Hebreos 6:4 - Kashibo-Kakataibo Biblia

⁴ Ui unicamax cara Jesucristomi catamëcë ꞌixun, ax ca abë ꞌicë quixun ꞌunáncë, ꞌianan Nucën Papa Diosan Bëru Ñunshin Upitan aín nuitu mëu sinánmicë ꞌianan,

Nukën 'Ibu Diosan ain unikama 'inan ain bana

⁴ Ui unicamax cara Jesucristomi catamëcë 'ixun, ax ca abë 'icë quixun 'unáncë, 'ianan Nucën Papa Diosan Bëru Ñunshin Upitan aín nuitu mëu sinánmicë 'ianan,

Hebreos 6:4 ပူးပေါင်းရင်းမြစ်များ

Números 24:3

ꞌai anu ꞌirukëbë ka Balaam ësai kiakëxa: ꞌËx kana Balaam Beornën bëchikë ꞌain, usa ꞌixun kana Diosan kara uisai kinun ꞌë kaia unánan upíokin añu kara ꞌia akama ꞌunánkë uni ꞌëx ꞌain,

Mateo 12:45

Isbiani cuanxun mëcën achúshi ꞌimainun rabë́ ñunshin ꞌatimaira mërabianquin buanx ca anuaxa chiquía uni anubi abë atsíntëcënia. Usa ꞌain ca anua ñunshin ꞌatimacama atsíncë uni ax bëráma ꞌiásamaira ꞌia. A uníxa ꞌicësaribiti ca ënë nëtënu bucucë unicamaxribi ꞌiti ꞌicën, atuán ꞌën bana cuaisama tancë cupí. Usaquin ca Jesusan cacëxa.

Mateo 5:13

Ësaquinribi ca Jesusan cacëxa: —Mitsux camina ënë nëtënu ꞌaish tashisa ꞌain. Tashin ca anun tashíncëxun ñu mucoquin upí ꞌimia. Usaribi oquin camina mitsun mibë ꞌicë unicama upiti bucunun ꞌaquinin. Tashi axa aín muca nëtëtia ca unin uisaxunbi amiribishi mucotëcëntima ꞌicën. Usa ꞌaish ca a tashi mucañuma ñancáishi ꞌicën. ꞌAisama ꞌicë ca unin putia, putia unin amácëx ca nëtëtia. Mitsun upiti bucunun mibë ꞌicë unicama ꞌaquincëma ꞌaish camina a tashíxa mucañuma ꞌicësaribi ꞌiti ꞌain.

Juan 15:6

Uva pëñan bimiñuma ax ca unin tëaxun nicëx xanania. Xanania bucúnrutancëxun tsi rëquirucëmi nicëx ca xaratia. Usaribiti ca axa ꞌëmi catamëti ꞌëmi sináncëma unicamax ꞌiti ꞌicën.

Juan 3:27

Cacëxun ca Juanën cacëxa: —Uinu ꞌicë unínbi ca Nucën Papa Diosan ꞌimicëxunma usa ñu ꞌatima ꞌicën.

Juan 4:10

Cacëxun ca Jesusan cacëxa: —Ën mi ꞌunpax ñucácë ꞌaínbi camina ui carana ꞌai quixun ꞌë ꞌunaniman. ꞌË ꞌunánan añu cara Nucën Papa Diosan mi ꞌinánti ꞌicë quixun ꞌunáncë ꞌixun camina ꞌë ñucátsian. Ñucácëxun cana anúnmi nëtë́timoi Nucën Papa Diosnan ꞌiti ꞌunpax mi ꞌinántsian.

Juan 6:32

Cacëxun ca Jesusan cacëxa: —ꞌËn cana asérabi mitsu cain, an naínua ꞌibúmiquin unicama pán ꞌinan ax ca Moisésma Nucën Papa Dios ꞌiacëxa. An a pán ꞌinan ꞌaínbi ca Ñucën Papa Diosan bërí ꞌináncë ax ca anúan uni asérabi upiti tsóti a ꞌicën.

Hechos 10:45

Usa ꞌain ca aín Bëru Ñunshin Upitan ꞌimicëxun unin cuacëma banan banaquin Nucën Papa Dios rabicancëxa. Nucën Papa Dios rabicania cuati ca Pedrobëa ucë Jesúsmi sináncë unicama ax judíosma unicamaxribia Nucën Papa Diosan Bëru Ñunshin Upíñu ꞌicë isi ratuti sináncasmacëxa.

Hechos 11:17

Usa ꞌaían nu ꞌacësaribi oquin Jesucristomia catamëtia, atu aín Bëru Ñumshin Upí ꞌinania cana ꞌën ꞌinánxunma ꞌanun quixun Nucën Papa Dios catima ꞌain.

Hechos 15:8

An camabi unían sináncë ñu ꞌunáncë ꞌixun ca Nucën Papa Diosan, a unicamax ca judíosma ꞌaíshbi Jesucristomi asérabi sinánxa quixun ꞌunánquin, nu ꞌimicësaribi oquin aturibi aín Bëru Ñunshin Upíñu ꞌinun ꞌimiaxa.

Hechos 8:20

Cacëxunbi ca Pedronën cacëxa: —Nucën Papa Diosan cushi ax ca cupíoquin bitima ꞌicën. Min usoquin sináncë cupí camina min curíquibëbi cëñúti ꞌain.

Romanos 1:11

Mitsúxmi asérabiira Jesucristomi cushicë ꞌinun ꞌaquinuxun cana mitsu isi cuainsa tanin.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

Gálatas 3:2

Camina ꞌë cati ꞌain, ¿Moisésnëan usai ca judíos unicama ꞌiti ꞌicë quixun cuënëo banami cuacë cupí cara Nucën Papa Diosan aín Bëru Ñunshin Upí mitsubëa ꞌinun mitsu ꞌináncëx? Usama ca. Jesucristo ñui quicë bana cuatími ami catamëcëxuinshi ca aín Bëru Ñunshin Upí mibëa ꞌinun mitsu ꞌináncëxa. ¿Usa ꞌixunbi caramina mitsun Nucën Papa Diosan Bëru Ñunshin Upitan mitsu upí ꞌimiti sinántancëxunbi —ꞌën ñu upí ꞌacë cupíshi ca Nucën Papa Diosan ꞌë upí isia —quixun sinanin? Usaquin sinani camina sinánñuma unicamasa ꞌain.

Gálatas 3:5

Nucën Papa Diosan ca aín Bëru Ñunshin Upí ꞌinánan uni itsían ꞌacëma ñu mitsu ꞌamia. ¿Uisa cupí cara mitsu usoquin ꞌamia? An ca usaquin ꞌaia, mitsúnmi Moisésnëan usai judíos unicama ꞌiti cuënëo bana cuacë cupíma mitsúxmi Jesucristo ñui quicë bana cuati, ax ca asérabi ꞌëbë ꞌicë quixun sinani, ami catamëcë cupí.

Efesios 1:18

ꞌImainun cana mitsu ñucáxunin, an ꞌimicëx caramina uisairai ënë nëtënuax Jesucristosaribi ꞌaish upí sinánñu ꞌiti ꞌai quixunmi mitsun ꞌunánun. Ñucánan cana uisairai caramina aín nëtënu abë ꞌaish, axa ami catamëcë unicamabë ꞌiti ꞌai quixunmi ꞌunánun mitsu ñucáxunin.

Efesios 2:8

Nuibaquin ca asérabi cuëënquin mitsúxmi Cristomi catamëti cupíshi mitsu ainan ꞌinun ië́miaxa. Mitsúnmi ñu upí ꞌacë cupíma ca Jesucristo bama cupíshi Nucën Papa Diosan ax cuëënquinshi mitsu ainan ꞌinun ië́miaxa.

Efesios 3:7

ꞌËxbi usai ꞌitima ꞌicëbi ca ax asérabi cushi ꞌixun Nucën Papa Diosan Cristo Jesús ñui quicë bana unicama ñuixunun ꞌë ꞌimiacëxa.

Efesios 4:7

Usa ꞌain ca axa ami catamëcë unicama bëtsin sináncësaribi oquin sináncë ꞌicëbi ax cuëëncësa oquian bëtsi bëtsi ñu mëëti ꞌanun Cristonën nu ꞌimiaxa.

1 Timoteo 4:14

Axa Jesucristomi catamëcë unicamaxa timë́cë ꞌaían atun cushicaman aín mëcën minu nanxun, Nucën Papa Diosan sinánmicëxun mi cá bana a camina manutima ꞌain. Atúan cacësabi oquinmi ꞌanun ca Nucën Papa Diosan mi cushioti ꞌicën.

2 Timoteo 2:25

Usa ꞌixun ca ami nishquinma an Nucën Papa Diosan bana cuaisama tancë unicama munu upí oquin ꞌësëquin ꞌunánmiti ꞌicën. ꞌUnánmiquin ca —Nucën Papa Diosan ꞌimicëx ca sinanati Jesucristomi catamëti ꞌicë —quixun sinánti ꞌicën.

2 Timoteo 4:14

Alejandro, an manë ñu uniocë uni, an ca ꞌëmi manánxun ꞌitsaira ꞌë tëmëramiaxa. Usa cupí ca uisa cara oti ꞌicë usoquin Nucën ꞌIbu Diosan ꞌati ꞌicën.

Hebreos 10:32

Jesucristomi catamëtabatia, unin mitsu bëtsi bëtsi oquin tëmëramicëxunbi camina bënë́quinma tanshiacën. Usaími mitsux ꞌia a camina sinánti ꞌain.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.

1 Juan 5:16

Abëa Jesucristomi catamëcë uni itsían ñu ꞌatima ꞌaia ꞌunánquin ca unin —tërë́ntisama ꞌinun ca ꞌuchacëma ꞌicë —quixun sinánquin aín ꞌucha tërë́nquin sinanaminun Nucën Papa Dios ñucáxunti ꞌicën. Ñucáxuncëxun ca Nucën Papa Diosan aín ꞌucha tërë́nquin a uni upí ꞌitëcënun ꞌimiti ꞌicën. Usa ꞌaínbi cana axa tërë́ntisama ꞌinun ꞌuchacë uni a Nucën Papa Dios ñucáxunun quixun mitsu caiman.