Hebreos 8:8 - Kashibo-Kakataibo Biblia

⁸ Nucën Papa Diosan ca judíos unicama an cacësabi oi ꞌiiama isacëxa, aín bana cuënëo ësai quicësabi oquin: Nucën ꞌIbu Dios ca quia, usai ca judíos unicama, Israelnën rëbúnqui ꞌiti ꞌicë quixun Moisés cuënëomia bana ꞌinan, ꞌixunbi cana ꞌitsa bari inúcëbëtan bëtsi bana judíos unicama ꞌinánti ꞌain. Anun ꞌën a bana ꞌinánti nëtë ca uti ꞌicën.

Nukën 'Ibu Diosan ain unikama 'inan ain bana

⁸ Nucën Papa Diosan ca judíos unicama an cacësabi oi 'iiama isacëxa, aín bana cuënëo ësai quicësabi oquin: Nucën 'Ibu Dios ca quia, usai ca judíos unicama, Israelnën rëbúnqui 'iti 'icë quixun Moisés cuënëomia bana 'inan, 'ixunbi cana 'itsa bari inúcëbëtan bëtsi bana judíos unicama 'inánti 'ain. Anun 'ën a bana 'inánti nëtë ca uti 'icën.

Hebreos 8:8 ပူးပေါင်းရင်းမြစ်များ

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Jeremías 23:5

Ësai ka Nukën ꞌIbu asérabi kiakëxa: “Ka is achúshi nëtë ka uti ikë, anúan Davidtan rëbúnki ꞌibuira, ax ꞌapu achúshi ñu ꞌunairakë ꞌixun unikama ꞌakinkin, Judá menu ꞌikë unikama ainra upíokin ñu ꞌaia bukunun ꞌakinti ꞌikën, usokëx ka ñu ꞌatima ꞌaíma upiti tsóti ꞌikën.

Jeremías 23:7

Ësai ka Nukën ꞌIbu asérabi kiakëxa: “Ka kuat, anúan uínsaranbi ꞌëmi sinántëkënima ësai asérabi kikanti nëtë ka ꞌiti ꞌikën: ꞌËx kana Nukën ꞌIbu axa tsókë aín anë ñui kin an ka Israel unikama Egipto menua chikíankëxa,

Jeremías 31:27

Ësai ka Nukën ꞌIbu asérabi kiakëxa: “Ka kuat, kamina kuakanti ꞌain, anun ꞌën uni kaikamë ꞌëomainun ñuinakamaribi ꞌaisamaira Israelnu ꞌimainun Judá menu ꞌimiti achúshi nëtë ka ꞌiti ꞌikën.

Jeremías 31:38

Ka kuat, ësai ka Nukën ꞌIbu asérabi kiakëxa: “Achúshi nëtë ka anun ꞌën ëma ꞌatëkënti nëtë ꞌiti ꞌikën, ꞌakin ka torre Hananel kakë anuxunbi ꞌabianxun aín xëputi ꞌipitiu ꞌikë anubi sënë́onkin ꞌakë ꞌiti ꞌikën.

Ezequiel 37:26

Usa ꞌain kana atubëtan achúshi ñu ꞌupitax atux bukuti a kupí ꞌati ꞌain. Ax ka xënibua ꞌaínbia ꞌiti achúshi ñu ꞌën mëníokin ꞌakë ꞌiti ꞌikën. Usakin ꞌakin kana aín ꞌaintsikama ꞌuakamë ꞌëonun ꞌimianan, xënibua ꞌaínbia atu nëbëtsi anuxun ꞌë rabiti xubu upíira ꞌanun ꞌamiti ꞌain.

Mateo 26:28

ꞌËn imi ꞌapati ꞌëx bamacë cupí ca ꞌaisamaira unix aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Marcos 14:24

ꞌAia ca cacëxa: —ꞌËn imi ꞌapati ꞌëx bamacë cupí ca ꞌaisamaira uni aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Lucas 17:22

Usoquin atu catancëxun ca Jesusan aín ꞌunánmicë unicamaribishi cacëxa: —Uni ꞌinux uá ꞌaish ꞌëx Nucën Papa Diosnu cuantancëx utëcëncëma pan ꞌain, camina ꞌëx anun mitsubë ꞌitëcënti nëtë istisa tanti ꞌain. A nëtëcama achúshinën ꞌë istisaira tanquinbi camina mitsun ꞌë istima pan ꞌain.

Lucas 22:20

Cacëxun piti piia sënënia ca Jesusan manë xanpa anu ꞌicë uvas baca biquin catëcëancëxa: —Ënë uvas baca ënëx ca ꞌën imi ꞌapati, ꞌëx bamacë cupía mitsun ꞌuchacama tërë́ncë ꞌaish ainan ꞌinun Nucën Papa Diosan mëníocë, a ꞌicën.

Lucas 5:38

Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën.

1 Corintios 11:25

Usaribi oquin ca pitancëx sënë́nxun xanpanu ꞌicë uvas baca biquin cacëxa: “ꞌËx ꞌën imi ꞌapati bamati cupí ca mitsúxmi ainan ꞌiti ꞌën Papa Diosan mëníocëxa. Ënë sinánquin camina ësoquin bimi baca ꞌaquin ꞌë sinánquin ꞌati ꞌain”.

2 Corintios 3:6

Moisésnën usaía judíos unicama ꞌiti ñuiquin cuënëo bana ca quia, a bana quicësabi oi ꞌicëma ꞌaish ca uni Nucën Papa Diosbë ꞌitimoi bamati ꞌicën. Usa ꞌaínbi ca a banama bana ió, a ñuixunun Nucën Papa Diosan nu ꞌimiaxa. A banax ca quia, aín Bëru Ñunshin Upitan ꞌimicëx ca uni ainan ꞌaish xënibua ꞌaínbi Nucën Papa Diosbë upí ꞌiti ꞌicën.

Hebreos 12:24

Anuribi ca ax aín imi ꞌapati bama ꞌixuan an nuxribinu anu ꞌinun mëníocë, Jesús, ax ꞌicën. —Cain, an Abel ꞌacë uni, ax ca cupicë ꞌiti ꞌicë —quiax Nucën Papa Dios quicëbë ca usai ꞌiacëxa. Usa ꞌaínbi ca Jesús bamacë cupí uínbi an ꞌacë uni cupiama ꞌicën. Usoquian Jesús unin ꞌá ꞌixunbi ca aribi cupiquinma uicamax cara ami catamëtia, a aín ꞌucha sinántëcëntimoquin tërënia.

Hebreos 7:22

Usa ꞌain ca an Moisésnën cuënëo bana cuacë uni ꞌiásamaira oi an Jesús ñuicë bana cuacë uni Nucën Papa Diosan iscëx upí ꞌia.

Hebreos 8:13

Ësaía Cristo cupí aín unicama aín nuitu upí ꞌiti ñui ca Nucën Papa Dios —ꞌën bëráma usai ca judíos unicama aín ꞌucha tërë́ncë ꞌiti ꞌicë quixun Moisés cuënëomia bana a camina ënti ꞌai —quiax quia. Usa ꞌaish ca a bana sënë́ntishi ꞌicën.

Hebreos 8:6

—Nucën Papa Diosan Moisés cuënëomia bana quicësabi oi ꞌi ca uni Nucën Papa Diosnan ꞌiti ꞌicë —quiáxa ax quicë bana, asamaira ca —Jesúsmi catamëtishi ca uni Nucën Papa Diosnan ꞌiti ꞌicë —quicë bana, ax ꞌicën. Usa ꞌain ca Levitan rëbúnquinën unin ꞌucha tërë́ncë ꞌinun ꞌásamaira oquin Jesusan nun ꞌucha tërë́nquin Nucën Papa Diosbë upí ꞌinun nu ꞌimia.

Hebreos 9:15

Usa ꞌain ca Nucën Papa Dios quiásabi oi, an Cristomi catamënun sinánmicë unicama xënibua ꞌaínbi abë ꞌinun Cristo bamacëxa. An Moisésnën cuënëo bana cua nucën raracaman ꞌucharibi ca Cristo bama cupí, tërë́ncë ꞌicën. Usa ꞌain ca Moisésnën cuënëo bana ꞌiásama Cristo ñui quicë bana ꞌicën.