ꞌunánmicë unin an ꞌapu buánmiti curíqui bicë unicamabëtan pianan ꞌuchañu unicamabëtan pin?

Lucas 15:2

Usoquian aín bana camaxunbi cuaisa tania isi ca fariseo unicama ꞌimainun an Moisésnën cuënëo bana ꞌunáncë unicamax nishi canancëxa, ënë unin ca ꞌuchañu unicamabë timë́xun abëtan piia.

Juan 18:28

Pëcaracëma ꞌaínshia xabaracë́cëbëtan ca Caifásnën xubunua policíanën Jesús Romanuaxa ucë ꞌapu, Pilato, aín xubunu buáncëxa. Usa ꞌain ca a ꞌapua aín caibuma ꞌain, aín xubunu atsini ꞌuchaxuinsa Pascua nëtën ꞌati ñu pitima ꞌicë quixun sinani judíos unicama anu atsíanma ꞌicën.

Hechos 10:23

Ësaquian cacëxun atsínmicëx ca a unicamax Pedrobë a xubunu ꞌiacëxa. ꞌInëti pëcaracëbë ca Pedro mëníocaquiani, axa a buani ucë unicama a ꞌimainun Jopenuaxa Jesúsmi sináncë uni raíricamabëribi Cesárea ëmanu cuancëxa.

Hechos 10:28

Isquin ca atu cacëxa: —Mitsun camina ꞌunanin, ax quicësabi oía judíos unicama ꞌiti bana ca quia, judíos uníxa judíosma unibë timë́anan aín xubunu atsínti ca ꞌaisama ꞌicë quiax. ꞌËnribi a bana ꞌunáncë ꞌicëbi ca Nucën Papa Diosan uinu ꞌicë unibi, ꞌaisama ca quixun ñuixunma ꞌanun ꞌë ꞌunánmiaxa.

Hechos 10:32

Usa ꞌain camina Simón ꞌicëbi Pedro caquin anëcë a bëtánun min uni Jopenu xuti ꞌain. Ax ca ñuina xacá mëníoti ꞌunáncë uni, Simón cacëribi, parúnpapa cuëbía tsócë, aín xubunu ꞌicën. Ax ca uax mibë banati ꞌicën.

Hechos 10:48

Ësoquin catancëxun ca Pedronën a unicama Jesucristomi catamëcë ꞌaísha nashimicë ꞌinun cacëxa. Nashimicë ꞌixun ca Pedro a unicaman atubë pan isa ꞌinun quixun cacëxa.

1 Corintios 5:11

Ësaquinshi cana mitsu caisa tanin. Axa —ꞌëx cana Jesucristomi sináncë ꞌai —quibi cëmëcë unibë camina nitima ꞌain. Jesucristonainsa quiquinbia ainanmabi xanu cuëënbëquincë uni ꞌimainun xanúxmabi uni itsibëribi ꞌicë uni ꞌimainun bëtsi unin ñu cuëëncë uni ꞌimainun Nucën Papa Diosmi sinánquinma unin ꞌacë ñu rabicë uni ꞌimainun ñuianancë uni ꞌimainun paë́ncë uni ꞌimainun mëcamacë uni, usa unibubë camina nitima ꞌain, abëtanbi camina pitima ꞌain.

Gálatas 2:12

Jacobonëan xucë́xa uni raíri ucëma pain ꞌain ca Pedronën judíosma unicamabëtan piacëxa. Usaquin ꞌaxunbi ca Jacobonëan xucë unicama ucëbëtan atubëtan piquinma, judíosma unicama ëancëxa, axa Jerusalénuax ucë unicaman a ñu cati rabanan.

2 Juan 1:10

Ui unin cara mitsu isi cuanxun Jesucristo ñui quicë bana —ax ca asérabi ꞌicë —quixun ñuiquinma bëtsi oquin ñuia, a camina min xubunu atsínmima ꞌianan —caina uan —quixunribi catima ꞌain.