Hechos 1:24 - Kashibo-Kakataibo Biblia

^24-25 Usotancëxun abë banaquin ca Pedronën Nucën ꞌIbu Dios cacëxa: —An nubëtan mi ñu ꞌaxunun min caíscë ꞌaíshbi ca Judas mi ñu ꞌaxuanxmabi aín ꞌucha cupí anu ax cuanti anu cuanxa. Usa ꞌain camina camabi unían aín nuitunën sináncë ñu ꞌunáncë ꞌixun, min ënë uni rabë́ uiira caramina Judasnën ñu mëëti ꞌanun caísa quixun nu ismiti ꞌain.

Nukën 'Ibu Diosan ain unikama 'inan ain bana

^24-25 Usotancëxun abë banaquin ca Pedronën Nucën 'Ibu Dios cacëxa: —An nubëtan mi ñu 'axunun min caíscë 'aíshbi ca Judas mi ñu 'axuanxmabi aín 'ucha cupí anu ax cuanti anu cuanxa. Usa 'ain camina camabi unían aín nuitunën sináncë ñu 'unáncë 'ixun, min ënë uni rabë́ uiira caramina Judasnën ñu mëëti 'anun caísa quixun nu ismiti 'ain.

Hechos 1:24 ပူးပေါင်းရင်းမြစ်များ

Jeremías 20:12

Nukën ꞌIbu kamabi kushiñuira, min kamina upí unikaman ñu ꞌakë a ꞌunanin, min kamina unin aín nuitu ꞌukëmëu ñu ꞌaisatankin sinánkë, akamabi ꞌunánin, ꞌën kana ꞌëmi ꞌakinun mi ñukan, usa ꞌain kamina uisakin kaina a unikama tëmëramiti ꞌai a ꞌë ismiti ꞌain.

Números 27:16

—Dios ꞌimainun ꞌën ꞌIbu, min kamina kamabi uni tsónun ꞌimin, usa ꞌain kamina min achúshi uni ain ꞌapu ꞌixúan, an min kaískë unikama an bëruánti uni ꞌaíma aín ñuina ꞌarakakë kuaínbëkini nikë usai ꞌitima kupín an bërúanti anëti ꞌain.

Lucas 16:15

ꞌUsáncëxun ꞌunánquin ca Jesusan cacëxa: —Mitsux isamina upí ꞌai quixuan unin isnun quixun camina mitsux cuëëncë ñuishi ꞌain. Usa ꞌaínbi ca Nucën Papa Diosan mitsun nuitu mëúmi sináncë a ꞌunania. Ax isa upí ꞌicë quixuan unin sináncë uni a ca Nucën Papa Diosan aín nuitu ꞌunánquin upíma isia.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Hechos 14:23

Usoquin canan anua ꞌicë ëmacamanuax axa Jesucristomi catamëcë unicamabë timë́quin ca atun cushi ꞌinun, axa asérabi Jesucristomi catamëcë unicamaishi anëacëxa. Anëtancëx píma abë banaquin ca —axa mimi catamëcë ënë unicama camina upí oquin ñu ꞌanun sinánmianan bërúanti ꞌai —quixun Nucën Papa Dios atu ñucáxuancëxa.

Hechos 15:8

An camabi unían sináncë ñu ꞌunáncë ꞌixun ca Nucën Papa Diosan, a unicamax ca judíosma ꞌaíshbi Jesucristomi asérabi sinánxa quixun ꞌunánquin, nu ꞌimicësaribi oquin aturibi aín Bëru Ñunshin Upíñu ꞌinun ꞌimiaxa.

Hechos 6:6

Caístancëxuan bëia ca Jesusan aín bana ñuixunun caíscë unicaman, mëcënan ramëquin, Nucën Papa Dios ñucáxuancëxa.

Romanos 8:27

An ca Nucën Papa Dios cuëëncësabi oquin aín unicama a ñucáxunia. Usa ꞌain ca Nucën Papa Dios, an camabi unin nuitu mëu sináncë ñu ꞌunáncë, an uisa ñu cara aín Bëru Ñunshin Upitan nu ñucáxunia a cuatia.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

1 Samuel 14:41

Ësakin kakëxun ka Saúlnën kuënkëni kushin banakin Dios kakëxa: —Israel kaman Dios, ¿Uisa ꞌixun kaina bërí min uni ꞌikëbi ꞌë kaisama tan? ꞌËx ꞌuchakëma ꞌain, kara ꞌën bakë bëchikë Jonatán ꞌuchakë ꞌiti ꞌikën, usa ꞌain ka ñuratsukun tankëxa axa ꞌuchakë mërakëbëtan Urim bëti ꞌikën; ꞌaínbi ka bëtsi Israel ñuratsukun tankëx ꞌuchakë mërakëbëtan Tumim a bëti ꞌikën. Usakin kakëxun tankëxbia Saúl ꞌimainun aín bakë bëchikë Jonatán ꞌuchakë ꞌain ka Israel kama ꞌuchakëma upí ꞌiakëxa.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”