Hebreos 7:18 - Kashibo-Kakataibo Biblia

^18-19 Usai ca judíos unicama ꞌiti ꞌicë quicë bana upí ꞌaínbi ca anun unin sinan upí ꞌiáma ꞌicën. Usa ꞌaínbi cananuna bëtsi bana, Jesús ñui quicë, a cupí asérabi nun ꞌuchacama tërë́ncë ꞌianan nun sinan upí ꞌaish Nucën Papa Diosnan ꞌain.

Nukën 'Ibu Diosan ain unikama 'inan ain bana

^18-19 Usai ca judíos unicama 'iti 'icë quicë bana upí 'aínbi ca anun unin sinan upí 'iáma 'icën. Usa 'aínbi cananuna bëtsi bana, Jesús ñui quicë, a cupí asérabi nun 'uchacama tërë́ncë 'ianan nun sinan upí 'aish Nucën Papa Diosnan 'ain.

Hebreos 7:18 ပူးပေါင်းရင်းမြစ်များ

Hechos 13:39

Usaía judíos unicama ꞌitia Moisésnën cuënëo bana cuatíbi uni aín sinan upí ꞌiáma ꞌaínbi ca axa Jesucristomi catamëcë unicamax aín ꞌuchacama tërë́ncë ꞌaish Nucën Papa Diosan ꞌimicëx aín sinánribi upí ꞌicën.

Romanos 3:31

¿Jesucristo cupíshi cana ꞌën ꞌucha tërë́ncë ꞌaish Nucën Papa Diosan iscëx upí ꞌai quixun sinánquin caranuna Nucën Papa Diosan bana Moisésnën cuënëo ax ca cuatima ꞌicë quixun sinánti ꞌain? Usama ca. Jesucristomi catamëtishi cananuna asérabi Nucën Papa Diosan bana quicësabi oíira ꞌiti ꞌai quixun cananuna unicama ñuixunin.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

Gálatas 3:15

ꞌËn xucë́antu, ësa ca ënë bana ꞌicën. Achúshi unían, usa ca ënë ñu ꞌiti ꞌicë quixun quiricanu cuënëocë ꞌicë ca uinu ꞌicë unínbi a bana tërë́caquin bëtsi otëcëntima ꞌicën.

Gálatas 3:17

Ësa ca a bana ꞌicën. Nucën Papa Diosan ca aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun caquin Abrahambëtan ashiquin mëníocëxa. Usaquian mënío ꞌixun ca cuatrocientos treinta baritia inúcëbëtan Nucën Papa Diosan usai ca judíos unicama ꞌiti ꞌicë quicë bana Moisés cuënëomiacëxa. Usaquin cuënëomiquinbi ca an Abrahambëtan mënío bana ñancáishia ꞌinun Nucën Papa Diosan tërë́cama ꞌicën.

Gálatas 3:21

¿ꞌËx ësai qui carana Nucën Papa Diosan Abraham cá banaxa bëtsi ꞌimainun ca an Moisés cá banáxribi bëtsi ꞌicë quin? Usama ca. Moisésnën cuënëo bana quicësabi oquin ꞌacë cupía uni aín nuitu upí ꞌaish Nucën Papa Diosnan ꞌain, ca a bana ꞌacë cupíshi uni Nucën Papa Diosan iscëx upí ꞌitsíanxa.

Gálatas 4:21

Mitsux Moisésnën cuënëo bana quicësabi oquin ꞌati cuëëncë ꞌixun camina ꞌën ñucácëxun ꞌë cati ꞌain, ¿caramina uisai cara a bana quia quixun upí oquin ꞌunáncëma ꞌain?

Gálatas 4:9

Usaquin bëtsi ñu rabiá ꞌixunbi camina an sinánmicëxun —Nucën Papa Dios ax ca asérabi Dios ꞌicë —quixun ꞌunanin. ¿An mitsu ainan ꞌimicëxunbi caramina uisa cupí mitsúnmi bëráma rabia ñucama rabitëcënti sinan?

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

Hebreos 13:9

Usa ꞌain camina uni itsían mitsu bëtsi bëtsi bana ñuixunquin Jesucristomi sinánti ënun quixun cacëxunbi ëntima ꞌain. A unicamax ca —bëtsi bëtsi ñu piquinbi camina bëtsi bëtsi ñu pitima ꞌai —quia. Atúxa usai quia a bana cuatibi ca uni aín nuitu upí ꞌima. Usa ꞌain camina —Cristo cupíshi ca Nucën Papa Diosan nu nuibaquin nun ꞌucha tërë́anan nux ainan ꞌinun ꞌimia —quixun ꞌunani amishi cushicanti ꞌain.