Hebreos 5:6 - Kashibo-Kakataibo Biblia

⁶ Ësairibi ca cuënëo bananua Nucën Papa Diosan aín Bëchicë cá bana quia: Mix camina nëtë́timoi usabi sacerdote, an ꞌën unicama ꞌë ñucáxunti, a ꞌain, Melquisedec ꞌiásaribi.

Nukën 'Ibu Diosan ain unikama 'inan ain bana

⁶ Ësairibi ca cuënëo bananua Nucën Papa Diosan aín Bëchicë cá bana quia: Mix camina nëtë́timoi usabi sacerdote, an 'ën unicama 'ë ñucáxunti, a 'ain, Melquisedec 'iásaribi.

Hebreos 5:6 ပူးပေါင်းရင်းမြစ်များ

Salmos 110:4

Nukën ꞌIbux ka sinanatëkëntima oi kiaxa, usa ꞌain ka kana ꞌaima kikínma asérabi kana ꞌati ꞌai kiaxa, Mix kamina sacerdote xënibua ꞌaínbi ꞌiti ꞌain, Melquisedec ꞌiásaribiti ꞌiti ꞌain.

Hebreos 5:10

Ax ca ësaquian Nucën Papa Diosan cá, a ꞌicën, —mix camina sacerdote, an ꞌën unicama ꞌë ñucáxunti, a ꞌain, Melquisedec ꞌiásaribiti.

Hebreos 6:20

Cristo axa anua Nucën Papa Dios ꞌicë anu ꞌain cananuna nuxribi anu abë ꞌiti ꞌain. Ax ca nëtë́timoi xënibua ꞌaínbi usabi sacerdotenën cushicaman ꞌapu ꞌaish, an aín unicama Nucën Papa Dios ñucáxunti a ꞌicën, Melquisedec ꞌiásaribiti.

Hebreos 7:11

Bëráma ca Nucën Papa Diosan ꞌamicëxun Moisésnën, uisai cara judíos unicama ꞌiti ꞌicë quicë bana cuënëocëxa. A bana Levitan rëbúnquicama, sacerdotecama ꞌixun, judíos unicama ꞌunánminun ca Nucën Papa Diosan mëníocëxa. Usa ꞌixuan Levitan rëbúnquinën ꞌaquincëx judíos unicama asérabi aín nuitu upí ꞌaish Nucën Papa Dios quicësabi oi ꞌicëbë ca sacerdote itsi Aarón ꞌiásama, Melquisedec ꞌiásaribi, Jesús uáma ꞌitsíanxa.

Hebreos 7:15

Usa ꞌain cananuna upí oquin ꞌunanin, Nucën Papa Diosan ca Melquisedec ꞌiásaribitia sacerdote ꞌinun Jesúsëshi,

Hebreos 7:17

A ñuiquin ca Nucën Papa Diosan ësaquin cacëxa: Mix camina nëtë́timoi usabi sacerdote, an ꞌën unicama ꞌë ñucáxunti, a ꞌain, Melquisedec ꞌiásaribi.

Hebreos 7:21

Levitan rëbúnquinën ca ꞌën unicama ë ñucáxunti ꞌicë quixun ca Nucën Papa Diosan sinanatëcëntimoquin cáma ꞌicën. Usa ꞌixúnbi ca an sinanatëcëntimoquin caquin, Jesús asérabi an unicama a ñucáxunti ꞌimiacëxa, aín bana cuënëo ësai quicësabi oquin: Nucën ꞌIbu Diosan ca sinanatëcëntimoquin aín Bëchicë ësaquin cacëxa: Mix camina nëtë́timoi usabi sacerdote, an ꞌën unicama ꞌë ñucáxunti, a ꞌain, Melquisedec ꞌiásaribi, quixun.

Hebreos 7:3

Melquisedec a ca uix cara aín papa ꞌiacëxa, uix cara aín tita ꞌiacëxa, añu nëtën cara bacë́ancëxa, añu nëtën cara bamacëxa, uicamax cara aín rara ꞌiacëxa, abi unin ꞌunánma ꞌicën. Usa ꞌain ca judíos unibunëx —Melquisedec ax ca bamama ꞌicë —quia. Nucën Papa Diosan Bëchicënëx ca nëtë́timoi xënibua ꞌaínbi sacerdote, an unicama Nucën Papa Dios ñucáxuncë ꞌicën, uni Melquisedec ñui quiásaribiti.

Hebreos 7:8

Levitan rëbúnqui, judíos sacerdotecama, a judíos unicama raírinën aín ñu mësú ꞌináncë, acamax ca uni ꞌaish bamaia. Usa ꞌaínbi ca Abrahamnën aín ñu mësú Melquisedec, a ñuia uni —ax ca bamama ꞌicë —quicë, a ꞌináncëxa.