Hebreos 5:7 - Kashibo-Kakataibo Biblia

⁷ Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.

Nukën 'Ibu Diosan ain unikama 'inan ain bana

⁷ Jesusan ca ënë menu 'aish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu 'icë 'unánquin, munuma banaquin cacëxa. Usaquian ax cuëëncësabi oquin 'aquinun quixun ñucácë cupí ca Nucën Papa Diosan Jesucristo 'aquiancëxa.

Hebreos 5:7 ပူးပေါင်းရင်းမြစ်များ

Salmos 22:24

An ka ax Dios ꞌixun ñuñuma uni tëmërakin ñukákëxun kuakëmasa okinma ꞌakinia. ¡Usa ixun ka ꞌakinun kixun ñukákëxun kuakin ꞌakinia!

Salmos 69:1

ꞌËn ꞌIbu Dios ꞌë kamina ië́miti ꞌain, ꞌëx inúkë ñukama an ka bakami kikësa ꞌinun ꞌë ꞌimia;

Isaías 49:8

Ësai ka Nukën ꞌIbu kia: “Anun ꞌën mitsu nuibati nëtë ꞌikëbëtan kana nuibakin; mitsu kati ꞌain, anun mi ië́të nëtë ka uaxa, ësokin kakin kana mitsu ꞌakinti ꞌain. ꞌËn kana mi bërúankin ꞌakiankën, ꞌëx kia bana axa mitsunubi ꞌitiokinmi min unikama ꞌunánminun, ꞌianan anubi ꞌitiokin achúshi ñu ꞌën unikabëtan ꞌakën, ꞌimainun mitsun mekama axa mitsumi nishkë unikaman ꞌatimokan a bitëkënun,

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Mateo 27:46

Usai ꞌicëbë bari pëquitëcëntishi ꞌain ca Jesús munuma cuëncëni quiacëxa: “Elí, Elí, lama sabactani”. Usai quicë bana, ax ca —ꞌën Papa Dios, ꞌën Papa Dios, ¿uisa cupí caramina ꞌë ëan? —qui quicë ꞌicën.

Mateo 27:50

Usa ꞌain ca munuma cuëncë́ntëcënishi Jesús bamacëxa.

Marcos 15:34

Usai ꞌicëbë bari pëquitishi ꞌain ca Jesús munuma cuëncëni quiacëxa: —Eloi, Eloi, ¿lama sabactani? Usai quicë bana, ax ca —ꞌën Papa Dios, ꞌën Papa Dios, ¿uisa cupí caramina ꞌë ëan? —qui quicë ꞌicën.

Marcos 15:37

Usa ꞌain ca munuma cuëncë́ntëcënishi Jesús bamacëxa.

Lucas 23:46

Usaía ꞌicëbë ca munuma cuëncënishi Jesús quiacëxa: —Papan, ꞌën cana ꞌën bëru ñunshin minmi binun mi ꞌinanin. Usaquin catancëx ca ashiti bamacëxa.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 11:35

Cacëx cuani ca Jesús bëunan mëscúacëxa.

Juan 11:42

ꞌËn cana ꞌunanin, min camina camabi nëtën ꞌën cacëxun cuatin. ꞌAínbi cana min camina ꞌë asérabi xuacën quixuan ënë unicaman ꞌunánun, ësaquin mi cain.

Juan 17:1

Usaquin aín ꞌunánmicë unicama caíshi manámi bësui abë banaquin ca Jesusan aín Papa cacëxa: —Papan, unían ꞌë ꞌati nëtë ca uaxa. Min camina ꞌëx, min Bëchicë ꞌicë, bamacëbi ꞌë baísquimiti ꞌain, ꞌë rabiquian camabi unin mix camina asérabi cushiira ꞌai quixun ꞌunánun.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Hebreos 10:10

Jesucristo aín Papa Dios cuëëncësabi oi, bamatsianxmabi achúshitishi bama ꞌain cananuna nux Cristo bama cupí Nucën Papa Diosan iscëx nun ꞌucha tërë́ncë ꞌaish asérabi ainan ꞌain.

Hebreos 10:5

Usa ꞌain ca Cristonën ënë nëtënu uquin aín Papa Dios ësaquin cacëxa: Ñuina unin rëxun xaroti cuëënquinma camina ꞌëx uni ꞌaish unicaman ꞌucha cupí bamati mëníon.

Hebreos 11:7

Ënë́nsaran nëtë́nmaribi ca Noénën ami catamëquin —Nucën Papa Dios quicësabi oi ca ꞌiti ꞌicë —quixun ꞌunáncëxa. ꞌUnáncë ꞌicë ca Nucën Papa Diosan Noé cacëxa, —camabi uníxa ꞌaisamairai ꞌuchacë cupí cana unían usai ñu ꞌiti sináncëbëtanmabi camabi me baca mapumiquin cëñuti ꞌai —quixun. Nucën Papa Diosan bana ca asérabi ꞌicë quixun ꞌunánquin ca Noénënshi, ꞌitsa ꞌuí ꞌibúcëma pain ꞌaínbi aín manë nunti chaira anua aín aintsi ꞌibucama atsínmiti ꞌacëxa, Nucën Papa Diosan a cacësabi oquin. An usoquin ꞌaia iscë unicama ca —ënë menu ꞌicë unicama ꞌaisamairai ꞌuchacë cupí ca Nucën Papa Diosan cëñuti ꞌicë —quixun Noénën ñuixuancëxa. Nucën Papa Dios quicësabi oi ca ꞌiti ꞌicë quixun sinánquian Noénën, an cacësabi oquin ꞌaia isi ca Nucën Papa Dios cuëëancëxa.

Hebreos 12:28

Ax xënibua ꞌaínbi cëñútimoi nucën ꞌApuira ꞌain cananuna nux nëtëtima anu abë ꞌianan aín unicamabë ꞌiti ꞌain. Usai ꞌiti sinánquin cananuna Nucën Papa Diosmi sinánquin aín bana cuaquin —asábi ca —cai cuëënquin a rabiti ꞌain, ax cuëëncësabi oquin,

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

1 Juan 4:3

Usa ꞌaínbi ca an usaquin Jesús ꞌunáncëma uni, ax Nucën Papa Diosan Bëru Ñunshin Upíñuma ꞌicën. Usa ꞌaish ca an Cristo ꞌatimaquin ñuicë uni banacësa ꞌicën. An Cristo ꞌatimaquin ñuicë uni ca uti ꞌicë quixun camina cuan. Usa uni ca uti ꞌicë quiáxa quicë ꞌaínbi ca bëtsi bëtsi unin bëríbi Cristo ꞌatimaquin ñuia.

2 Juan 1:7

ꞌItsa unin ca camabi menu cuanquin uni paránquin —Nucën Papa Diosan Bëchicë ca uni ꞌinux uacëxa —quixun caquinma, bëtsi bana ñuiquin uni parania. Usa unix ca an uni paráncë ꞌianan an ꞌatimaquinra Cristo ñuicë uni a ꞌicën.