Hechos 1:14 - Kashibo-Kakataibo Biblia

¹⁴ A unicamax ca atúxa ꞌicësabi oi ꞌi, Jesusan xucë́antu ꞌimainun aín tita María ꞌimainun bëtsi xanucamabëribi timë́ax ami sinani Nucën Papa Diosbë banacëxa.

Nukën 'Ibu Diosan ain unikama 'inan ain bana

¹⁴ A unicamax ca atúxa 'icësabi oi 'i, Jesusan xucë́antu 'imainun aín tita María 'imainun bëtsi xanucamabëribi timë́ax ami sinani Nucën Papa Diosbë banacëxa.

Hechos 1:14 ပူးပေါင်းရင်းမြစ်များ

Mateo 12:46

Jesusan anu ꞌicë unicama bana ñuixunmainun uxun ca ëmánxun aín tita ꞌimainun aín xucë́antun —Jesúsbë cananuna banacatsi —quixun anu ꞌicë uni cacëxa.

Mateo 21:22

Mitsun —asérabi ca Nucën Papa Diosan ꞌën cacëxun ꞌë ꞌaxunti ꞌicë —quixun sinania ca an mitsúnmi ñucácësabi oquin mitsu ꞌaxúnti ꞌicën.

Mateo 27:55

Jesús ñu ꞌaxúnuxa Galileanuax abë ucë ꞌitsa xanúxribi ca anu ꞌiacëxa, anu ꞌixun ca ꞌura nixun isacëxa.

Marcos 15:40

Acama ꞌimainun ca xanu raíriribi ꞌuránxun isi niacëxa. Abë ca María Magdalena ꞌimainun María itsi, José ꞌimainun Jacobo itsi aín tita ꞌimainun Salomé caquin anëcë xanu axribi ꞌiacëxa.

Marcos 16:1

Anun ñu mëëtima nëtë ñantabucëbëtan ca María Magdalena ꞌimainun Salomé ꞌimainun María itsi, Jacobonën tita, acaman anúan Jesús imë́ishi ꞌaí cuanti, sanu ro maruacëxa.

Lucas 11:13

Mitsux ꞌatima uni ꞌixunbi camina mitsun bëchicë upí ñu ꞌinanin. Mitsúnmi ꞌacësamaira oquin ca Nucën Papa Dios naínu ꞌicë, an a ñucácë uni aín Bëru Ñunshin Upí abëa ꞌinun ꞌinánti ꞌicën.

Lucas 18:1

Aín unix ca atsani, abë cana banatisama tani quixun sinanima, nëtë camabi Nucën Papa Diosbë banati ꞌicë quixun ꞌunánmiquin ca bana itsi ñuicësoquin,

Lucas 23:49

Raírinëxa usai ꞌimainun ca an a ꞌunáncë unicama ꞌimainun axa Galileanuax a nuibëtsini ucë xanucamanribi ꞌura nixun Jesús usai ꞌia isacëxa.

Lucas 23:55

Usoquian buania nuibianxun ca Galileanuax abë uéxancë xanucaman uinuira cara Jesús mëníoia isanan uisaira oquin cara mëníoia quixun isacëxa.

Lucas 24:10

Usaquian an Jesusan ꞌunánmicë unicama ñuixuncë xanucama ax ca ꞌiacëxa, María Magdalena ꞌimainun Juana ꞌimainun Jacobonën tita María, ꞌimainun axa atubë ꞌicë xanucamaribi.

Lucas 24:33

Usaquin sinani bënëtishi cuanx ca Jerusalénu cuantëcëancëxa. Cuanx bëbaquin ca Jesusan ꞌunánmicë uni mëcën rabë́ ꞌimainun achúshi, acamabëa Jesusan bana cuacë raíri unicamaribi timë́cë mëracëxa.

Lucas 24:53

Cuantancëxun ca nëtë camabi anuxun Nucën Papa Dios rabiti xubunu cuanxun cuanxun, a rabiacëxa. Ashi.

Lucas 8:20

ꞌIcë atu isquin ca unin Jesús cacëxa: —Min titabë ca min xucë́antu ëman ꞌicën. Ca mi istisa tania.

Hechos 2:1

Usa ꞌain ca Pentecostés cacë nëtë ucëbë Jerusalénu ꞌicë achúshi xubunu timë́ax axa Jesucristomi catamëcë unicama bucüacëxa.

Hechos 2:42

Usai ꞌitancëx ca an bana ñuixunuan Jesusan caíscë unicaman bana ñuia cuaquin upí oquin sinani camáxbi nuibanancëxa. Nuibanani ca camabi nëtën timë́quin, ënima Nucën Papa Diosbë bananan pán tëcë́npaxun pi, camáxbi achúshinën sinánsashi ꞌaish a ëmanu bucüacëxa.

Hechos 2:46

Camabi nëtën anuxun Nucën Papa Dios rabiti xubunu a rabinux timë́anan ca atun xubunuribi timë́xun Jesúsmi sinánquin tëcë́npaxun pán pianan bëtsi ñuribi piquianani cuëëni bëtsibë bëtsibë nuibanancëxa.

Hechos 6:4

Usocëbëtan cananuna nun abë banaquin Nucën Papa Dios unicama ñucáxuanan aín bana ñuixunti ꞌain.

Romanos 12:12

Nucën Papa Diosan ca ax quicësabi oquin mitsu ꞌaquianan abë ꞌinun mitsu ꞌimiti ꞌicë quixun sinani camina chuáma tani cuëëni bucuti ꞌain. Tëmëraibi camina masá nuituti bënë́tima ꞌain. Ënima camina Nucën Papa Diosbë banati ꞌain.

1 Corintios 14:13

ꞌËx unin cuacëma banan banaquin cana Nucën Papa Dios rabiquinbi uisai carana qui quixun ꞌunaniman. Usa ꞌain ca axa unin cuacëma banan banacë uni, an unicama ñuixunuxun uisai cara a banacama quia quixuan a ꞌunánminun Nucën Papa Dios ñucáti ꞌicën.

Efesios 6:18

Usai ꞌiquin camina aín Bëru Ñunshin Upitan sinánmicësabi oquin añu caramina ꞌai a ñu ꞌai Nucën Papa Diosbë bananan an mitsu ꞌaquinun ñucáti ꞌain. Usai abë bananux camina atsanima ami manúaxma ꞌianan axa Jesucristomi catamëcë unicamaribi Nucën Papa Dios ñucáxunti ꞌain.

Colosenses 4:2

Ami manúquinma ábi sinani camina atsánquin ëníma Nucën Papa Diosbë banati ꞌain. —Asábi ca —quixun cai camina abë banati ꞌain.