Hechos 10:36 - Kashibo-Kakataibo Biblia

³⁶ Nucën Papa Diosan ca Israel unicama aín bana ñuixunquian Jesucristo ax ca camabi unin ꞌibu ꞌixun an nu chuámarua ꞌimiti a ꞌicë quixun ñuixunun aín unicama xuaxa.

Nukën 'Ibu Diosan ain unikama 'inan ain bana

³⁶ Nucën Papa Diosan ca Israel unicama aín bana ñuixunquian Jesucristo ax ca camabi unin 'ibu 'ixun an nu chuámarua 'imiti a 'icë quixun ñuixunun aín unicama xuaxa.

Hechos 10:36 ပူးပေါင်းရင်းမြစ်များ

Salmos 72:7

¡Usakin ꞌanan ka ax ꞌapu ꞌixun ñu upíokin ꞌakëbë, a nëtëkaman uni upitax bukuti ꞌikën, anúan ꞌuxë nëtë́ti nëtë ꞌitámainun!

Isaías 55:12

Usa ꞌain kamina mitsux kuëënkiani anuaxmi tëmërakankë, anuax kamina mitsun menubi uínbi uisokinbi kakëma kuantëkënti ꞌain. Usai mitsux kuania isi ka ꞌain bashikama kuëëni kantati ꞌikën, ꞌimainun ka kamabi ikama ninu ꞌikë akamax mëtashkiti ꞌikën.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Oseas 1:7

ꞌAínbi kana Judánu ꞌikë unikaman ꞌapu atumi ꞌatimakin sinanima ꞌikima nuibati ꞌain: usakin nuibakin kana ꞌëxbi ꞌain Dios ꞌixun ië́miti ꞌain. ꞌAínbi kana ꞌakanankë ꞌianan, kantiñu ꞌianan, manë xëtokëñu ꞌianan, caballo an nikinkë uniñu ꞌikëbi a kupín ꞌimikima ꞌënbi ië́miti ꞌain.”

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Mateo 10:6

Israel unicama axa ꞌëmi sinánti ꞌaíshbi ꞌëmi sináncëma acama ꞌëmi sinánun ꞌaquini camina cuanti ꞌain. Atux ca ꞌëmi catamëcëma ꞌaish ꞌibuñuma carnerosa ꞌicën.

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Lucas 1:79

Xucëxun uquin ca axa aín ꞌucha cupí Nucën Papa Diosbë upíma ꞌianan —ꞌën bamati ca ꞌurama ꞌicë —quixun sinani racuëti masá nuituti bëánquibucënu ꞌicësa unicama atun ꞌuchacama tërë́nquin Nucën Papa Diosnan ꞌinun ꞌimianan nuxnu Nucën Papa Diosbë upí ꞌaish ax cuëëncësabi oi ꞌinun nu ꞌimiti ꞌicën. Usai ca Zacarías Nucën Papa Diosan Bëru Ñunshin Upitan sinánmicëx quiacëxa.

Lucas 24:47

Usa ꞌain ca aín unicaman Jerusalénuxun pain aín bana ñuitancëxun camabi menu cuanquin ësoquin caquin unicama ñuixunti ꞌicën, Nucën Papa Diosan atun ꞌatima ñu ꞌacëcama tërë́ncë ꞌinuxun ca sinanaquin bëtsi oquin sinánti ꞌicë quixun. Ësaía a ñui cuënëo bana quicë a ñuixuntancëxun ca Jesusan atu cacëxa:

Hechos 10:37

Mitsun camina upí oquin ꞌunanin, Juanën pain ca Jesucristo ñuiquin Nucën Papa Diosan bana ñuixunquin uni nashimiacëxa. Usoquian Juanën ꞌa ñucama a ꞌunánan camina Galilea menuax cara uisai ꞌiacëxa quixun ꞌunanin.

Hechos 11:19

Esteban pain rëtancëxun ca Jesucristomi catamëcë unicama axa atumi nishcë unicaman bëtsi bëtsi ocëxa. Usocëx ca tsuáqui raírinëxa Fenicia menu cuantamainun raírinëxribia nasí cha, Chipre cacë, anu cuantamainun raírinëxribi Antioquía ëmanu cuancëxa. Cuanxun ca bëtsi unibuma judíos unibuishi, Jesucristomi catamëti ca uni Nucën Papa Diosnan ꞌiti ꞌicë quixun bana ñuixuancëxa.

Hechos 13:32

Usa ꞌain cananuna mitsúxmi cuëënun upí bana ënë mitsu cain, Nucën Papa Diosan nucën raracama a ñuiquin cá a ca axa ucë ax ꞌiaxa quixun.

Hechos 13:46

Usa ꞌain ca Pablobëtan Bernabénën racuë́quinma atu cacëxa: —Nun nu judíos uni ꞌicë mitsu pain Nucën Papa Diosan bana ñuixuncëxbi camina ꞌiti ꞌaíshbi ainan ꞌiisama tanquin aín bana cuaisama tancanin. Usa ꞌain cananuna judíosma unicama Jesús ñuiquin bana ñuixuni cuanti ꞌain.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

Hechos 5:31

Usotancëxun ca abëa aín mëqueu ꞌApu ꞌinun ꞌimiaxa. ꞌImianan ca axa atun ꞌApu ꞌaían a cupíshi sinanati Israel unicama atun ꞌucha tërë́ncë ꞌaish ië́cë ꞌinun ꞌimiaxa.

Romanos 14:9

Aín unicamax bamacëma ꞌaish ꞌianan bamatancëxribi ainan ꞌinun ca Cristo bamaxbi baísquiacëxa.

Romanos 5:1

Usai nux Nucën ꞌIbu Jesucristomi catamëcë ꞌicë, a cupí ca Nucën Papa Diosan nu upí isia. Usaquian iscëx cananuna abë upí ꞌain, Jesucristo cupí.

1 Corintios 15:27

Nucën Papa Diosan ꞌimicëx ca Cristo camabi uni, camabi ñu aín ꞌibu ꞌia. Usai ca Nucën Papa Diosan bana cuënëo quia. A bana quicësabi oi Cristo ax Nucën Papa Diosan ꞌimicëx camabi uni, ñu, acaman ꞌibu ꞌaíshbi ca ax Nucën Papa Dios, an camabi ñun ꞌibu a ꞌimicë, aín ꞌibuma ꞌicën.

1 Corintios 15:47

A pain unio uni ax ca me ꞌacë ꞌiacëxa. A caxua ucë ax ca me ꞌacëma, naínuaxa ucë, Nucën ꞌIbu Jesucristo, ꞌiacëxa.

Filipenses 2:11

Usa ꞌain ca camaxunbi —Jesucristo ax ca asérabi camabi menu ꞌicë uni ꞌimainun ñucaman ꞌIbu ꞌicë —quixun cati ꞌicën, Nucën Papa Dios ax ca asérabi Dios ꞌicë quixun ꞌunánquin.

Colosenses 1:20

Aín nuitu ꞌaisama ꞌaísha uni abë upꞌi ꞌitima ꞌaínbi ca Nucën Papa Dios cuëëncësabi oquin Cristonën i curúsocënu bamaquin ënë menu ꞌicë ñucama ꞌimainun naínu ꞌicë ñucamaribi an iscë́xa upí ꞌinun mëníocëxa.

Hebreos 1:2

Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

Apocalipsis 19:16

Aín chupanu ꞌimainun ca aín quisinuribi ësaquin cuënëocë ꞌiaxa: “ꞌApucaman ꞌApu ꞌianan ꞌibucaman ꞌIbu”.