Hechos 10:41 - Kashibo-Kakataibo Biblia

⁴¹ Jesús baísquicëbi ca camabi uníinra isama ꞌicën. Nun cuni cananuna Nucën Papa Diosan, Jesús ñuiquin unicama bana ñuixunun bëráma caísa ꞌixun, baísquicë isanan abëtan pianan xëacën.

Nukën 'Ibu Diosan ain unikama 'inan ain bana

⁴¹ Jesús baísquicëbi ca camabi uníinra isama 'icën. Nun cuni cananuna Nucën Papa Diosan, Jesús ñuiquin unicama bana ñuixunun bëráma caísa 'ixun, baísquicë isanan abëtan pianan xëacën.

Hechos 10:41 ပူးပေါင်းရင်းမြစ်များ

Lucas 24:30

Atsíntancëx mesanu a uni rabë́bë tsóbuxun ca pán bixun —asábi ca —Nucën Papa Dios catancëxun, tucapaquin atu ꞌináncëxa.

Lucas 24:48

Mitsun camina ꞌëx ꞌia iscë ꞌixun, uisai carana ꞌë ñuiquin cuënëo banacama quicësabi oi ꞌia quixun unicama ñuixunti ꞌain.

Juan 14:17

Ax ca Nucën Papa Diosan Bëru Ñunshin Upí ꞌicën, an Nucën Papa Diosan sináncë ñucama ꞌunáncë, a. A ca an Nucën Papa Diosan bana sináncëma unin ui cara ax ꞌicë quixun ꞌunántima ꞌicën, ca a istima ꞌicën. Usa ꞌaish ca atux Nucën Papa Diosan Bëru Ñunshin Upíñu ꞌitima ꞌicën. Usa ꞌaínbi camina mitsun a ꞌunánti ꞌain, axa mitsunu ꞌianan xënibua ꞌaínbi mitsubë ꞌicë cupí.

Juan 14:19

ꞌItsama nëtë ꞌicëbëtan ca an Nucën Papa Diosan bana cuacëma unin ꞌë istëcëntima ꞌicën. Usa ꞌaínbi camina mitsun ꞌë istëcënuxun ꞌain. ꞌËx pain Nucën Papa Diosbë ꞌicë cupí camina usaribiti mitsúxribi abë ꞌinuxun ꞌain.

Juan 14:22

Cacëxun ca Judas Iscariote ama, bëtsi Judasnën Jesús cacëxa: —¿Uisa cupí caramina nu uisaira caramina mix ꞌai quixun ismiquinbi an Nucën Papa Diosan bana cuacëma unicamaribi ismitima ꞌain?

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 15:27

Mitsúnribi camabi nëtën ꞌëbë ꞌixun ꞌën bana ñuixunia cuanan ꞌën ñu ꞌaia iscë ꞌixun camina ꞌë ñuiquin uisa carana ꞌëx ꞌai quixun unicama ꞌunánmiti ꞌain.

Juan 21:13

Usa ꞌain ca Jesusan atu rapasu niracëquin pán bixun atu ꞌinántancëxun tsatsaribishi ꞌináncëxa.

Hechos 1:22

Usa ꞌaish ca atux Juanëan nashimia ꞌaísha ax naínu cuantamainun nubë ꞌiaxa. Usa cupí ca a unicama achúshinëxa Jesús ax ca bamatancëx baísquitëcëanxa quixun nun ꞌacësaribi oquin unicama ñuixunux nubë birananti asábi ꞌicën.

Hechos 1:4

Naínu cuainsama pain ꞌixun ca Jesusan aín ꞌunánmicë unicama, an uni bana ñuixunun xutia caíscë, a cacëxa: —Jerusalénuax cuanxunma pan ca anuxunbi ꞌën Papa Diosan cacësabi oquin ꞌën mitsu ñuixuncë a pain caín.

Hechos 10:39

Jesusan Judea menu ꞌicë ëma chucúmaracamanuxun ꞌanan Jerusalénuxunribi ꞌacë ñucama a cananuna nun isacën. Usoquian ñu ꞌacëbi ca i curúsocënu matásquin unin ꞌacëxa.

Hechos 13:31

Baísquimicëx ca ꞌitsa nëtën pain ꞌi, abëa Galilea menuax Jerusalénu cuancë unicamami ꞌitsai chiquiracëacëxa. Usa ꞌain ca atun bërí a ñuiquin unicama ñuixunia.