Hebreos 6:1 - Kashibo-Kakataibo Biblia

¹ Usa ꞌain cananuna tuá xuratsu ꞌicësaíma uni apan ꞌicësai ꞌinuxun a paínu cuacë bana Cristo ñui quicë, aíshima bëtsi ñuribi ꞌunánti ꞌain. Cananuna a paínu ꞌunan banacama ësai quicë, a ñuitëcëntima ꞌain: nunbi ñu ꞌatima ꞌacë cupí Nucën Papa Diosnanma ꞌaish bamati ꞌaíshbi sinanati Nucën Papa Diosmi catamëtishi ië́ti,

Nukën 'Ibu Diosan ain unikama 'inan ain bana

¹ Usa 'ain cananuna tuá xuratsu 'icësaíma uni apan 'icësai 'inuxun a paínu cuacë bana Cristo ñui quicë, aíshima bëtsi ñuribi 'unánti 'ain. Cananuna a paínu 'unan banacama ësai quicë, a ñuitëcëntima 'ain: nunbi ñu 'atima 'acë cupí Nucën Papa Diosnanma 'aish bamati 'aíshbi sinanati Nucën Papa Diosmi catamëtishi ië́ti,

Hebreos 6:1 ပူးပေါင်းရင်းမြစ်များ

Hebreos 9:14

Ñuina rëcë aín imi cupí uni ꞌicësamaira oi cananuna Cristo bama cupí nun ꞌucha tërë́ncë ꞌaish upí ꞌiti ꞌain. Nucën Papa Diosan Bëru Ñunshin Upí, axa usabi ꞌiá ꞌaish usabi ꞌicë, ax abë ꞌain ca Cristo, ax ꞌuchañuma ꞌaíshbi bamatsianxmabi, nun ꞌuchacama tërë́ncë ꞌinun bamacëxa. Xënibua ꞌaínbi abë ꞌitimoinu bamati ꞌicëbi ca nun ꞌuchacama tërë́nquin, ax aín imi ꞌapati bama cupí, Nucën Papa Dios, axa bamatimoi tsócë, a rabinu ax cuëëncësabi oi ꞌinun nu ꞌimia.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Hechos 26:20

ꞌAquin, Jesús ñuiquin, Damasconu ꞌicë unicama ñuixuntancëxun cana Jerusalénu ꞌicë unicama ñuixuanan Judea menu ꞌicë ëmacamanuxunribi bana ñuixuan. Ñuixuanan cana judíosma unicamaribi ñuixunquin ësaquin can: ꞌAtimaquin sináncë ꞌaíshbi sinanati camina Nucën Papa Diosnan ꞌiti ꞌain. Usai ami sinánquin camina ñu ꞌaisama ꞌaquinma ax cuëëncësabi oquinshi ꞌati ꞌain, mix camina ainan ꞌai quixuan camabi unin ꞌunánun.

Hebreos 12:13

Usa ꞌixunmi mitsun aín cuëëncësa oquin ꞌaia isquin ca raíri uniribi ami catamëti upí oquin ꞌunáncëma ꞌaíshbi a ëníma mitsux ꞌicësaribiti ꞌiti ꞌicën. Usaía atux ꞌinun camina Jesucristomi catamëquin aín cuëëncësa oquin ꞌati ꞌain.

Mateo 21:32

Unicamaxa sinanati aín nuitu asérabi upí ꞌinun ꞌunánmia ucëbi camina Juanën bana cuaisama tan. Mitsúnmi aín bana cuaisama taniabi ca ꞌaisama uni, an ꞌapu buánmiti curíqui bicë ꞌimainun xanu ꞌuchañucamaxribi Juanën bana cuati sinanati upí ꞌiaxa. Usaía ꞌia isquinbi camina sinanaquin aín bana cuacëma ꞌain.

Hebreos 7:11

Bëráma ca Nucën Papa Diosan ꞌamicëxun Moisésnën, uisai cara judíos unicama ꞌiti ꞌicë quicë bana cuënëocëxa. A bana Levitan rëbúnquicama, sacerdotecama ꞌixun, judíos unicama ꞌunánminun ca Nucën Papa Diosan mëníocëxa. Usa ꞌixuan Levitan rëbúnquinën ꞌaquincëx judíos unicama asérabi aín nuitu upí ꞌaish Nucën Papa Dios quicësabi oi ꞌicëbë ca sacerdote itsi Aarón ꞌiásama, Melquisedec ꞌiásaribi, Jesús uáma ꞌitsíanxa.

Efesios 4:12

Axa ami catamëcë unicaman upí oquin sinánan ax cuëëncësabi oquin ñu upíshi ꞌati ꞌaquinun ca Cristonën aín unicama bëtsi bëtsi ñu ꞌanun ꞌimia.

Juan 12:44

Usa ꞌain ca Jesusan munuma banaquin atu cacëxa: —Axa ꞌëmi catamëcë uni ax ca ꞌëmishi catamëtíma, Nucën Papa Dios, an ꞌë xuá, amiribi catamëtia.

Juan 5:24

Asérabi cana ꞌën mitsu cain, axa ꞌën bana cuati an ꞌë xuá ami sináncë uni, ax ca ainan ꞌaish nëtë́timoi Nucën Papa Diosnan ꞌia. A cupía Nucën Papa Diosnan ꞌitima ꞌicëbi aín ꞌuchacama tërë́ncë cupí ꞌuchañuma ꞌaish ca bamatancëxbi nëtë́timoi Nucën Papa Diosbë ꞌiti ꞌicën.

Mateo 3:2

Bana ñuixunquin ca cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca Nucën Papa Diosmi sináncë ꞌaíshmabi sinanati ami sinan.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

2 Corintios 7:10

Aín ꞌuchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín ꞌucha tërë́ncë ꞌaish Nucën Papa Diosnan ꞌinux ië́cë ꞌia. Usai ꞌitancëx cuëënquin ca —ꞌëx ꞌën ꞌuchacama sinani pan masá nuituti ca asábi ꞌiaxa —quixun sinánti ꞌicën. Usa ꞌaínbi ca uni raíri aín ñu ꞌatima ꞌacë cupí masá nuituquinbi acama ëni ami sinanacëma ꞌaish Nucën Papa Diosnan ꞌima.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.

Hechos 20:21

Ñuixunquin cana judíos unicama ꞌimainun judíosma unicamaribi Nucën Papa Dios cuëëncësa oi ꞌinux sinanatía Nucën ꞌIbu Jesucristomi catamënun quixun can.

Hechos 11:18

Ësaquin Pedronën ñuia cuati ca a ñu catëcënima Nucën Papa Dios rabi quiacëxa: —Bërí cananuna ꞌunanin, judíos unishima, judíosma unicamaribi ca Nucën Papa Diosan ꞌatimaquin sináncë ꞌaíshbi Jesucristomi catamëtia xënibua ꞌaínbi ainan ꞌinun sinanamia —quixun.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Juan 14:1

Usaquin catancëxun ca ësaquinribi Jesusan aín ꞌunánmicë unicama cacëxa: —Masá nuituaxma ca ꞌican. Nucën Papa Diosmi camina catamëti ꞌain. Nucën Papa Diosmi catamëti ca ꞌëmiribi catamët.

Marcos 6:12

Usaquin caquian xucëx cuanquin ca —ainan ꞌinux camina Nucën Papa Diosmi sinanati ꞌai —quixun caquin unicama bana ñuixuancëxa.

Marcos 1:1

Ënëx ca upí bana, Nucën Papa Diosan Bëchicë, Jesucristo, a ñui uisai cara axa uti ꞌiacëxa quiax quicë ꞌicën.

Mateo 4:17

Bana ñuixuntabaquin ca Capernaúm ëmanu ꞌixun Jesusan anu ꞌicë unicama ësaquin cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca ami sináncë ꞌaíshmabi sinanati ami sinan. Usaquian anuxun bana ñuixunquin cacësabi oquin ca Jesusan ꞌitsa oquin a bana unicama ñuixuancëxa.

1 Juan 4:12

Nucën Papa Dios ca uinu ꞌicë unínbi isáma ꞌicën. Usa ꞌaínbinu nux bëtsibë bëtsibë nuibanancëbë ca ax nubë ꞌicën. Nubë ꞌixun ca an ꞌacësaribi oquinu unicama nuibanun nu ꞌimia.

1 Pedro 1:21

Usa ꞌain camina an Jesucristo bamacëbi baísquimitancëxun aín nëtënu abë ꞌinun ꞌimicë cupí ami sinanin, Nucën Papa Dios an ca asérabi ax quicësabi oquin mitsu ꞌimiti ꞌicë quixun ꞌunani.

Santiago 1:4

Mitsux usai ꞌinux camina ëníma Jesucristomi sinani uisa ñu cara ꞌicëbëbi masá nuitutima ami catamëcanti ꞌain.

Hebreos 11:6

Uicamax cara Nucën Papa Diosbë banatisa tania, uicamax cara ainan ꞌiisa tania, an ca —Nucën Papa Dios ca asérabi anu ꞌicë —quixun sinánti ꞌicën. Sinánan ca —an ca ꞌën ñucácëxun cuati ꞌicë —quixun sinánti ꞌicën. Usaía ax asérabi ami catamëcë uni anun cuni ca Nucën Papa Dios cuëënia. Axa ami catamëcëma unin ca Nucën Papa Dios cuëënmima.

Colosenses 4:12

Axribia Colosasnu ꞌicë uni, Epafras, anribi ca bërúanxmi ꞌinun quixun mitsu camía. An ca Cristo cuëëncësabi oquin ꞌanan camabi nëtën Nucën Papa Dios mitsu ñucáxunia, ami sinánti ënquinmami ax cuëëncësabi oquinshi upí oquin ꞌanun.

Colosenses 1:28

Nun cananuna Cristo ashi ñuiquin aín unicama ñuixunin. Ñuixunquin cananuna aín unicaman upí oquin cuanan, Cristonan ꞌaish ax cuëëncësabi oíshi ꞌinun quixun upí oquin ꞌësëquin, aín unicama ꞌunánmin.

Efesios 2:5

nux nun ꞌucha cupínu ainanma ꞌaish bamacësa ꞌiá ꞌicëbi ainan ꞌaish upiti tsónun nu ꞌimiaxa, nuxribi bama ꞌaíshbi Cristobë baísquicësa ꞌinun.

1 Pedro 5:10

Usabi ꞌinúxmabimi tëmëracë ca Nucën Papa Diosan mitsu cushioquin Jesucristosaribi upí ꞌinun mitsu ꞌimianan —aín bana quicësabi oi cana asérabi ꞌiti ꞌai —quixun ꞌunani ami cushinun mitsu ꞌimiti ꞌicën. Ax ca an mitsu nuibaquin ꞌaquincë ꞌianan Jesucristonan cupí abë́mi xënibua ꞌaínbi upitax ꞌinun caíscë a ꞌicën.

Efesios 2:1

Mitsun ñu ꞌatima ꞌacë cupí ainanma ꞌaíshmi uni bamacësa ꞌicëbi ca Nucën Papa Diosan mitsu xënibua ꞌaínbi abë ꞌinun ainan ꞌimiaxa.

1 Corintios 13:10

Usa ꞌaínbi cananuna ënë menuxun ꞌacësamaira oquin aín nëtënuxun upíira oquin an sinánmiti ñucama ꞌunánuxun ꞌain.

Hechos 17:30

Nucën Papa Dios ꞌunáncëma ꞌixun ca unin anbia uniocë ñu rabiacëxa. Rabia isquinbi ca Nucën Papa Diosan isëshiacëxa. Isëshia ꞌixunbi ca bërí camabi menu ꞌicë uni ꞌatimaquin sináncë ꞌixunbia sinananun quixun aín unicaman canun camia.

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Mateo 5:48

Usa ꞌain camina mitsun Papa Dios, axa naínu ꞌicë, an sináncësaribi oquin sinánti ꞌain.

1 Timoteo 6:19

Usoquin ꞌacë ꞌaish ca ñuñu uni ax Jesucristonën ꞌacësaribi oquin sináncë ꞌaish ënë menuxun pain Nucën Papa Dios cuëënmitancëx, bamatancëxribi xënibua ꞌaínbi chuámarua abë ꞌiti ꞌicën.

Lucas 6:48

Ax ca unían xubu ꞌati, anu itá nitsínti nëmíonquin me naëcë usaribi ꞌicën. ꞌUí ꞌibúcëbëa baca ꞌitsaira ꞌëia ami aín bai tucanquicëbëbi ca a xubu upí oquin ꞌacë ꞌaish shaíquima.

Mateo 21:29

Cacëxun ca aín bëchicënën caxa: Cana cuaniman. Usaquin caxbi ca sinanabiani ñu mëëi cuanxa.

1 Corintios 2:6

Axa Jesucristomi catamëcë unicaman aín bana quicësabi oquin ꞌaia cananuna a unicama uisaira cara aín banacama quia quixun ñuixunin. Nun banax ca ënë nëtënu ꞌicë axa Cristomi catamëcëma unicaman ñuicë bana ama ꞌicën. ꞌIanan ca aín ꞌapucaman ñuicë bana ama ꞌicën. Acaman banaxa cushi ꞌicëbi ca xënibuquin unin sinanima.

Colosenses 3:14

Ësai ꞌinux camina bëtsibë nuibananti ꞌain. Bëtsibë nuibanancë ꞌaish camina ꞌitsa ꞌixunbi bëtsin sináncësa oquinshi sinánan ꞌën mitsu cacësabi oi ꞌicanti ꞌain.