Hebreos 9:7 - Kashibo-Kakataibo Biblia

⁷ Acamax ca tabernáculo cata, anu pain atsínti, anuishi atsinia. Usa ꞌaínbi ca cata itsi, Upíira cacë, anu judíos sacerdotenën cushicaman ꞌapu axëshi camabi baritian achúshi oíshi atsinia. Anu atsínquin ca ꞌaracacë ñuinanën imi buania, aín ꞌuchacëñuan judíos unicaman ꞌuchacamaribi Nucën Papa Diosan tërë́nun quixun ánscaquin.

Nukën 'Ibu Diosan ain unikama 'inan ain bana

⁷ Acamax ca tabernáculo cata, anu pain atsínti, anuishi atsinia. Usa 'aínbi ca cata itsi, Upíira cacë, anu judíos sacerdotenën cushicaman 'apu axëshi camabi baritian achúshi oíshi atsinia. Anu atsínquin ca 'aracacë ñuinanën imi buania, aín 'uchacëñuan judíos unicaman 'uchacamaribi Nucën Papa Diosan tërë́nun quixun ánscaquin.

Hebreos 9:7 ပူးပေါင်းရင်းမြစ်များ

2 Samuel 6:7

Usakia bunántisa okin ꞌakë, aín mëkënan Uzánën tuinkin bikë ka Diosan xuamati nishkin anuxunbi bamanun ꞌimikëx Uzá bunántisa okin ꞌakë a tanainbi nipakëti bamakëxa.

Salmos 19:12

¿Uin kara abi ñu ꞌatima ꞌatankëxun ꞌënbi kana usakin ꞌa kixun sinánti ꞌik? ¡Usa ꞌain kamina mix Dios ꞌixun ꞌën ꞌakë ꞌuchakama ꞌë mëníoxunti ꞌain!

Salmos 95:10

ꞌËx kana cuarenta baritia ꞌimi ꞌitsaira atumi nishakën, usai ꞌikin kana a unikama ꞌatimati kananuna tsóti kixuan unánun ꞌunánmiakën; ¡usai ꞌikin ka ax kikësabi oi ꞌiti ꞌën bana a tankama ꞌikën!

Isaías 28:7

ꞌImainun ka raíri unikamaxribi uvas baka vino ꞌakë xëatankëx amá aman kuani nitsia, ꞌimainun ka sacerdote unikama ꞌianan an Dios kikë bana ñuikë unikama atúxribi paë bata kushi a xëatankëx amá aman kuani nitsi kushiñumasa ꞌaish sinanima ꞌatimati banaia; ꞌianan ka namákësokian Diosan ismikëxbi amá aman kuani nikësai ꞌia, ꞌianan ka paën irakë ꞌixun uisakin kara bana mëníoti ꞌikë kixunbi ꞌunanima.

Oseas 4:12

Usa ꞌain ka ꞌën unikama atun rabinuxun nitsínkë ikama abë banakin ñukatia; ꞌianan ka aín tsatikama anun uisai kara ꞌiti ꞌikë kixun anun tanti aribi ꞌaia. Usa ꞌain ka ꞌën unikama xanun nami ꞌati kuëëinra ꞌixun, bëtsi ñu ꞌatishi kuëënia: Usa ꞌixun ka aín Dios ꞌikëbi aín nami mëakakë xanukaman abë ꞌikë uni ꞌakësokin ꞌë manuakëxa.

Levítico 16:34

Ënëx ka uínsaranbi ënimami ax kikësabi oi mitsux ꞌiti achúshi bana ꞌiti ꞌikën: usa ꞌain ka achúshi achúshi baritia ꞌirukëbëtan a sinánkin ënë bana kikësabiokin Israel unikaman aín ꞌucha tërënun ꞌati ꞌikën. Usakin anua Nukën ꞌIbun Moisés kásabiokin ka usakin ꞌakëxa.

Amós 2:14

Usa ꞌain ka axa abáti ꞌunainra axi abátima ꞌikën; ꞌimainun ka uix kara kushi ꞌikë ax kushiñumasa ꞌiti ꞌikën, ꞌianan ka axa ꞌakánanti ꞌunáinra axi ië́tima ꞌikën.

Efesios 4:18

Usa ꞌaish ca bëánquibucë ꞌain mancasmatia uni bënë́cësaribi oi ꞌia. Cristo ñui quicë bana cuaisama tancë ꞌixun ca ainan ꞌiti ꞌunáncëma ꞌaish Nucën Papa Diosnan ꞌitsianxbi ainanma ꞌicën.

Hebreos 10:3

Vaca bacë ꞌimainun chivo rëxun xaroanan aín imi ánscacë ꞌaínbi ca a unicama aín sinan ashiquin upí ꞌinun mëníocëma ꞌicën. Usa ꞌain ca judíos unicaman camabi baritia ñuina rëmiquin —ꞌën sinan ca asérabi upíma ꞌicë —quixun sinántëcënia.

Hebreos 6:19

Ënëx ca ësaribi ꞌicën. An manë nunti niquincë unicaman ca aín manë nuntia bëchunan tucáncaquin amami amami buánti rabanan, manë cha manë risin tëcërëcaxun, an cushioquin tuínun quixun baca nëbë́tsi nipatia. A manë chan tuíncë cupí ca nunti amanu amanu cuanima. Usaribiti cananuna Cristo anu Nucën Papa Dios ꞌicë anu cupí nun amanu amanu sinánbëquínquinma Jesucristomi sinánti ëntima ꞌain.

Hebreos 7:27

Ax ca Levitan rëbúnqui ꞌicësai ꞌiáma ꞌicën. Atun ca camabi nëtën aín ꞌucha pain tërë́anan judíos unicaman ꞌuchacamaribi tërë́nun Nucën Papa Dios ñucáxunia, ñuina rëtancëxun xaroquin. Usama ca Jesús ꞌicën. Axbi ca camabi unin ꞌucha cupí ñuina rëxun xarocësa ꞌitánun bamatsianxmabi achúshitishi bamacëxa.

Hebreos 9:3

Cata Upí a ꞌucë ca bëtsi cata ꞌiacëxa. Ax ca Cata Upíira cacë, ꞌiacëxa.