Hechos 1:15 - Kashibo-Kakataibo Biblia

¹⁵ Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

Nukën 'Ibu Diosan ain unikama 'inan ain bana

¹⁵ Usa 'aish ca anu timë́ax Jesucristomi sináncë unicama ax ciento veinte xucë́nsa 'iacëxa. Usa 'ain ca Pedronën atu nëbë́tsi niruxun cacëxa:

Hechos 1:15 ပူးပေါင်းရင်းမြစ်များ

Mateo 13:31

Bana itsi ñuicësoquin ñuixunquin ca Jesusan anu ꞌicë unicama ësaquinribi cacëxa: —Nucën Papa Dios naínu ꞌicë, an cara ainan ꞌiti unicama uisoquin ainan ꞌimiti ꞌicë quiax cana mostaza bëru ñui quin. Ca ësa ꞌicën. Axa chamaratsu ꞌicëbi ca mostaza bëru bitancëxun unin aín naënu ꞌapatia.

Lucas 22:32

Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Juan 14:12

Asérabi cana ꞌën mitsu cain, ꞌëx Nucën Papa Diosnu cuancë cupí ca axa ꞌëmi catamëcë uni, an ꞌën ꞌacë ñuribi ꞌati ꞌicën, ꞌanan ca ꞌën ꞌacësamaira oquin ñu ꞌati ꞌicën.

Juan 21:23

Usaquian cacëxun cuaxun ca an Jesusan bana cuacë unicaman —a uni sapi ca bamatima ꞌicë —quixun sinánxun chaniocëxa. Usa ꞌaínbi ca Jesusan —Juan ca bamatima ꞌicë —quixun Pedro cáma ꞌicën. Caquinma ca ësoquinshi cacëxa: “ꞌImitisa tanquin ën ꞌimicë́xa ꞌëx utëcëntamainun ënë unix ënë nëtënu tsócëbëbi camina uisa cupí cara usai ꞌia quixun sinani bënë́tima ꞌai” quixun.

Hechos 10:23

Ësaquian cacëxun atsínmicëx ca a unicamax Pedrobë a xubunu ꞌiacëxa. ꞌInëti pëcaracëbë ca Pedro mëníocaquiani, axa a buani ucë unicama a ꞌimainun Jopenuaxa Jesúsmi sináncë uni raíricamabëribi Cesárea ëmanu cuancëxa.

Hechos 11:1

Usa ꞌain ca Jesusan aín bana uni ñuixunun caíscë unicamabëtan Judea menuxun axa Jesucristomi catamëcë unicamanribi, judíos unishima judíosma unicamaxribi ca Nucën Papa Diosan bana cuati Jesúsmi catamëtia quixun ñuicania cuacëxa.

Hechos 11:12

Acamaxa bëbamainun ca Nucën Papa Diosan Bëru Ñunshin Upitan, judíos unima ca quixun sinanima a unicamabë cuanun quixun ꞌë caxa. Usa ꞌain cana atubë cuan, ꞌimainun ca axribi Jesucristomi catamëcë ꞌaish mëcën achúshi ꞌimainun achúshi uni ënë́xribi ꞌëbë cuanxa. Cuanx cananuna an ꞌë camicë unin xubunu atsían.

Hechos 11:26

Bëax achúshi baritian anu ꞌiquin ca Saulobëtan Bernabénën axa Jesucristomi catamëcë unicamabë timë́quin atu ꞌunánmiacëxa. Usa ꞌain ca Antioquíanuxun pain uni raírinën axa Jesucristomi catamëcë unicama Cristonën uni caquin anëacëxa.

Hechos 11:29

Usai ꞌicëbëa Judeanu ꞌicë axa Jesucristomi catamëcë unicamax atun piti ñuñuma ꞌicë ñuicania cuaxun ca Antioquíanu ꞌicë unicaman curíqui atu buánmiti sináncëxa, axa ꞌitsa curíquiñucaman uiti cara nainsa tania ꞌati nanmainun uicamax cara ꞌitsamashi curíquiñu ꞌicë acamanribi uiti cara nainsa tania ꞌati nantancëxun.

Hechos 12:17

Ratúcaniabi ca nëtë́nun quixun aín mëcënan sanánquin, usoquin ca Nucën ꞌIbu Diosan sipunua ꞌë chiquínbëtsinquin bëaxa quixun atu ñuixuancëxa. Ñuixuntancëxun ca cacëxa: —ꞌËn mi cacë banacama ënë camina Jacobo ꞌimainun nun xucë́antu ñuixunti ꞌai —quixun. Cabiani ca ëma itsinu cuancëxa.

Hechos 14:2

Catamëcëbëtanbi ca Jesucristomi sinántisama tancë judíos unicaman, judíosma unicama ꞌatimaquin sinánmiquin axa Jesucristomi catamëcë unicamami nishnun quixun tsuáquirumiacëxa.

Hechos 15:1

Usa ꞌain ca judíos uni raíri Judea menuax Antioquíanu cuanxun, axa Jesucristomi catamëcë unicama ësaquin cacëxa: Mitsux asérabi Nucën Papa Diosnan ꞌinux ië́tisa tani camina Moisés quiásabi oi ꞌunánti oracacë ꞌiti ꞌain.

Hechos 15:3

Xuquian Antioquíanu ꞌicë unicaman —bërúanx ca cuantan —quixun cacëx cuani Fenicia me ꞌabiani cuanan Samaria me ꞌabiani cuanquin ca —judíosma unicamaxribi ca sinanati Jesucristomi catamëaxa —quixun ñuixuancëxa. Usaquian ñuia cuati ca Fenicia ꞌimainun Samarianu ꞌicë axa Jesucristomi catamëcë unicamax cuëë́inra cuëë́ancëxa.

Hechos 16:2

Listra ꞌimainun Iconio ëmanu ꞌicë axa Jesucristomi catamëcë unicaman —upí uni ca —quixun ñuicë ca Timoteo ꞌiacëxa.

Hechos 16:40

Usaquian cacëx sipunuax chiquíquiani ca Lidianën xubunu cuancëxa. Cuanx atsínquinbi ca axa Jesucristomi catamëcë unicama anu timë́cë isquin upí oquin ꞌësëtancëx anuaxribi cuancëxa. Tesalónica ëmanuaxa unicama tsuáquirua

Hechos 17:10

Usai ꞌicëbëtan ca axa Jesucristomi catamëcë unicaman bënë́nquinshi imë́ Pablocëñun Silas Berea cacë ëmanu cuantánun quixun xuacëxa. Xucëx cuanx bëbatancëx ca anua judíos unicama timë́ti xubunu atsíancëxa.

Hechos 17:14

Tsuáquirumicëbëtanbi ca axa Jesucristomi catamëcë unicaman bënë́nquinshi Pablo manë nuntían cuantánun quixun xuacëxa. Xucëbë ca Timoteobë Silas Bereanubi bërúacëxa.

Hechos 17:6

Usai quiquinbi mëraquinma ca Jasóncëñun axa Jesucristomi catamëcë unicama raíri nirínbianquin a ëmanu ꞌicë unicaman ꞌapunu buáncëxa. Buani ca munuma sharati quicancëxa: —An camabi menu ꞌicë unicama tsuáquirumicë uni rabëtax ca ënu uaxa.

Hechos 18:18

Usocëx ꞌitsa nëtën pain Corintonu ꞌitancëx ca Pablo Siria menu cuanti sinani axa Jesucristomi catamëcë unicama —cana cuanin —cabiani, Priscila ꞌimainun Aquílabë manë nuntin cuancëxa. Cuanx Cencrea ëmanu bëbaxun ca Pablonën, —ꞌën Nucën Papa Dios cacësabi oi ꞌi cana sënëni —quixun sinánquin aín bu tëamiacëxa.

Hechos 18:27

Usa ꞌain ca Acaya menua Apolos cuainsa tancëbëtan axa Jesucristomi catamëcë unicaman —asábi ca —catancëxun atuan upí oquin Apolo binun quixun caquin axa Acayanuax Jesucristomi catamëcë unicama quirica cuënëoxuancëxa. Cuënëoxunia quirica bibiani manë nuntin cuanx Acayanu bëbatancëxun ca Apolosnën anua ꞌicë a Nucën Papa Diosan nuibaquin Jesúsmi sinánmicë unicama upí oquin ꞌaquiancëxa.

Hechos 21:17

Usa ꞌain ca Jerusalénu bëbaia axa Jesucristomi catamëcë unicaman cuëënquin nu biacëxa.

Hechos 21:20

Usaquian Pablonën ñuixuncëxun ca —asábi ca —quixun caquin Nucën Papa Dios rabiacëxa. Rabitancëxun ca Pablo ësaquin cacëxa: —Asábi ca. Usa ꞌaínbi camina ꞌunanin, ꞌaisamaira judíos unicamax ca Jesúsmi sinánxa. Sinánxunbi ca ësaquinribi sinania, Moisésnëan usai judíos unicama ꞌiti cuënëo bana quicésabi oi cananuna ꞌiti ꞌai quixun.

Hechos 21:7

Anuax cuanx cananuna Tolemaida ëmanu cuancën. Cuanx bëbaxun axa Jesucristomi catamëcë unicama catancëx cananuna achúshi nëtën atubë ꞌiacën.

Hechos 22:5

Sacerdotnën cushicaman ꞌapubëtan ca caniacëcë unicamanribi ꞌunánxa, atun ca Damasconu ꞌicë judíos unicama ꞌinani cuanun quirica ꞌë ꞌináncëxa quixun. ꞌInáncëx cana axa Jesucristomi sináncë unicama Jerusalén ënuxun tëmëraminuxun bitsi cuancën.

Hechos 28:14

Bëbaxun cananuna anuxun axa Jesucristomi catamëcë uni raíri mëracën. Mëracëxuan abë ꞌinun cacëx cananuna anu achúshi semana ꞌiacën. Achúshi semana ꞌitancëx cananuna Roma ëmanu bain cuancën.

1 Corintios 15:6

Usai ꞌitancëx ca ꞌaisamaira, quinientos uni timë́cë acamamiribi chiquiracëacëxa. A unicamax ca raíri bamacëxa. Aín patsanëx ca bamacëma paín ꞌaish tsotia.

Apocalipsis 11:13

Usai ꞌicëbë ca me ꞌaisamaira shaíquiaxa. Shaíqui ca Jerusalén ëma nëbë́tsi rabë́, mëcën rabë́ oquin tëacësa ꞌaíshbi amo ꞌicë achúshi rurucubuaxa. Rurucubucëbë ca ꞌaisamaira uni siete mil bamaxa. Acama bamacëbëtan ca bamacëma unicaman racuë́quin, Nucën Papa Dios naínu ꞌicë rabiaxa.

Apocalipsis 3:4

Mitsúnmi ꞌëx cuëëncëma ñu ꞌacë ꞌaínbi ca Sardisnu ꞌicë uni ꞌitsamashinën ñu ꞌaisama ꞌacëma ꞌicën. Usa ꞌaish ca aín nuitu upí ꞌain chupa uxua pañucësa ꞌaish ꞌëbë niti ꞌicën.