Hebreos 5:1 - Kashibo-Kakataibo Biblia

¹ Nucën Papa Diosan mëníosabi oquin ca judíos sacerdotenën cushicaman ꞌapun, judíos unicaman ꞌucha ꞌimainun aín ꞌucharibi tërë́ncë ꞌinun ꞌaracacë ñuina ꞌaxunquin Nucën Papa Dios ñucáxunia.

Nukën 'Ibu Diosan ain unikama 'inan ain bana

¹ Nucën Papa Diosan mëníosabi oquin ca judíos sacerdotenën cushicaman 'apun, judíos unicaman 'ucha 'imainun aín 'ucharibi tërë́ncë 'inun 'aracacë ñuina 'axunquin Nucën Papa Dios ñucáxunia.

Hebreos 5:1 ပူးပေါင်းရင်းမြစ်များ

Romanos 15:17

Cristo Jesúsnën cushiocëxun cana Nucën Papa Diosan casabi oquin judíosma unibu bana ñuixuan quixun sinani cana cuëënin.

1 Corintios 15:3

Jesusan aín bana ñuixunun caíscë unicaman ꞌë unánmicë bana, a paínmi ꞌunánun quixun cana ësaquin mitsu cacën: Nun ñu ꞌaisama ꞌacë nu tërë́nxunux ca Cristo bamacëxa. Usai ca ꞌiti ꞌicë quiax ca Nucën Papa Diosan bana cuënëo quia.

Hebreos 10:11

Judíos sacerdotecaman ca camabi nëtën ꞌuchañu unían bëxuncëxun aín ꞌucha tërë́ncë ꞌinun ꞌaracacë ñuina rëxunia. Usoquian ꞌacëbëbi ca aín nuitu upíma usabi ꞌia.

Hebreos 10:12

Usa ꞌaínbi ca Jesucristo achúshitishi camabi unin ꞌucha tërë́ncë ꞌinun bamax baísquitancëx anu aín Papa ꞌicë anu abë ꞌApu ꞌaish aín mëqueu ꞌi cuancëxa.

Hebreos 11:4

Bërí nëtë́nma ca Adanën bëchicë, Abel, an ami sinánquin Nucën Papa Dios quicësabi oquin a rabiquin ꞌaracacë ñuina rëxun xaroxuancëxa. Usomainunbi ca aín xucën Cainan aín cuëëncësa oquinshi aín ñu bimishi Nucën Papa Dios xaroxuancëxa. Cainan usoia isi ca Nucën Papa Dios cuëëanma ꞌicën. Abelnëan ꞌaxuncëxun isi cuni ca cuëëancëxa. Abel bama ꞌaínbi cananuna —Abelnën ca asérabi Nucën Papa Diosmi catamëquin ax quicësabi oquin ꞌacëxa —quixun sinanin.

Hebreos 2:17

Ësaquin nu ꞌaquinti cupí ax nusaribi uni ꞌixun, ñunshin ꞌatimanën ꞌapun tancëxun ꞌunánan paë tani tëmërati ꞌunan ꞌixun ca Jesusan aín unicama Nucën Papa Dios upí oquin ñucáxunia. Usa ꞌaish ca nun ꞌucha tërë́nux bamati cupí nusaribi uni ꞌiacëxa.

Hebreos 7:27

Ax ca Levitan rëbúnqui ꞌicësai ꞌiáma ꞌicën. Atun ca camabi nëtën aín ꞌucha pain tërë́anan judíos unicaman ꞌuchacamaribi tërë́nun Nucën Papa Dios ñucáxunia, ñuina rëtancëxun xaroquin. Usama ca Jesús ꞌicën. Axbi ca camabi unin ꞌucha cupí ñuina rëxun xarocësa ꞌitánun bamatsianxmabi achúshitishi bamacëxa.

Hebreos 8:3

An unicaman ꞌucha Nucën Papa Diosan tërë́nun ñuina rëcë xaronux ca sacerdotenën cushicaman ꞌapu an Nucën Papa Dios aín unicama ñucáxuncë ꞌia. Usaribiti ca Jesús unicaman ꞌucha tërë́ncë ꞌinun ñuina rëtíma, a cupía unicaman ꞌucha tërë́ncë ꞌinun bamatsianxmabi bamacëxa.

Hebreos 8:4

Bëríbi nubë ꞌaish ca Jesús sacerdote ꞌitsianxma. Levitan rëbúnquinëxëshi Moisés quiásabi oi sacerdote ꞌixun ca ñuina rëtancëxun xaroquin judíos unicama Nucën Papa Dios ñucáxunia.

Hebreos 9:9

Usai ca ꞌia quixun ꞌunánquin cananuna sinanin, Moisés quicësabi oquin ñuina rëxun xaroquinbi ca a unicaman, aín nuitu ca Nucën Papa Diosan iscëx asérabi upí ꞌicë quixun ꞌunanima. Usaribi cananuna nux ꞌai quixun cananuna sinanin.