Hechos 10:34 - Kashibo-Kakataibo Biblia

³⁴ Ësoquian cacëxun ca Pedronën Cornelio cacëxa: —ꞌËn cana bërí asérabi ꞌunanin, Nucën Papa Diosan ca judíosma unibu judíos unisaribi isquin camabi uni sënën isia.

Nukën 'Ibu Diosan ain unikama 'inan ain bana

³⁴ Ësoquian cacëxun ca Pedronën Cornelio cacëxa: —'Ën cana bërí asérabi 'unanin, Nucën Papa Diosan ca judíosma unibu judíos unisaribi isquin camabi uni sënën isia.

Hechos 10:34 ပူးပေါင်းရင်းမြစ်များ

Mateo 22:16

Sinántancëxun ca aín uni raíri ꞌimainun axa Herodesmi sináncë unibu Jesús ñucánun quixun xuacëxa. Xucëx cuanxun ca a unicaman Jesús cacëxa: —Cananuna ꞌunanin, min banax ca asérabi ꞌicën. Uisai cara Nucën Papa Diosan uni ꞌiti ꞌicë quixun camina cëmëquinma asérabi ñuin, unían min a bana ñuia cuati cuëëncëbëtanmabi. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin.

Mateo 5:2

Nëbë́tsioracëxun ca Jesusan uisa unicamax cara cuëënti ꞌicë quixun atu ꞌunánmiquin cacëxa, ësaquin:

Lucas 20:21

Xucëx cuanxun ca Jesús cacëxa: —Cananuna ꞌunanin, min banax ca asérabi ꞌicën, upí oquin camina unicama bana ñuixunin. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin.

Hechos 10:33

Cacëxun cana bënë́nquinshia mi bënun quixun uni xuëxan. Xucëxuan cacëx camina upí oquin sinánbëtsini atubë ënu uan. Usa ꞌain cananuna Nucën ꞌIbu Diosan nu ismainun ënu bërí ꞌain, an mi sinánmicëxunmi nu ñuixuncëxun cuanux.

Hechos 15:9

Nuxnu judíos ꞌicëa nu ꞌimicësaribi oquin ca Nucën Papa Diosan judíosma unicama Jesucristomi catamëcë cupí aín ꞌuchacama tërë́nquin aín sinan upí ꞌimiaxa.

Hechos 8:35

Cacëxun ca Felipenën quiricanua iscë bana a ñuixunquin, —Jesús ñui ca quia —quixun canan —carnero ꞌicësaribiti ca Jesús unin ꞌatimocëxbi banama ꞌicë —quixun canan —Jesúsmi catamëti ca uni Nucën Papa Diosnan ꞌiti ꞌicë —quixun upí oquin ñuixuancëxa.

Romanos 2:11

An ca judíos unisaribi judíosma unicamaribi isia.

Romanos 3:29

¿Nucën Papa Diosan cara judíos unicamaishi aín uni ꞌimianan judíosma unicamaribi aín uni ꞌimitima ꞌic? Ca aturibi ainan ꞌimiti ꞌicën.

Gálatas 2:6

—Axa ami sináncë unicaman cushi ꞌinun Jesucristonën ꞌimicë ca atux ꞌicë —quixun unin cacë ꞌixunbi ca a unicaman bëtsi ñu ꞌanun ꞌë cáma ꞌicën. A unicamax nun cushi ꞌaínbi cana ꞌën ꞌunanin, Nucën Papa Diosan ca aín nuitu ꞌunánquin, camabi uni asérabi uisa uni cara quixun ꞌunania.

Efesios 6:9

An uni itsi ñu mëëmicë unicama, mitsun camina an mi upí oquin ñu ꞌaxuncësaribi oquin uni upí sinánñu ꞌixun ami nishquin ñu caquínma ñu mëëmiti ꞌain. Camina ꞌunanin, Nucën ꞌIbu Jesucristo aín nëtënu ꞌicë, ax ca mitsun ꞌIbu ꞌianan ami ñu mëëmicë unicaman ꞌIburibi ꞌicën. An ca aín unicama bëtsibë sënën isia.

Deuteronomio 10:17

Nukën ꞌIbu Dios ax ka achúshi ꞌaish dios kamasamaira ꞌianan, ꞌibukaman ꞌIbu samaira ꞌikën; ax ka Dios kamabi ñu manámi ꞌikë ainan ꞌianan ꞌApuira ꞌaish kushiira ꞌikën, usa ꞌain kamina ami rakuë́ti ꞌain, an ka bëtsi unikama upionan bëtsi unikamaribi ꞌatima oíma, ꞌimainun ka upiokinshi ñu ꞌaxúnti kuëënia;

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

Colosenses 3:25

Usa ꞌaínbi ca an ꞌaisama ñu ꞌacë uni, a aín ꞌucha cupí uisa cara oti ꞌicë usoquin Nucën Papa Diosan ꞌati ꞌicën. Usa ꞌain ca ꞌapu uni, ꞌimainun ꞌapuma uni, uisa uni cara, acamaxbi ꞌaisama ñu ꞌacë ꞌaish an ñu ꞌacë usaribi oquin castícancë ꞌiti ꞌicën.

Santiago 2:1

ꞌËn xucë́antu, mitsux Nucën ꞌIbu Jesucristo, ax Diossaribi upí, ami catamëcë ꞌixun camina raíri unibëishi nuibananquin raíri uni timatima ꞌain.

Santiago 2:4

Usoquin ꞌaquin camina camabi uni sënën nuibaquinma ꞌatima sinánñu ꞌixun raírishi nuibanan raíri uni ꞌatimoin.

Santiago 2:9

Usa ꞌaínbi camina mitsun, raíri unishi nuibanan raíri uni nuibacëma ꞌixun, ꞌuchaquin Nucën Papa Diosan bana cuënëo quicësabi oquin ꞌaiman.

1 Pedro 1:17

Nucën Papa Diosan ca camabi uni uisa ñu cara ꞌaxa quixun isia. Usa ꞌain camina mitsun —Nucën Papa Dios ax ca ꞌën Papa ꞌicë —quixun sinani aín nëtënu ꞌinux ënë nëtënu pan ꞌiquin ñu ꞌatima ꞌatimi racuë́quin upí ñuishi ꞌati ꞌain.