Hechos 10:3 - Kashibo-Kakataibo Biblia

³ Usa ꞌixun ca bëtsi nëtën bari cuabutia, a las tres ꞌain, namáquin iscësoquin ángel achúshi Nucën Papa Diosan xucëx anu aia upí oquin isacëxa. Iscëx anua ꞌicënu atsínquin ca —Cornelio —caquin cuëancëxa.

Nukën 'Ibu Diosan ain unikama 'inan ain bana

³ Usa 'ixun ca bëtsi nëtën bari cuabutia, a las tres 'ain, namáquin iscësoquin ángel achúshi Nucën Papa Diosan xucëx anu aia upí oquin isacëxa. Iscëx anua 'icënu atsínquin ca —Cornelio —caquin cuëancëxa.

Hechos 10:3 ပူးပေါင်းရင်းမြစ်များ

Éxodo 33:17

Kakëxun ka Diosan kakëxa: —Asabi ka usa ꞌain kana mitsubë kuanti ꞌain, asérabi kana ꞌën mi nuibatin ꞌimainun kana upí uni ꞌikë mix kikësabiokin ꞌën mi ꞌakinti ꞌain kixun ka Nukën ꞌIbun kakëxa.

Isaías 45:4

Min ꞌunánkëxumabi kana upíokin mi ꞌën uni Israel Jacobnën rëbúnkikama, ꞌën kana mi kaisakën kaískin kana min anën mi kuëankën, usokin ꞌakë ka unikaman mi nuibatia ꞌën kana mi ꞌapu ꞌimian raíri ꞌapu kamasamaira ꞌinun.

Mateo 27:46

Usai ꞌicëbë bari pëquitëcëntishi ꞌain ca Jesús munuma cuëncëni quiacëxa: “Elí, Elí, lama sabactani”. Usai quicë bana, ax ca —ꞌën Papa Dios, ꞌën Papa Dios, ¿uisa cupí caramina ꞌë ëan? —qui quicë ꞌicën.

Lucas 1:11

Tsëpasa ñu xaroquinbi ca Zacaríasnën anuxun tsëpasa ñu xaroti a mëqueucüa an Nucën Papa Dios ꞌaquincë aín ángelcama achúshi ami chiquiracëtia mëracëxa.

Lucas 2:13

Quicëbëshi ricuatsini timëti Nucën Papa Dios rabi ca ángelcamax quiacëxa:

Hechos 10:17

Usaía ꞌicëbë ca Pedro uisa cupí cara isa namáquin iscësoquin ñu isaxa quiax sináncasmacëxa. Usaía Pedro ꞌimainun ca Cornelionën xucë unicamax uinu cara Simonan xubu ꞌicë quixun ñucábianx aín xëcuënu bëbacëxa.

Hechos 10:19

A baricamainuan namácësoquin iscë ñucama a sinan sinaniabi ca Pedro Nucën Papa Diosan Bëru Ñunshin Upitan cacëxa: —Rabë́ ꞌimainun achúshi unin ca mi baria.

Hechos 10:30

Cacëxun ca Pedro Cornelionën cacëxa: —Rabë́ ꞌimainun rabë́ nëtë ca ꞌëx anun ësañuribi baria cuabúcëbë, ꞌëx ꞌicësabi ñubi piaxma ꞌën xubunuax Nucën Papa Diosbë banaëxancë ꞌicën. Banaquin iscëx ca uni achúshi aín chupa chaba chabaquicë ꞌaish ꞌën bëmánanu niracëxanxa.

Hechos 10:9

Xucëx pëcaraquiani bain cuani Jope ꞌuramaquianmainun ca bari xamárucëbë Nucën Papa Diosbë banai Pedro tapitinën xubu mascuan cata itsi masapan oquin ꞌacë anu ꞌiruacëxa.

Hechos 11:13

Atsinia ca ësaquin nu caxa: ꞌËn xubunu nicë cana ángel isan. Iscëxun ca ꞌë caxa: Jope ëmanu camina uni xuti ꞌain. Xucëx cuanxun ca uni achúshi Simón ꞌicëbia Pedro caquinribi anëcë, a ënu bëti ꞌicën.

Hechos 27:23

Ënë imë́ cana ainan ꞌixun ꞌën a rabicë, Nucën Papa Diosan xucë́xa ucë ángel isan.

Hechos 3:1

Usa ꞌain ca bari cuabúcëbë a las tres ꞌain camabi nëtë́an ꞌicësabi, Pedrobë Juan anuxun Nucën Papa Dios rabiti xubunu abë banai cuancëxa.

Hechos 5:19

Usocëbi ca Nucën ꞌIbu Diosan xucëx, imë́ uxun, aín ángel achúshinën sipu xëócaxun chiquínquin cacëxa:

Hechos 9:10

Usaía ꞌimainun ca Jesucristomi catamëcë uni achúshi, Ananías cacë, ax Damasconu ꞌiacëxa. Anu ꞌixun ca namáquin cuacësa oquin ësaquian Nucën ꞌIbu Jesusan cacëxun cuacëxa: —Ananías. Cacëxuinshi ca Ananíasnën cacëxa: —Ënu cana ꞌain.

Hechos 9:4

Usoquian pëcacëx menu nipacëquin ca ësaía quia cuacëxa: —Saulo, Saulo, ¿uisati caramina ꞌë bëtsi bëtsi oin?

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 1:4

Nucën Papa Diosan Bëchicë ax ca aín Papa cuëëncësabi oi ꞌicë cupí, aín ángelcamasamai upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cra ꞌaish aín Papabë ꞌApu ꞌicën. Usa ꞌaísha ax aín Papabë ꞌApu ꞌain ca ángelcama abë sënë́nma ꞌicën.