Hebreos 6:2 - Kashibo-Kakataibo Biblia

² ꞌimainun Jesús sinani nashimicë ꞌiti, ꞌimainun Jesúsnan ꞌixun axa ami catamëcë uni itsinu nun mëcën nanquin Nucën Papa Dios ñucáxunti, ꞌimainun camabi uníxa baísquia ca Nucën Papa Diosan an ꞌacë ñucama ꞌunánquin uisa cara oti ꞌicë quixun cati, acama.

Nukën 'Ibu Diosan ain unikama 'inan ain bana

² 'imainun Jesús sinani nashimicë 'iti, 'imainun Jesúsnan 'ixun axa ami catamëcë uni itsinu nun mëcën nanquin Nucën Papa Dios ñucáxunti, 'imainun camabi uníxa baísquia ca Nucën Papa Diosan an 'acë ñucama 'unánquin uisa cara oti 'icë quixun cati, acama.

Hebreos 6:2 ပူးပေါင်းရင်းမြစ်များ

Mateo 28:19

Usa ꞌain camina mitsun camabi menu cuanquin anu ꞌicë unicama ꞌëmi catamënun sinánmiti ꞌain. Usoquin sinánmiquin camina, ëmi ca catamëtia quixun ꞌunántioquin ꞌën Papa Diosmi sinani, ꞌëmiribi sinánan aín Bëru Ñunshin Upími sinania, nashimiti ꞌain.

Mateo 3:14

Cuanxa bëbaiabi ca Juanën nashimisama tanquin Jesús cacëxa: —¿Miinra ꞌë nashimisa ꞌaíshbi caina ꞌën mi nashiminun quiax ain?

Marcos 16:16

Ñuixuncëxun cuatia ꞌëmi catamëtia nashimicë ax ca Nucën Papa Diosan ainan ꞌinun ië́micë ꞌiti ꞌicën. Usa ꞌaínbi ca axa ꞌëmi catamëisama tancë uni ax aín ꞌucha cupí xënibua ꞌaínbi Nucën Papa Diosbëma ꞌiti ꞌicën.

Marcos 7:4

anua ñu marutinuax uxun cananuna nashixunma piman. Nun chaitiocëcaman ꞌásabi oquin cananuna nun manë xampa, nun ꞌó ñutë, nun manë ñutë, a ꞌimainun nun ꞌuxtiribi chucaian. Usonan cananuna ñu raíriribi nun chaitiocëcaman ꞌásabi oquin ꞌain.

Marcos 7:8

Mitsun camina Nucën Papa Diosan bana quicësabi oquin ꞌati a ënquin mitsun chaitiocëcaman sinan bana a tanquin axa quicësabi oquin ꞌain, mëchucanan ñutë chucati, acama.

Lucas 12:50

Usai ꞌia ꞌinun cana ꞌën pain ꞌaisamaira oquin tëmëraquin paë tanti ꞌain. Usaquin ꞌën tëmëraquin paë tanti ashi sënë́oncatsi cana bënëtin.

Lucas 14:14

Usa unicaman ca min ꞌacësaribi oquin miribi pi cuanun quixun camitima ꞌicën. Camicëma ꞌicëbi ca an iscë́xmi upí ꞌicë, anúan bama unicamax baísquiti nëtë ꞌicëbëtan Nucën Papa Diosan aín nëtënuaxmi cuëënun mi ꞌimiti ꞌicën.

Lucas 3:16

Sinania ca Juanën anu ꞌicë unicama cacëxa: —ꞌËn cana mitsu ꞌumpaxan nashimin. Usa ꞌaínbi ca ꞌësamaira uni ꞌë caxu aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi tubuxuntima ꞌain. Axira uquin ca uni aín Bëru Ñunshin Upíñu ꞌinun ꞌimiti ꞌicën. ꞌImiquin ca tsi rëquirucënëan ñu ꞌacësoquin aín cushin aín nuitunua sináncë ñu ꞌatimacama a cëñuquin uni upí ꞌimiti ꞌicën.

Juan 5:29

Baísqui ca anu maían anuax chiquíti ꞌicën. An upí ñu ꞌá unicamaxa Nucën Papa Diosbë nëtë́timoi ꞌinux baísquimainun ca an ñu ꞌatima ꞌá unicamax aín ꞌucha cupí ꞌuchocë ꞌinux baísquiti ꞌicën.

Hechos 10:47

Usaria ca Pedronën cacëxa: —Nux ꞌicësaribitia Nucën Papa Diosan Bëru Ñumshin Upíñu ꞌicë cananuna ënë unicama, ꞌunpaxan nashimitima ca quixun catima ꞌain.

Hechos 13:3

Usaquian cacëxun piquinma Nucën Papa Dios ñucáxuntancëxun atun mëcënan ramëquin ca axa Jesucristomi catamëcë unicaman Bernabécëñun Saulo, Nucën Papa Diosan bana uni ñuixunia bërúanx cuantánun caxun xuacëxa.

Hechos 16:15

Sinánmicëx Jesucristomi catamëti ca Lidia, aín xubunu ꞌicëcamabë, nashimicë ꞌiacëxa. Nashimicë ꞌixun ca nu cacëxa: —Mitsun, ꞌëx cana asérabi Jesucristonan ꞌain quixun sinani camina ꞌën xubunu ꞌiti ꞌain. Usaquin nu caía nux anu ꞌiti cuëëncëbë cananuna anu ꞌiacën.

Hechos 16:33

Ñuixuncëxuinshi ca imë́bi an sipuacë unicama bërúancë unin Pablo ꞌimainun Silas anua manë xon ꞌacë aín namicama chucaxuancëxa. Chucaxuncëbë ca an sipuacë unicama bërúancë unibë axa aín xubunu ꞌicëcamaxribi Jesúsmi catamëti nashimicë ꞌiacëxa.

Hechos 17:18

Cananmainun ca raíri unicama usa isa uni ꞌiti icë quixun epicúreo cacë unicaman bana ñuia cuacë, ꞌimainun estoico cacë unicamanribia bëtsi bana ñuia cuacë, a unicamaxribi uax Pablobë banacëxa. Abë banatancëx ca raírinëx quiacëxa: —¿Añu cara banañuira ꞌixun ënë unin nu ñuixuinsa tanin? Quicëbë ca raírinëx Pablonëan Jesús ñuianan —bama ꞌaish ca uni baísquiti ꞌicë —quixun cacëxun cuax quiacëxa: —Nun rabicë diosma, bëtsi dios ñui sapi ca quia.

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Hechos 2:41

Usaquian Pedronën cacëxun cuaquin ca ꞌitsa unin —asérabi ca a bana ꞌicë —quixun sináncëxa. Sinani ca a nëtë́nbi nashimicë ꞌaish tres mil uniribishi axa Jesúsmi sináncë unicamabë ꞌiacëxa.

Hechos 23:6

Usaquin catancëxun ca Pablonën anua timë́cë ꞌapucama, a raírinëxa saduceo uni ꞌimainun raírinëx fariseo uni ꞌicë ꞌunáncëxa. ꞌUnánquin ca munuma banaquin cacëxa: —ꞌËn aintsicama, ꞌëx cana fariseo uni ꞌain, fariseo unin bëchicë cana ꞌëx ꞌain. Usa ꞌixun cana bama ꞌaish ca Cristo utëcëncëbë uni baísquiti ꞌicë quixun sinanin. ꞌËn usaquin sináncë ꞌain ca ꞌëmi manáncania.

Hechos 24:15

Atúan sináncësaribi oquin cana, bama ꞌaish ca uni upícama ꞌimainun uni ꞌatimacamaxribi baísquiti ꞌicë quixun sinanin.

Hechos 24:21

Caquin ca, ꞌapucaman cuamainun, bama ꞌaish ca Cristo utëcëncëbë unicama baísquiti ꞌicë quixun ꞌën sináncë ꞌain camina ꞌëmi manáncani quiax ꞌëx quiixancë bana mi ñuixunti ꞌicën.

Hechos 24:25

Camicëx uxuan, Jesucristomi catamëtia uni, aín ꞌuchacama tërë́ncë ꞌaish Nucën Papa Dios cuëëncësabi oi ꞌiti bana ñuixuanan ꞌatima ñu ꞌatëcëinsa tanquinbi tënëti banaribi ñuixuanan aín ñu ꞌatima ꞌacë cupía unin paë tanquin tëmërati bana ñuixuncëxun cuati ratúquin ca Felixnën Pablo cacëxa: —Camina cuanti ꞌain. A ꞌën ꞌati ñu ꞌaíma ꞌain cana amiribishi mi camitëcënti ꞌain.

Hechos 26:8

Mitsúnribi camina, Nucën Papa Diosan ca uni bamacama baísquimiti ꞌicë quixun sinanin. ¿Usa cat?

Hechos 4:2

An —bamaxbia Jesús baísquicë ꞌain ca camabi uníxribi bama ꞌaíshbi baísquiti ꞌicë —quixun unicama ñuixuncë cupí ca axa ucë unicamax Pedro ꞌimainun Juanmi nishacëxa.

Hechos 6:6

Caístancëxuan bëia ca Jesusan aín bana ñuixunun caíscë unicaman, mëcënan ramëquin, Nucën Papa Dios ñucáxuancëxa.

1 Corintios 10:2

Usaquin nëtë cuinan bëararacë ꞌaish parúnpapa sicaracëtancëx ca nucën raracamax Nucën Papa Diosmi catamëti Moisésbë upí ꞌaish an buáncëx abë cuancëxa.

1 Corintios 12:13

Nux Cristonën uni ꞌaish cananuna ësa ꞌain: raírinëx judíos uni ꞌimainun raírinëxribi axa griego bana banacë uni ꞌimainun raírinëxribi an ñu uni mëëxuncë uni ꞌimainun cananuna raírinëxribi an uni ñu mëëxuncëma uni ꞌain. Usa ꞌaíshbi cananuna nucamax Nucën Papa Diosan Bëru Ñunshin Upitan sinánmicë ꞌianan Cristonan ꞌaish achúshisa ꞌain. Abënu ꞌinun ca Nucën Papa Diosan aín Bëru Ñunshin Upí nucama ꞌinánxa.

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

Filipenses 3:21

Nux bamai chëquiti ꞌicëbi ca ax uquin nu axa bamax baísquiasaribi oquin, asaribi ꞌinun, nu bëtsi oti ꞌicën. Usonan ca aín cushi anun ax camabi ñun ꞌibu ꞌiti anúnribi nu bëtsi oti ꞌicën.

Colosenses 2:12

Mitsun, Nucën Papa Diosan ca bamacëbi Cristo baísquimiacëxa quixun ꞌunánquin, an ca a cushínbi ꞌë ië́miti ꞌicë quixun ꞌunani camina ax ꞌiásaribiti nashimicë ꞌaish Cristobëbi bamacë acëñun maíncëx abëbi baísquiasa ꞌain.

2 Timoteo 2:18

A uni rabëtax ca Nucën Papa Diosan banamabi cëmë bana ñui, anun baísquiti nëtë isa inúacëxa. Usa ꞌaínsa uni bama ꞌaish baísquitima ꞌicë quixun caquin, uni raíri uisa cara ꞌiti ꞌicë quixun sináncasmamia.

Hebreos 11:35

Bëtsi bëtsi xanun ca aín tuá bamacë ꞌicëbi Nucën Papa Diosan sinanën baísquiia biacëxa. Raíri unin ca unin Nucën Papa Diosan bana ënun quixun bëtsi bëtsi oquin paë tanmicëxunbi, ami sinánquin ëníma —ꞌëx masócë ꞌaish bamaibi cana Jesucristobë ꞌiti ꞌai —quixun sinánquin ami catamëti ënquinma tanshiacëxa.

Hebreos 9:10

Nucën Papa Diosan ca usoquin judíos unibunën ꞌati ñuiquin bëtsi bëtsi ñuina nami pitima ꞌimainun amiribi amiribi mëchucati, usa ñucama ꞌanun quixun mëníocëxa. Usai a banacama quicësabi oi ꞌibi ca atun nuitu upí ꞌima. An Jesucristo xuisama pain ꞌaían judios unibunën usa ñucama ꞌanun ca Nucën Papa Diosan mëníocëxa.

2 Pedro 3:7

Usa ꞌaínbi ca naí ꞌimainun mecama anúan Nucën Papa Dios quicëbëtainshi tsin cëñuti nëtë utámainun usabi ꞌiti ꞌicën. A nëtën ca an ñu ꞌatima ꞌacë unicama Nucën Papa Diosan uisa cara oti ꞌicë usoquin ꞌati ꞌicën.