Hechos 1:17 - Kashibo-Kakataibo Biblia

¹⁷ Judas ax ca nucamacëñunbia Jesusan aín bana ñuixunun caístancëxun ꞌunánmicë ꞌiaxa.

Nukën 'Ibu Diosan ain unikama 'inan ain bana

¹⁷ Judas ax ca nucamacëñunbia Jesusan aín bana ñuixunun caístancëxun 'unánmicë 'iaxa.

Hechos 1:17 ပူးပေါင်းရင်းမြစ်များ

Mateo 10:4

ꞌImainunribi ca Simón axa judíos unibun rabanan nëëti banacë, a ꞌimainun Judas Iscariote, an Jesús uni ꞌinan, a ꞌiacëxa.

Marcos 3:19

Bëtsix ca Judas Iscariote, an Jesús uni ꞌinan, a ꞌiacëxa. Usaquin abë niti unicama caísbianquin buani ca Jesús anua ꞌicë xubunu cuantëcëancëxa.

Lucas 22:47

Usaquian Jesusan cacëbëbi ca ꞌaisamaira uni anu Jesús ꞌicë anu uacëxa. Ucëbë ca a unicamabë aín ꞌunánmicë unicama achúshi, Judas, ax rëcuë́ncuatsini a bëtsucucanux uacëxa.

Lucas 6:16

a ꞌimainun Judas, Jacobonën bëchicë, a ꞌimainun Judas Iscariote, an Jesús uni binun ꞌinan, acama ꞌiacëxa.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

Hechos 12:25

Usaía ꞌimainun ca Saulobë Bernabé Jerusalénuxun a buáncë curíqui unicama ꞌinántancëx, Juan ꞌicëbi Marcosribi cacë a buani, Antioquíanu cuantëcëancëxa.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 21:19

ꞌIcë —¿uisa caina ꞌai? —quixun catancëx atubë banaquin ca Pablonën uisaira oquin cara Nucën Papa Diosan ꞌamicëxun, anua judíosma unicama ꞌicë ëmacamanuxun ñu ꞌaxa quixun ñuixuancëxa.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

2 Corintios 5:18

Nucën Papa Diosan ꞌimicëx ca axa Cristomi catamëcë uni usai ꞌia. Cristo cupí nux abë upí ꞌinun ca Nucën Papa Diosan nu ꞌimiacëxa. ꞌImianan ca camabi uníxa abë upí ꞌinun aín bana ñuixunun nu ꞌimiacëxa.