Hebreos 5:9 - Kashibo-Kakataibo Biblia

⁹ Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

Nukën 'Ibu Diosan ain unikama 'inan ain bana

⁹ Ax tëmëraibi aín Papa Dios cuëëncësabi oi 'iá 'ixun ca an aín bana cuaquin ax quicësabi oquin 'acë unicama a aín 'ucha tërë́nquin Nucën Papa Diosnan 'aish xënibua 'aínbi abë 'inun ië́mia.

Hebreos 5:9 ပူးပေါင်းရင်းမြစ်များ

Salmos 51:6

Min kamina asérabi sinan mëninñushi uni a nuibatin, usa ꞌixun kamina ꞌëribi sinan ñuira ꞌinun ꞌimia.

Salmos 51:8

ꞌË kamina ꞌitsaira tëmëranun ꞌimian; ꞌaínbi kamina amiribishi ꞌitsaira kuëënun ꞌë ꞌimi tëkënti ꞌain.

Isaías 45:22

Usa ꞌain kamina ꞌën mitsu ië́minun ꞌënu ukanti ꞌain, uinu kara me kuainakëakëxa anu ꞌikë unikamaxi ka ꞌuti ꞌikën, ꞌëx Dios ꞌain ka bëtsi ꞌësaribi ꞌaíma ꞌiti ꞌikën.

Isaías 49:6

ax ka ësai kia: ꞌËn uni ꞌixunmi min Jacobnën rëbúnki, Israel unikama axa ñuima ꞌiakama a aín ñakánubi utëkënun ꞌakinkë ax ka ꞌën iskëx sënë́nmara ꞌikën, ꞌën kana ꞌën tirísa ꞌixunmi bëtsi menu ꞌikë unikama bana ñuixuanan, uinu kara me kuainakëakëxa anubi kuankin bana ñuinun mi ꞌimiti ꞌain.

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Lucas 13:32

Cacëxun ca Jesusan cacëxa: —Cuanxun camina uni paráncatsa, Herodes, a cati ꞌain, cana ꞌën ꞌacësabi oquin ñunshin ꞌatima unicamanua chiquíanan ꞌinsíncë unicama pëxcuti ꞌain. Usa ꞌain cana ꞌën ꞌati ñucama sënë́onti ꞌain, bërí, imë́ishi, pëcaratëcëncëbëtanribi nëtë camabi ꞌën ꞌacësabi oquin ꞌaquin.

Juan 19:30

ꞌAmicëx ca Jesús vino cachacë ꞌatancëx, —ꞌën ꞌati ñu cana cëñuan —qui tëtúbutishi bamacëxa.

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

Hechos 4:12

Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

Hechos 5:32

Ax ca asérabi usa ꞌicë quixun cananuna nun camabi uni cain. Nucën Papa Diosan aín bana cuacë unicama ꞌináncë aín Bëru Ñunshin Upí, anribi ca —asérabi ca usa ꞌicë —quixun uni ꞌunánmia.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 10:16

A bana cuënëo ꞌaínbi ca camabi uníinra a bana sináncëma ꞌicën. Ësai ca Isaíasnën cuënëo bana quia: “Camabi uniínrama, ꞌitsama unínshi ca nun ñuixuncë bana cuaquin —ca asérabi ꞌicë —quixun sinania”.

Romanos 15:18

Judíosma unibunën Nucën Papa Diosan bana cuati ami catamënun ca Cristonën ꞌë a banacama ñuixunun ꞌaquianxa. An usaquin ꞌacë ñucamaishi cana unicama ñuixunin. ꞌË cushioquin ca Cristonën aín cushínbi ꞌën judíosma unibu upí oquin bana ñuixuanan atun aín cushi ꞌunánun uni itsin ꞌacëma ñuribi ꞌanun ꞌë ꞌimiaxa.

Romanos 2:8

Usaquin ꞌimianan ca uicamax cara ami sinántisama tanan aín bana quicësabi oquin ꞌaisama tanquin, atux cuëëncësa oquinshi ñu ꞌatima ꞌaia, a unicama Nucën Papa Diosan ami nishquin castícanti ꞌicën.

Romanos 6:17

Mitsux ñunshin ꞌatimanën ꞌapu cuëëncësa oquinshi ꞌacë ꞌiá ꞌaíshbi camina bërí usama ꞌain. Camina a aín unicaman mitsu ꞌunánmicë bana Cristo ñuicë sinánan a bana quicësabi oquin ꞌain. Mitsun ñu ꞌatima ꞌácama ëncë ꞌixun camina Nucën Papa Dios cuëëncësabi oquin ñu upíshi ꞌain. Usaquinmi ꞌaia mitsu ꞌunánquin cana cuëënquin Nucën Papa Dios —asábi ca —quixun cain.

2 Corintios 10:5

Usaribi oquin cananuna unían ꞌatimaquin nu ñuicë bana, ꞌimainun unin anbi sinánquin, Nucën Papa Diosan bana cuaxunma ꞌanun caquin ꞌatimaquin sinánmicë banacamaribi, Nucën Papa Diosan cushínshi ñancáishi ꞌitánun nëtë́nti ꞌain. Usa ꞌain cananuna aín cushínbia ꞌimicëxun Cristo cuëëncësabi oquinshi ꞌati sinanin.

Filipenses 2:12

ꞌËn nuibacë xucë́antu, a ñucama ꞌunani camina ꞌëx mitsubë ꞌain, ꞌën Jesucristo ñuiquin mitsu cacë bana quicësabi oi ꞌian. Usa ꞌain camina ꞌëx mitsubë ꞌain ꞌicësamaira oi ꞌëx mitsubëma ꞌain, ꞌën mitsu cásabi oi ꞌiti ꞌain, Nucën Papa Dios cuëëncëma ñu ꞌatimi racuëti.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

2 Timoteo 2:10

An sinánmicëx ca ꞌitsa uni Nucën Papa Diosnan ꞌinux Cristo Jesúsmi sinánti ꞌicën. Acamaxa aín ꞌuchacama tërë́ncë ꞌianan Cristo Jesúsbë ꞌaish xënibua ꞌaínbi Nucën Papa Diosnan ꞌinun cana unían tëmëramicëxunbi tanshiti cuëënquin a bana ñuin.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 11:40

A ñucama ꞌunánma ꞌaíshbi ca utancëxa Cristo bama cupí nux ꞌicësaribiti, axa bëráma ami sinan unicamax Nucën Papa Diosan iscëx upí ꞌianan asérabi ainan ꞌaish nubë aín nëtënu nëtë́timoi ꞌiti ꞌicën. Usai ꞌicëbë ca camáxbi Nucën Papa Diosan aín unicama cásabi oi ꞌinuxun ꞌaia.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Hebreos 2:10

Nucën Papa Diosan ca camabi ñu ainan ꞌinun uniocëxa. Usoquin ꞌá ꞌaish ca, an aín bana cuacë aín bëchicëcamaxa aín nëtënu abë ꞌiti cuëënia. Usa ꞌixun ca axa uni ꞌaish tëmëranan paë tani bamacë cupíshi Nucën Papa Diosan ainan ꞌinun uni ië́minun Jesucristo ꞌimiacëxa.

Hebreos 2:3

¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.

Hebreos 9:12

Tabernáculonu ꞌicë cata Upíira cacë, anua sacerdotenën cushicaman ꞌapun chivo ꞌimainun vaca bacë rëxun aín imi buan ꞌaínbi ca Jesucristo aín imi ꞌapati bamatancëx baísquiax, anuira Nucën Papa Dios ꞌicë anu cuancëxa. Anu ashiti cuan ꞌixun ca nun ꞌuchacama tërë́ncë ꞌaíshnu xënibua ꞌaínbi Nucën Papa Diosnan ꞌinun nu ꞌimia.

Hebreos 9:15

Usa ꞌain ca Nucën Papa Dios quiásabi oi, an Cristomi catamënun sinánmicë unicama xënibua ꞌaínbi abë ꞌinun Cristo bamacëxa. An Moisésnën cuënëo bana cua nucën raracaman ꞌucharibi ca Cristo bama cupí, tërë́ncë ꞌicën. Usa ꞌain ca Moisésnën cuënëo bana ꞌiásama Cristo ñui quicë bana ꞌicën.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

Judas 1:21

Nucën Papa Diosan mitsu nuibacëx camina ami manutima camabi nëtën ax cuëëncësabi oi ꞌiti ꞌain. ꞌIanan camina a nëtë anuan nuibaquin Nucën ꞌIbu Jesucristonën utëcënquin aín nëtënunu xënibua ꞌaínbi abë ꞌinun nu ꞌimiti, a caínti ꞌain.