Hechos 1:16 - Kashibo-Kakataibo Biblia

¹⁶ —ꞌËn xucë́antu, ësaquin cana mitsu cain. Nucën Papa Diosan Bëru Ñumshin Upitan sinánmicëxuan Davidnën cuënëo bana quicësabi oi ca Judas, an Jesús uni bimicë, ax ꞌiaxa.

Nukën 'Ibu Diosan ain unikama 'inan ain bana

¹⁶ —'Ën xucë́antu, ësaquin cana mitsu cain. Nucën Papa Diosan Bëru Ñumshin Upitan sinánmicëxuan Davidnën cuënëo bana quicësabi oi ca Judas, an Jesús uni bimicë, ax 'iaxa.

Hechos 1:16 ပူးပေါင်းရင်းမြစ်များ

2 Samuel 23:2

Ësai ꞌëx banakë ax ka ꞌënbi sinanx ꞌikëma ꞌikën ax ka Diosan bëru ñunshin an ꞌë sinánmikëx banakë ꞌikën, uisai kinun kara ꞌë sinánmia usaibi ki kana kantain.

Mateo 26:14

Usa ꞌain ca Jesusan ꞌunánmicë uni achúshi, Judas Iscariote, ax anua judíos sacerdotenën cushicama ꞌicë anu cuancëxa.

Mateo 26:47

Jesusan cacëbëbi ca aín ꞌunánmicë uni achúshi, Judas, ax uacëxa. Abë ca ꞌitsa uni, manë xëtocë bëanan imaxu tëacë bëi uacëxa. Axa ucëcama ax ca judíos sacerdotenën cushicamabëtan caniacëcë unicamanribi Jesús binun quixun xucë ꞌiacëxa.

Mateo 26:54

An aín ángelcama ꞌë ꞌië́minun xucëbë cana bamatima ꞌain. Usa ꞌaínbi cana ꞌëx aín bana quiásabi oi ꞌiisa tancë cupí an aín ángelcama xunun caiman.

Mateo 26:56

Anuxun ꞌë bixunmabimi mitsun bërí ꞌë bicë ënëx ca asérabia an Nucën Papa Dios quicë bana uni ñuixuncë unin cuënëo bana quicësabi oi ꞌia. Usoquian atu caia cuabiani ca aín ꞌunánmicë unicamax Jesús ëbiani abácëxa.

Marcos 12:36

Nucën Papa Diosan Bëru Ñunshin Upitanbi ca David ësaquin quimiacëxa: Nucën ꞌIbu Diosan ca ꞌën ꞌIbu caxa, “axa mimi nishcë unicama ꞌën mi ꞌibuamimainun camina mix ꞌëbë ꞌapu ꞌaish ꞌën mëqueu ꞌiti ꞌain”.

Marcos 14:43

Jesusan cacëbëbi ca aín ꞌunánmicë uni achúshi, Judas, ax uacëxa. Abë ca ꞌitsa uni manë xëtocë bëanan imaxu tëacë bëi uacëxa. Axa ucëcama ax ca judíos sacerdotenën cushicamabëtan an Moisésnën cuënëo bana ꞌunáncë unicama ꞌimainun caniacëcë unicamanribi Jesús binun quixun xucë ꞌiacëxa.

Lucas 22:47

Usaquian Jesusan cacëbëbi ca ꞌaisamaira uni anu Jesús ꞌicë anu uacëxa. Ucëbë ca a unicamabë aín ꞌunánmicë unicama achúshi, Judas, ax rëcuë́ncuatsini a bëtsucucanux uacëxa.

Juan 10:35

Cananuna ꞌunanin, Nucën Papa Diosan bana cuënëo a ca unin —asérabima ca —quixun catima ꞌicën. Usa ꞌain ca an asérabi ami sinánquin aín bana cuacë unicama Nucën Papa Diosan “ꞌËn bëchicë ꞌaish camina dioscama ꞌai” quixun cacëxa.

Juan 13:18

Mitsux camina cuëënti ꞌai quibi cana camabi mitsu ñui quiman. Ama. ꞌËn caíscë unicama, mitsux caramina uisa uni ꞌai quixun cana ꞌunanin. ꞌËn ꞌunáncësabi oi ca Nucën Papa Diosan bana cuënëo, ësai quicësabi oi, ꞌiti ꞌicën: “An ꞌëbëtan pán picë uni ax ca ꞌëmi ꞌiaxa”.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

Juan 19:36

Nucën Papa Diosan bana cuënëosabi oi ca ënë ñucama ꞌiacëxa. Ax ca ësai quia: “Aín xo achúshibi ca tëcë́ntima ꞌicën”. A bana quicësabi oquin ca uínbi aín xo achúshibi tëcë́anma ꞌicën.

Hechos 1:20

Salmos quiricanua cuënëo bana axa ësai quicësabi oi ca ꞌiaxa: Aín xubux ca ëncë ꞌiti ꞌicën, anu ca uíxbi ꞌitima ꞌicën. ꞌImainun ca ësairibi quia: Bëtsi unin ca an ëncë ñu mëëti ꞌati ꞌicën.

Hechos 13:15

Tsotan anu ꞌicë unicamanribia cuamainun Moisésnën cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana ꞌatancëxun ca a xubunu ꞌicë ꞌapucaman Pablocëñun Bernabé cacëxa: —ꞌËn xucë́antu, mitsúnribi unicama ꞌësëtisa tanquin camina cati ꞌain.

Hechos 13:38

ꞌËn xucë́antu, usa ꞌain camina ꞌunánti ꞌain, Jesús cupíshi ca uni aín ꞌuchacama tërë́ncë ꞌiti ꞌicën. Ca usa ꞌicë quixun cananuna mitsu cain.

Hechos 15:13

Usaquin caía Pablobë Bernabé sënë́ncëbëtan ca Jacobonën anu ꞌicë unicama cacëxa: —ꞌËn xucë́antu, ꞌën mitsu camainun ca cuat.

Hechos 15:7

Timë́xun sinania ꞌuran canania oi niruqiun ca Pedronën atu cacëxa: —ꞌËn xucë́antu, camina ꞌunanin, Nucën Papa Diosan ca, Jesucristomi catamëtishi ca uni ainan ꞌinux ië́ti ꞌicë quixun judíosma unicama ñuixunun micama achúshi ꞌë caísacëxa, usaquin ꞌën ñuixuncëxun cuatía atúxribi ainan ꞌinun.

Hechos 2:23

Usoquian ñu ꞌacëbi camina mitsun unían ꞌináncëxun bixun ꞌaisama uni rabë́cëñun i curúsocënu matásmitancëxun bamamian. Usai ca ꞌiti ꞌicë quixuan, ënë nëtë unitisama pain ꞌain Nucën Papa Diosan mëníosabi oi ca ꞌiaxa.

Hechos 2:37

Ësoquian cacëxun cuati —ꞌatimabi cananuna ꞌa —quixun sinani ratúquin ca Pedrocëñun abëa ꞌicë unicama ñucáquin cacancëxa: —ꞌËn xucë́antu, ꞌatimabi cananuna usoquin a ꞌan. ¿Upí ꞌinux caranuna bërí uisai ꞌiti ꞌain?

Hechos 22:1

ꞌËn aintsicama ꞌimainun caniacëcë unicama, uisai carana ꞌia quixun ꞌën asérabi mitsu ñuixunmainun ca cuat.

Hechos 23:1

Usa ꞌain ca suntárucaman bëcëxun isquin Pablonën judíos unibunën ꞌapucama cacëxa: —Mitsux judíos uni ꞌaish camina ꞌën xucë́antu ꞌain. ꞌIcë cana mitsu cain, ꞌën cana ñu ꞌatima ꞌacëma ꞌai quixun ca Nucën Papa Diosan ꞌë isia.

Hechos 23:6

Usaquin catancëxun ca Pablonën anua timë́cë ꞌapucama, a raírinëxa saduceo uni ꞌimainun raírinëx fariseo uni ꞌicë ꞌunáncëxa. ꞌUnánquin ca munuma banaquin cacëxa: —ꞌËn aintsicama, ꞌëx cana fariseo uni ꞌain, fariseo unin bëchicë cana ꞌëx ꞌain. Usa ꞌixun cana bama ꞌaish ca Cristo utëcëncëbë uni baísquiti ꞌicë quixun sinanin. ꞌËn usaquin sináncë ꞌain ca ꞌëmi manáncania.

Hechos 28:17

Romanu bëbax, rabë́ ꞌimainun achúshi nëtë ꞌitancëxun ca Pablonën judíos uni aín cushicamaxa a isi unun quixun camiacëxa. Camicëx aía timëtia ca Pablonën cacëxa: —ꞌËn aintsicama, cana mitsu cain, ꞌën cana judíos unicama uisa ocëma ꞌain, uisa oíma cana nun chaitiocëcama ꞌiásabi ꞌian. Usai ꞌiabi ca Jerusalénuxun judíos unicaman an sipuanun quixun romános unicama ꞌë ꞌinánxa.

Hechos 28:25

Usai ꞌi ca raírinëxa —asábi ca —quimainun uni raírinëxribi —usama ca —quicëbëtan, camaxunbi bëtsi bëtsi oquin sináncëxa. Usaía ꞌia ca Pablonën ësaquin cacëxa: —Nucën Papa Diosan Bëru Ñunshin Upitan sinánmicëxuan Isaíasnën nucën raracama cá banax ca asérabi ꞌicën. A banax ca ësai quia:

Hechos 7:2

Cacëxun ca Estebanën cacëxa: —ꞌËn aintsicama ꞌimainun caniacëcë unicama nun cushibu, ꞌën mitsu camainun ca cuat. Nucën rara Abrahamnëx ca Harán cacë menu ꞌiisama pain ꞌaish Mesopotamia menu ꞌiacëxa. Anua ꞌicë ca ax upíira ꞌixun nucën rara Abraham Nucën Papa Diosan cacëxa:

1 Pedro 1:11

Cristo ënë menu ucëma ꞌaínbi ca aín Bëru Ñunshin Upitan sinánmicë ꞌixun, an Nucën Papa Dios quicë bana uni ñuixuncë unicaman ꞌunáncëxa, tëmërax bamatancëx baísquitancëx ca Cristo aín Papasaribi ꞌApu ꞌaish abë tsóti ꞌicë quixun. Usaquin ꞌunánquin ca uisa uni cara Cristo ꞌiti ꞌicë quixun ꞌunántisa tanan uínsaran cara uti ꞌicë quixun ꞌunántisa tancëxa.

2 Pedro 2:21

Jesucristomi catamëcë ꞌixunbi ëncë ꞌaish an ꞌunáncëma unicamax ꞌicësamairai ꞌuchatima cupí Jesucristomi sinanima ꞌitibi ca a unicama ꞌia.