Hechos 1:6 - Kashibo-Kakataibo Biblia

⁶ Usatancëxun ca bëtsi nëtën abë timë́ax bucuxun an uni bana ñuixunun xutia caíscë unicaman Jesús cacëxa: —Nucën ꞌIbu, nux cananuna Israelnën rëbúnqui ꞌain, nun ꞌapu ꞌaíshbi ca nun aintsima ꞌicën. Usa ꞌain ¿caramina bërí nun aintsi achúshi nun ꞌapu ꞌinun mëníoti ꞌain?

Nukën 'Ibu Diosan ain unikama 'inan ain bana

⁶ Usatancëxun ca bëtsi nëtën abë timë́ax bucuxun an uni bana ñuixunun xutia caíscë unicaman Jesús cacëxa: —Nucën 'Ibu, nux cananuna Israelnën rëbúnqui 'ain, nun 'apu 'aíshbi ca nun aintsima 'icën. Usa 'ain ¿caramina bërí nun aintsi achúshi nun 'apu 'inun mëníoti 'ain?

Hechos 1:6 ပူးပေါင်းရင်းမြစ်များ

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Isaías 1:26

Usakin ꞌanan kana amiribishi an uisai kaina ꞌikani, usai ꞌia mëníoxunti akamaribi bërámami ꞌikan usaribitimi aña ꞌikanun mitsu ꞌimixunti ꞌain, ꞌanan kana an mitsu bana ñuixunkin ꞌësëti akamaribi bërámami ꞌikan usaribiti ꞌitëkënun ꞌimiti ꞌain. Usakin ꞌën ꞌan ka mitsu, rabi ësai kikanti ꞌikën, ëmanu tsókë unikaman ka upíokin bëtsi unikama ꞌakinia, ꞌianan ka a ëmanu tsókë unikama asérabi ñu ꞌakatsi kara kia usakinbi ñu ꞌaia.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Oseas 3:4

Usai akama ꞌikë ꞌain ka Israel unikamax ꞌitsa baritia ꞌapuñuma ꞌianan atun kushi kamañumabi ꞌiti ꞌikën, ꞌianan ka añu ñubi xaroima ꞌianan maxá upíibu akama ꞌianan, sacerdotekaman pañukë chupa abi pañuima: ꞌianan atun aintsia rabikë ñukama abi rabitima ꞌikën.

Amós 9:11

A nëtë ꞌikëbëtan kana ꞌën David ꞌapu ꞌain ꞌasaribiokin Israel unikama ꞌapuñu ꞌinun ꞌimiti ꞌain. ꞌImikin kana kamabi ñukama anu ꞌikë akama ꞌatëkënun ꞌamiti ꞌain,

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Mateo 17:11

Cacëxun ca Jesusan cacëxa: —Elías ax pain ca uti ꞌicë quicë bana ax ca asérabi ꞌicën. Uxun ca unicama Nucën Papa Diosmia sinánun sinánmiti ꞌicën, usai quicë banax ca asérabi ꞌicën.

Mateo 20:21

Abë banatisa tania isquin ca Jesusan cacëxa: —¿Añu caramina cuëënin? Cacëxun ca cacëxa: —Mixmi ꞌapu ꞌaish min nëtë upínu tsotan ꞌën tuacëx bëtsíxa min mëqueu tsómainun bëtsix min mëmiu tsónun camina ꞌimiti ꞌain, mibëa ꞌapu ꞌinun.

Mateo 24:3

Usaquin atu cabiani cuanx matá me Olivos cacë anu tsóbutia ca uni ꞌaíma ꞌain, aín ꞌunánmicë unicaman a nëbë́tsioraquin cacëxa: —¿Uínsaran cara mixmi quicësabi oi anuxun Nucën Papa Dios rabiti xubu aín maxáxcama rurupacë ꞌiti ꞌic? ¿Mix anun utëcënti nëtë anúan ënë mecama cëñúti, a nëtëx ca ꞌuramacuatsinia quixun ꞌunánuxun caranuna uisa ñu ꞌia isti ꞌain? A camina nu ñuixunti ꞌain.

Marcos 9:12

Cacëxun ca Jesusan cacëxa: —Elías ax pain ca uti ꞌicë quicë bana ax ca asérabi ꞌicën. Uxun ca unicama Nucën Papa Diosmia sinánun sinánmiti ꞌicën, usai quicë bana ca asérabi ꞌicën. ¿Usa ꞌaínbi cara axa Nucën Papa Diosnuax uni ꞌinux uá a ñuicë bana uisai quin? Ca quia, ax ca unin bëtsi bëtsi ocëx tëmërati ꞌicën.

Lucas 17:20

—¿Uínsarainra cara anúan Nucën Papa Dios aín unicaman ꞌapu ꞌiti nëtë ꞌiti ꞌic? —quixun fariseo unicaman ñucácëxun ca ësoquin Jesusan cacëxa: —Nucën Papa Diosan, uni ainan ꞌimia ca unin aín bërúnbi istima ꞌicën.

Lucas 19:11

Usa ꞌain ca Jesusan Zaqueo caia cuaquin, Jerusalén ꞌurama ꞌain, abë ꞌicë unicaman sináncëxa, —Jerusalénu bëbatancëx ca Nucën Papa Diosan ꞌimicëx Jesúsëshi judíos unibunën ꞌapu ꞌiti ꞌicë —quixun.

Lucas 22:29

Usa ꞌicë cana ꞌën Papa Diosan ꞌë ꞌapuira ꞌinun ꞌimicësaribi oími ꞌëbë cushi ꞌinun mitsu ꞌimin.

Juan 21:21

A uni isquin ca Pedronën Jesús ñucácëxa: —¿Uisaira cara ënë uni ꞌiti ꞌic?