Hebreos 7:11 - Kashibo-Kakataibo Biblia

¹¹ Bëráma ca Nucën Papa Diosan ꞌamicëxun Moisésnën, uisai cara judíos unicama ꞌiti ꞌicë quicë bana cuënëocëxa. A bana Levitan rëbúnquicama, sacerdotecama ꞌixun, judíos unicama ꞌunánminun ca Nucën Papa Diosan mëníocëxa. Usa ꞌixuan Levitan rëbúnquinën ꞌaquincëx judíos unicama asérabi aín nuitu upí ꞌaish Nucën Papa Dios quicësabi oi ꞌicëbë ca sacerdote itsi Aarón ꞌiásama, Melquisedec ꞌiásaribi, Jesús uáma ꞌitsíanxa.

Nukën 'Ibu Diosan ain unikama 'inan ain bana

¹¹ Bëráma ca Nucën Papa Diosan 'amicëxun Moisésnën, uisai cara judíos unicama 'iti 'icë quicë bana cuënëocëxa. A bana Levitan rëbúnquicama, sacerdotecama 'ixun, judíos unicama 'unánminun ca Nucën Papa Diosan mëníocëxa. Usa 'ixuan Levitan rëbúnquinën 'aquincëx judíos unicama asérabi aín nuitu upí 'aish Nucën Papa Dios quicësabi oi 'icëbë ca sacerdote itsi Aarón 'iásama, Melquisedec 'iásaribi, Jesús uáma 'itsíanxa.

Hebreos 7:11 ပူးပေါင်းရင်းမြစ်များ

Gálatas 2:21

Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupí ca Nucën Papa Diosan uni ainan ꞌicë upí isia quixun sináncë ꞌaish cana Cristo bama ax ca ñancáishi ꞌicë quicësa ꞌitsían. Usa ꞌaínbi cana, Nucën Papa Diosan ca aín Bëchicë ñancábi bamanun xuacëxa quixun sinanima, asérabi ami catamëtin.

Gálatas 4:3

A tuásaribi ca Jesucristo ucëma pan ꞌain judíos unicama ꞌiacëxa. Usa ꞌixun ca Moisésnën cuënëo bana quicësabi oquin ꞌanan aín nuitu upí ꞌinúan unin sináncë ñuishi ꞌati sináncëxa.

Gálatas 4:9

Usaquin bëtsi ñu rabiá ꞌixunbi camina an sinánmicëxun —Nucën Papa Dios ax ca asérabi Dios ꞌicë —quixun ꞌunanin. ¿An mitsu ainan ꞌimicëxunbi caramina uisa cupí mitsúnmi bëráma rabia ñucama rabitëcënti sinan?

Hebreos 5:10

Ax ca ësaquian Nucën Papa Diosan cá, a ꞌicën, —mix camina sacerdote, an ꞌën unicama ꞌë ñucáxunti, a ꞌain, Melquisedec ꞌiásaribiti.

Hebreos 5:6

Ësairibi ca cuënëo bananua Nucën Papa Diosan aín Bëchicë cá bana quia: Mix camina nëtë́timoi usabi sacerdote, an ꞌën unicama ꞌë ñucáxunti, a ꞌain, Melquisedec ꞌiásaribi.

Hebreos 6:20

Cristo axa anua Nucën Papa Dios ꞌicë anu ꞌain cananuna nuxribi anu abë ꞌiti ꞌain. Ax ca nëtë́timoi xënibua ꞌaínbi usabi sacerdotenën cushicaman ꞌapu ꞌaish, an aín unicama Nucën Papa Dios ñucáxunti a ꞌicën, Melquisedec ꞌiásaribiti.

Hebreos 7:10

Levitan rëbúnquicama ꞌaíma pain ꞌaíshbi ca Abrahambë ꞌicësa ꞌiacëxa, aín rëbúnqui ꞌaish. Usa ꞌain cananuna ꞌunanin, Melquisedec, ax ca Levitan rëbúnqui, sacerdotecama, acamabë sënë́nmaira cushi ꞌiacëxa quixun.

Hebreos 7:12

Usa ꞌain ca usaquin judíos unicaman ꞌati bana, Levitan rëbúnquicama sacerdote ꞌixun judíos unicama ꞌunánmicë, a ꞌunanibi aín sinan upíma ꞌain, a ënquin bëtsi bana Jesús ñui quicë unin cuanun Nucën Papa Diosan mëníocëxa.

Hebreos 7:13

Nucën ꞌIbu Jesús a ñui Nucën Papa Diosan bana cuënëo quicë, ax ca judíos uni ꞌaíshbi Levitan rëbúnquima Judanën rëbúnqui ꞌiacëxa. Judanën rëbúnquinëx ca judíos sacerdote ꞌiti ꞌicë quiax ca Moisésnën cuënëo bana quiáma ꞌicën.

Hebreos 7:15

Usa ꞌain cananuna upí oquin ꞌunanin, Nucën Papa Diosan ca Melquisedec ꞌiásaribitia sacerdote ꞌinun Jesúsëshi,

Hebreos 7:21

Levitan rëbúnquinën ca ꞌën unicama ë ñucáxunti ꞌicë quixun ca Nucën Papa Diosan sinanatëcëntimoquin cáma ꞌicën. Usa ꞌixúnbi ca an sinanatëcëntimoquin caquin, Jesús asérabi an unicama a ñucáxunti ꞌimiacëxa, aín bana cuënëo ësai quicësabi oquin: Nucën ꞌIbu Diosan ca sinanatëcëntimoquin aín Bëchicë ësaquin cacëxa: Mix camina nëtë́timoi usabi sacerdote, an ꞌën unicama ꞌë ñucáxunti, a ꞌain, Melquisedec ꞌiásaribi, quixun.

Hebreos 8:7

Usai ca judíos unicama ꞌiti ꞌicë quixun Moisésnën cuënëo bana quicësabi oquin ꞌai aín nuitu upí ꞌain ca bëtsi bana Jesús ñui quicë a Nucën Papa Diosan mëníoma ꞌitsíanxa.

Hebreos 9:6

Usaquin tabernáculo xubunu ꞌicë ñucama mënío ꞌain ca anu pain atsíncë cata, ax Cata Upí cacë, anu atsínxun judíos sacerdotenën an ꞌati ñu ꞌaia, lamparín mëníoti, pán mesanu nanti, acama, Nucën Papa Diosan mëníosabi oquin.