Hebreos 3:8 - Kashibo-Kakataibo Biblia

⁸ camina cuacëmasa otima ꞌain, mitsun raracama ꞌásaribi oquin. Atux ca Nucën Papa Diosan ꞌaquincëxbi an cacë bana cuaisama tani ꞌatimati banai, —Nucën Papa Diosan ca nu uisabi oima —quicësa ꞌiacëxa, anu uni ꞌicëma menuax.

Nukën 'Ibu Diosan ain unikama 'inan ain bana

⁸ camina cuacëmasa otima 'ain, mitsun raracama 'ásaribi oquin. Atux ca Nucën Papa Diosan 'aquincëxbi an cacë bana cuaisama tani 'atimati banai, —Nucën Papa Diosan ca nu uisabi oima —quicësa 'iacëxa, anu uni 'icëma menuax.

Hebreos 3:8 ပူးပေါင်းရင်းမြစ်များ

Nehemías 9:16

ꞌAínbi ka nun chaitiokëkama usakin kamina ñu ꞌati ꞌai kakëxun kuatima ꞌianan, min banakama kikësokin ꞌama ꞌikën.

Salmos 95:8

mitsun nuitu kamina Meribá kakë menuxun ꞌasaribiokin iruatima ꞌain; a nëtëkaman mi anu uni ꞌikëma me Masá kakë anuxun ꞌakansaribi okin,

Éxodo 17:7

usakin ꞌatankëxun ka Moisésnën anua ꞌikë me a Meribá kakin anëakëxa, anuaxa Israel unibu Diosmi ꞌatimai banakë ꞌikë ka usakin anëakëxa, anëanan ka Masá kakinribi anëakëxa, ax ka nu kara Diosan ꞌakinti ꞌikë kixun sinánkima Israel unibunën ꞌatima okin sinánkë kupín ka usakin anëakëxa, ¿Nubë kara Nukën ꞌIbu ꞌikën nubëma kara Dios ꞌik?

Éxodo 8:15

Usakin ꞌaia isi aín sinan asábi tani kuëënkinbi ka faraónën, aín sinan atiainra iruarakin Moisés ꞌimainun Aarónën kakëxunbi kuaisamatankin Nukën ꞌIbun Diosan kakësabiokin Israel unikama xuisamatankëxa.

Jeremías 7:26

ꞌAínbi kamina mitsun ꞌën kakëxunbi kuaisamatankën, usai ꞌikamina mitsun chaitiokëkama ꞌiásamairai atiaira bana kuama ꞌain.

Daniel 5:20

ꞌAínbi ka ꞌëx kana usaira ꞌai kixun sinani ax chaiira ꞌia iskin, an kuëënkësa okia uni ꞌaia Diosan aín kushi biküankëxa.

Números 14:11

Usai ꞌikëbëtan ka Nukën ꞌIbun Moisés kakëxa: —¿Uínsaran ira kara ënë unikaman ꞌën ꞌakinkëxunbia ꞌën kana ꞌakinima kixun sinánkë a ënti ꞌik? ¿Uínsaran ira kara ënë unikamax ꞌën kushínbi atun ismainun bëtsi ñukama ꞌa a sinani ꞌëmi katamëti ꞌik?

Mateo 13:15

Atun nuitu mëu ꞌunántisama tanan ca judíos unicaman atun pabitan cuaquinbi uisai quicë cara quixun ꞌunántisama tania. Atun bërúnbi ꞌën ꞌaia isquinbi ca ꞌëx cushiira ꞌaínbi ꞌëmi sinántisama tania. ꞌËmi sinanatia cana atu ꞌën uni ꞌinun ië́mitsian. Usa ꞌaínbi ca ꞌiisama tanxa.

Hechos 19:9

Ñuixuniabi ca raírinën masáquin sinánquin cuaisama tancëxa. Usaquin cuaisama tani ca anu timë́cë unicaman cuamainunbi —Jesúsmi sinánti ca ꞌaisama ꞌicë —quiax quiacëxa. Usai quicëbë, anuax chiquíquianquin ca Pablonën axa Jesucristomi catamëcë unicama buani, Tirano cacë unían anuxun uni ꞌunánmicë xubu, anu cuancëxa. Cuanxun ca anuxun camabi nëtën bana ñuixuancëxa.

Hechos 7:36

Xucëxun ca Egiptonu cuanxun Moisésnën Israel unicama anua buáncëxa. Buánquin ca Egiptonuxun ꞌanan, parúnpapa Xonsa anuxun ꞌanun, cuarenta baritian anu uni ꞌicëma menuxunribi Nucën Papa Diosan ꞌamicëxun uni itsin ꞌacëma ñu ꞌacëxa.

1 Corintios 10:9

Atúnbi —Nucën Papa Diosan sapi ca nu ꞌatimotima ꞌicë —quixun sinánquin ñu ꞌaisama ꞌatancëxbi ca runun picëx a unicama bamacëxa. A unicamaxa Nucën Papa Diosmi ꞌuchasaribi oi cananuna usaquinribi sinani Nucën ꞌIbu Jesúsmi ꞌuchatima ꞌain.

Deuteronomio 6:16

Nukën ꞌIbu Dios kamina uisa kara mi oia iskatsi kixun, Masá kakë me anuxun ꞌakansa okin tantima ꞌain.

1 Samuel 6:6

Uisa kupí kaina mitsun bana kuakëmasa oi egipcio unikama ꞌimainun faraón ꞌiásai ꞌikanin, atuxka Israel unikama Diosan ꞌatimokëxun aín menua chikinuxun bana kuatima ꞌia usai ꞌikanin.