Hebreos 8:6 - Kashibo-Kakataibo Biblia

⁶ —Nucën Papa Diosan Moisés cuënëomia bana quicësabi oi ꞌi ca uni Nucën Papa Diosnan ꞌiti ꞌicë —quiáxa ax quicë bana, asamaira ca —Jesúsmi catamëtishi ca uni Nucën Papa Diosnan ꞌiti ꞌicë —quicë bana, ax ꞌicën. Usa ꞌain ca Levitan rëbúnquinën unin ꞌucha tërë́ncë ꞌinun ꞌásamaira oquin Jesusan nun ꞌucha tërë́nquin Nucën Papa Diosbë upí ꞌinun nu ꞌimia.

Nukën 'Ibu Diosan ain unikama 'inan ain bana

⁶ —Nucën Papa Diosan Moisés cuënëomia bana quicësabi oi 'i ca uni Nucën Papa Diosnan 'iti 'icë —quiáxa ax quicë bana, asamaira ca —Jesúsmi catamëtishi ca uni Nucën Papa Diosnan 'iti 'icë —quicë bana, ax 'icën. Usa 'ain ca Levitan rëbúnquinën unin 'ucha tërë́ncë 'inun 'ásamaira oquin Jesusan nun 'ucha tërë́nquin Nucën Papa Diosbë upí 'inun nu 'imia.

Hebreos 8:6 ပူးပေါင်းရင်းမြစ်များ

Lucas 22:20

Cacëxun piti piia sënënia ca Jesusan manë xanpa anu ꞌicë uvas baca biquin catëcëancëxa: —Ënë uvas baca ënëx ca ꞌën imi ꞌapati, ꞌëx bamacë cupía mitsun ꞌuchacama tërë́ncë ꞌaish ainan ꞌinun Nucën Papa Diosan mëníocë, a ꞌicën.

Romanos 9:4

ꞌËn aintsicama judíos unibu atux ca ꞌësaribi Israelnën rëbúnqui ꞌicën. Israelnën rëbúnqui, judíos unicama, ca Nucën Papa Diosan aín uni ꞌinun caísacëxa. Caístancëxun ca, asérabi ca ax Dios ꞌicë quixun ꞌunánun, Israel unicama aín cushi ismianan aín pëcacë aribi ismiacëxa. An ca atu ainan ꞌimiquin atúan uisai cara ainan ꞌaish ꞌiti ꞌicë quixun ꞌunánun aín banacama Moisés cuënëomiacëxa. Cuënëomiquin ca anuxun a rabiti xubu ꞌatancëxun cara uisoquin a rabiti ꞌicë quixun canan uisaira oquin cara an atu bërúanti ꞌicë quixun cacëxa.

Efesios 2:12

Judíos unima ꞌaish camina Cristo ñui quicë bana cuacëma ꞌiacën. Judíos unicaman ꞌunan ꞌaínbi camina mitsun Nucën Papa Diosan bana ꞌunáncëma ꞌianan an Cristo ñuiquin Abraham cá bana a ꞌunáncëma ꞌiacën. Usa ꞌixun camina Nucën Papa Diosan ca nuibaquin uni ꞌaquianan ainan ꞌimiti ꞌicë quixun ꞌunáncëma ꞌaish mitsux cuëëncësa oíshi tsóti sináncën.

1 Timoteo 2:5

Nucën Papa Dios ax ca achúshishi ꞌicën. An abë́a camabi uni upí ꞌinun ꞌimiti axribi ca achúshishi ꞌicën, a uni ca Jesucristo ax ꞌicën.

Tito 1:2

Usa ꞌixun cana ainan ꞌaish ca uni xënibua ꞌaínbi aín nëtënu abë ꞌiti ꞌicë quixun unicama ꞌunánmin. Ax asérabi cëmëma ꞌaish ca Nucën Papa Dios bëráma, me ꞌimainun camabi ñu uniosama pain ꞌaíshbi, ësai ca ꞌën unicama ꞌën nëtënu ꞌëbë ꞌiti ꞌicë quiax quiacëxa.

Hebreos 12:24

Anuribi ca ax aín imi ꞌapati bama ꞌixuan an nuxribinu anu ꞌinun mëníocë, Jesús, ax ꞌicën. —Cain, an Abel ꞌacë uni, ax ca cupicë ꞌiti ꞌicë —quiax Nucën Papa Dios quicëbë ca usai ꞌiacëxa. Usa ꞌaínbi ca Jesús bamacë cupí uínbi an ꞌacë uni cupiama ꞌicën. Usoquian Jesús unin ꞌá ꞌixunbi ca aribi cupiquinma uicamax cara ami catamëtia, a aín ꞌucha sinántëcëntimoquin tërënia.

Hebreos 7:22

Usa ꞌain ca an Moisésnën cuënëo bana cuacë uni ꞌiásamaira oi an Jesús ñuicë bana cuacë uni Nucën Papa Diosan iscëx upí ꞌia.

2 Pedro 1:4

Ainan ꞌimiquin ca aín bana ꞌinánquin Nucën Papa Diosan uisaira oquin cara nu ꞌaquinti ꞌicë quixun nu ꞌunánmia. Usaquian ꞌunánmicëx, a banami catamëti camina an sinánmicësabi oquin sinánan uni itsían ñunshínquin ñu ꞌatima ꞌaia isquinbi, usaribi oquin ꞌaquinma upí ñuishi sinánti ꞌain.