Hebreos 7:14 - Kashibo-Kakataibo Biblia

¹⁴ Camabi unin ca ꞌunania, Nucën ꞌIbu Jesús ax ca Judanën rëbúnqui ꞌiacëxa quixun. Usa ꞌaínbi ca Moisés sacerdote ñui, Judanën rëbúnquinëx ca sacerdote ꞌiti ꞌicë quiax quiáma ꞌicën. Levitan rëbúnquishi ca usai ꞌiti ꞌiacëxa.

Nukën 'Ibu Diosan ain unikama 'inan ain bana

¹⁴ Camabi unin ca 'unania, Nucën 'Ibu Jesús ax ca Judanën rëbúnqui 'iacëxa quixun. Usa 'aínbi ca Moisés sacerdote ñui, Judanën rëbúnquinëx ca sacerdote 'iti 'icë quiax quiáma 'icën. Levitan rëbúnquishi ca usai 'iti 'iacëxa.

Hebreos 7:14 ပူးပေါင်းရင်းမြစ်များ

Génesis 46:12

Ënëx ka Judánën bakë bëchikëkama ꞌiakëxa: Er, Onán, Selá, Fares, ꞌimainun Zérah. (Er ꞌimainun Onán ax ka Canaán kakë me anuax ñuakëxa.) Ënëxribi ka Faresnën bëchikëkama ꞌiakëxa: Hesrón ꞌimainun Hamul.

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Isaías 11:1

Ësai ka Dios kiakëxa, Jesénën rëbúnki achúshinuax ka i mo kótëkëni kanikë usaribi ꞌitánun achúshi uni mërati ꞌikën, usa ꞌi ka aín tapunuaxi kookësa ꞌi mërati ka ax ꞌapu ꞌiti ꞌikën.

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Números 24:17

Diosan ꞌë ismikë ñukama ax ka ꞌisama pain ꞌikën, usa ꞌikë kana ꞌurakëo ñu iskësokin ꞌën isin: ax ka Jacobnën rëbúnkinuax achúshi ꞌispa chikíkësa ꞌaish an Israel kama ꞌakinti ꞌapu ꞌiti ꞌikën. An ka Moabnu ꞌikë unikama kupitanunma ꞌanan Setnën rëbúnkikamaribi kupitanunmashi ꞌati ꞌikën.

Mateo 2:6

Belén, Judá menu ꞌicë ëma, anu ꞌicë uni achúshi ax ꞌapu ꞌixun ca ꞌën unibu, Israelnën rëbúnquicama, a bërúanquin ꞌaquinuxun ꞌaia. Usa ꞌain ca Belén ax bëtsi ëmacamasama ꞌicën.

Lucas 1:43

Mixmi Nucën ꞌIbu ax uti nun caincë aín tita ꞌaish ꞌë isi ucëbë cana cuëënibi rabinin.

Lucas 3:33

Naasón ax ca Aminadabnën bëchicë ꞌiacëxa. Aminadab ax ca Aramnën bëchicë ꞌiacëxa. Aram ax ca Esromnën bëchicë ꞌiacëxa. Esrom ax ca Faresan bëchicë ꞌiacëxa. Fares ax ca Judatan bëchicë ꞌiacëxa.

Juan 20:13

Iscëxun ca ángelnën María cacëxa: —¿Uisacatsi caramina ini bëunan mëscutin? —quixun. Cacëxunbi ca Maríanën catëcëancëxa: —Unin ca quininu atsínxun ꞌën ꞌIbu bacarubianquin buánxun amanu racánxa, uinu cara racánxa cana ꞌunaniman.

Juan 20:28

Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Romanos 1:3

A cuënëomia banax ca aín Bëchicë, Nucën ꞌIbu Jesucristo ñui quicë ꞌicën. Aín ꞌunan papa ax ca Davidnën rëbúnqui ꞌiacëxa.

Romanos 2:3

¿Bëtsi unimi, an ca ñu ꞌaisama ꞌaia quiax manánquinbi minribi usaribi oquin ñu ꞌacëbi ca Nucën Papa Diosan a unishi ꞌuchonan mi ꞌuchotima ꞌicë quixun caramina sinanin? Usama ca.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Filipenses 3:8

Judíos unicama Nucën Papa Diosan uni ꞌicë ꞌunántiocë ꞌaish ꞌiásamaira ca Nucën ꞌIbu Jesucristo amishi catamëti upíira ꞌicën. Usa ꞌain cana ꞌën ꞌá ñucama ñu ꞌatima pucësa oquin ëni Jesucristonan ꞌinux amishi catamëtin.

Hebreos 7:13

Nucën ꞌIbu Jesús a ñui Nucën Papa Diosan bana cuënëo quicë, ax ca judíos uni ꞌaíshbi Levitan rëbúnquima Judanën rëbúnqui ꞌiacëxa. Judanën rëbúnquinëx ca judíos sacerdote ꞌiti ꞌicë quiax ca Moisésnën cuënëo bana quiáma ꞌicën.

Hebreos 7:15

Usa ꞌain cananuna upí oquin ꞌunanin, Nucën Papa Diosan ca Melquisedec ꞌiásaribitia sacerdote ꞌinun Jesúsëshi,

Apocalipsis 22:16

ꞌËx cana Jesús ꞌain. Usa ꞌixun cana axa ꞌëmi catamëcë unicaman ënë ñucama ꞌunánun ꞌën ángel mia canun xuan. ꞌËx cana David, axa judíos unibunën ꞌapu ꞌiá, aín rëbúnqui ꞌain. Usa ꞌaíshbi cana ꞌëx David ꞌicëma pan ꞌain ꞌiacën. Pëcaratia xaba ꞌinúan ꞌispon urucë usaribi cana ꞌëx ꞌiti ꞌain.

Apocalipsis 5:5

Usai bëunan mëscutiabi ca a caniacëcë unicama achúshinën ꞌë caxa: —Camina ini bëunan mëscútima ꞌain. Ca is, Judatan rëbúnquicama achúshi, ꞌInúan cacë, ax Davidnën rëbúnquiribi ꞌicë, Jesús, ax bamáxbi baísquia ꞌaish camabi ñun ꞌibuira, an ca a quirica taráncë bacaquin, anúan a tacáshcacëcama pëóshti ꞌicën.