Hebreos 7:22 - Kashibo-Kakataibo Biblia

²² Usa ꞌain ca an Moisésnën cuënëo bana cuacë uni ꞌiásamaira oi an Jesús ñuicë bana cuacë uni Nucën Papa Diosan iscëx upí ꞌia.

Nukën 'Ibu Diosan ain unikama 'inan ain bana

²² Usa 'ain ca an Moisésnën cuënëo bana cuacë uni 'iásamaira oi an Jesús ñuicë bana cuacë uni Nucën Papa Diosan iscëx upí 'ia.

Hebreos 7:22 ပူးပေါင်းရင်းမြစ်များ

1 Corintios 11:25

Usaribi oquin ca pitancëx sënë́nxun xanpanu ꞌicë uvas baca biquin cacëxa: “ꞌËx ꞌën imi ꞌapati bamati cupí ca mitsúxmi ainan ꞌiti ꞌën Papa Diosan mëníocëxa. Ënë sinánquin camina ësoquin bimi baca ꞌaquin ꞌë sinánquin ꞌati ꞌain”.

Génesis 44:32

Usa ꞌain kana ꞌën papa ësokin kan ꞌëxëshi kana an ënë tuá uisai kara ꞌia a iskë ꞌiti ꞌain ꞌimainun kana ësokinribi kan: Amiribishi minu bëtëkënima kana ꞌëx ꞌuchakë ꞌiti ꞌain usa ꞌain kamina ꞌëx bamati ꞌitámainun ꞌë ꞌuchoti ꞌain.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

Hebreos 12:24

Anuribi ca ax aín imi ꞌapati bama ꞌixuan an nuxribinu anu ꞌinun mëníocë, Jesús, ax ꞌicën. —Cain, an Abel ꞌacë uni, ax ca cupicë ꞌiti ꞌicë —quiax Nucën Papa Dios quicëbë ca usai ꞌiacëxa. Usa ꞌaínbi ca Jesús bamacë cupí uínbi an ꞌacë uni cupiama ꞌicën. Usoquian Jesús unin ꞌá ꞌixunbi ca aribi cupiquinma uicamax cara ami catamëtia, a aín ꞌucha sinántëcëntimoquin tërënia.

Génesis 43:9

ꞌËn kana a tuá bërúanti ꞌain; ꞌë kamina axa uisai kara ꞌikëbëtan kati ꞌain. ꞌËn a tuá bëtëkënima kana anun tsókë nëtëkaman ꞌëx min ꞌuchokë ꞌiti ꞌain.

Lucas 22:20

Cacëxun piti piia sënënia ca Jesusan manë xanpa anu ꞌicë uvas baca biquin catëcëancëxa: —Ënë uvas baca ënëx ca ꞌën imi ꞌapati, ꞌëx bamacë cupía mitsun ꞌuchacama tërë́ncë ꞌaish ainan ꞌinun Nucën Papa Diosan mëníocë, a ꞌicën.

Mateo 26:28

ꞌËn imi ꞌapati ꞌëx bamacë cupí ca ꞌaisamaira unix aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Marcos 14:24

ꞌAia ca cacëxa: —ꞌËn imi ꞌapati ꞌëx bamacë cupí ca ꞌaisamaira uni aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Daniel 9:27

Usa ꞌain ka achúshi semana ꞌitëkënkë anun ꞌitsa uni kamabëtan mëníokin achúshi ñu ꞌati ꞌikën, ꞌaínbi ka achúshi semana ꞌikë a nëbë́tsinuxunshi uínbi ñuina ꞌaímai këñutanun Dios xaroxuanan ñu ꞌinainshitima ꞌikën. Usa ꞌain ka anuxun ñuina Dios xaroxunkë ax ꞌatima tikiti ꞌikën, usa ꞌain ka ꞌami kuaikin usakin an ꞌakë uni a Diosan ꞌatimaira oti ꞌikën, kiax ka kiakëxa.” (Bana ꞌunánkë uni raírinën sinánkëx ka achúshi semana ꞌain ki kikë ax siete baritia ꞌikën.)

Hebreos 7:23

Levitan rëbúnqui sacerdotecama ca ax pain ꞌitancëxa bëtsix bamacëbë bamacëbë sacerdote ꞌicë ꞌaish ꞌitsaira ꞌiacëxa.

Hebreos 8:13

Ësaía Cristo cupí aín unicama aín nuitu upí ꞌiti ñui ca Nucën Papa Dios —ꞌën bëráma usai ca judíos unicama aín ꞌucha tërë́ncë ꞌiti ꞌicë quixun Moisés cuënëomia bana a camina ënti ꞌai —quiax quia. Usa ꞌaish ca a bana sënë́ntishi ꞌicën.