Hebreos 5:5 - Kashibo-Kakataibo Biblia

⁵ Usaribiquin ca Cristonën anbi judíos sacerdotenën cushicaman ꞌapu ꞌiti sinánma ꞌicën. Nucën Papa Dios an Mix camina ꞌën Bëchicë ꞌaish xënibua ꞌaínbi ꞌëbë ꞌiti ꞌai, quixun cacë, anbi ca Cristo judíos sacerdotenën cushicaman ꞌapu ꞌimiacëxa.

Nukën 'Ibu Diosan ain unikama 'inan ain bana

⁵ Usaribiquin ca Cristonën anbi judíos sacerdotenën cushicaman 'apu 'iti sinánma 'icën. Nucën Papa Dios an Mix camina 'ën Bëchicë 'aish xënibua 'aínbi 'ëbë 'iti 'ai, quixun cacë, anbi ca Cristo judíos sacerdotenën cushicaman 'apu 'imiacëxa.

Hebreos 5:5 ပူးပေါင်းရင်းမြစ်များ

Salmos 2:7

ꞌËx kana uisakin ꞌati kara Diosan sinánxa a ñui kiti ꞌain, an ka ësakin ꞌë kaxa: Mix kamina ꞌën bakë bëchikë ꞌain; usa ꞌaish kamina bërí ꞌën bakë bëchikëira ꞌiti ꞌain.

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Juan 7:18

Axa anbi sinanx banacë uni ax ca unían a rabinun quixun sinanishi banaia. ꞌAínbi ca an ñuiquin uni canun quixuan a xuá ashia unin rabiti cuëëncë uni an cuni cëmëquin uni paranima.

Juan 8:54

Quia ca Jesusan cacëxa: —ꞌËx rabiacacëbëtanbi ca, aín banax sapi ca asérabima ꞌicë quixun unin sinánti ꞌicën. Usa ꞌaínbi ca an ꞌë rabicë, ax ꞌën Papa ꞌicën, ami mitsun —ax ca Nucën Papa Dios ꞌicë —quixun ñuicë a.

Hechos 13:33

Salmos dos, anu ca Nucën Papa Diosan aín bëchicë cá bana ꞌicën, ësai quicë: “Mix camina ꞌën Bëchicë ꞌain. Usa ꞌicë cana xënibua ꞌaínbimi ꞌëbë ꞌinun mi ꞌimin”. Usai ꞌinun ca Nucën Papa Diosan aín Bëchicë Jesucristo baísquimiacëxa. Usaquin ca ꞌacëxa quixun cananuna nun ꞌunanin.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

Hebreos 1:1

Bëráma ca Nucën Papa Diosan nucën raracaman aín cushi ꞌunánan uisai cara aín uni ꞌiti ꞌicë quixun ꞌunánun, Nucën Papa Dios, an sinánmicë bana uni ñuixuncë unicamabë bananan namámiquin canan, bëtsi bëtsi ñu ismiquin canan, bëtsi bëtsi ñu ꞌaquinribi atu ismiacëxa.

Hebreos 1:5

Nucën Papa Diosan ca uinu ꞌicë ángelbi cáma ꞌicën: Mix camina ꞌën Bëchicë ꞌaish xënibua ꞌaínbi ꞌëbë ꞌiti ꞌai quixun. ꞌImainun ca uinu ꞌicë ángelbi ñuima, Jesúsëshi ñui, Nucën Papa Dios ësairibi quiacëxa: ꞌËx cana aín Papa ꞌiti ꞌain. Ax ca ꞌën Bëchicë ꞌiti ꞌicën.

Hebreos 2:17

Ësaquin nu ꞌaquinti cupí ax nusaribi uni ꞌixun, ñunshin ꞌatimanën ꞌapun tancëxun ꞌunánan paë tani tëmërati ꞌunan ꞌixun ca Jesusan aín unicama Nucën Papa Dios upí oquin ñucáxunia. Usa ꞌaish ca nun ꞌucha tërë́nux bamati cupí nusaribi uni ꞌiacëxa.

Hebreos 3:1

ꞌËn xucë́antu, mitsux ainanshi ꞌinun Nucën Papa Diosan ꞌimicë ꞌixun camina, Nucën Papa Diosan a ñuiquin unicama ñuixunun ënë nëtënu xuá ꞌixuan an aín unicama Nucën Papa Dios ñucáxuncë, Cristo Jesús, a uisa uni cara ꞌiacëxa quixun upí oquinra ꞌunánti ꞌain.

Hebreos 5:10

Ax ca ësaquian Nucën Papa Diosan cá, a ꞌicën, —mix camina sacerdote, an ꞌën unicama ꞌë ñucáxunti, a ꞌain, Melquisedec ꞌiásaribiti.