Hebreos 3:6 - Kashibo-Kakataibo Biblia

⁶ Usa ꞌaínbi ca Nucën Papa Diosan unicaman cushi ax aín Bëchicë, Cristo, an aín Papa Dios cuëëncësabi oquin ꞌacë, a ꞌicën. Usa ꞌaish ca Cristo ax nun cushiribi ꞌicën, nun nu ami catamëti ënquinma cuëënquin abë aín nëtënu ꞌiti sináncë ꞌain.

Nukën 'Ibu Diosan ain unikama 'inan ain bana

⁶ Usa 'aínbi ca Nucën Papa Diosan unicaman cushi ax aín Bëchicë, Cristo, an aín Papa Dios cuëëncësabi oquin 'acë, a 'icën. Usa 'aish ca Cristo ax nun cushiribi 'icën, nun nu ami catamëti ënquinma cuëënquin abë aín nëtënu 'iti sináncë 'ain.

Hebreos 3:6 ပူးပေါင်းရင်းမြစ်များ

Salmos 2:12

usa ꞌain kamina Dios ax nishkima mitsu, ꞌaisama okin tëmëramia usa ꞌain rabikanti ꞌain. ¡Diosan ka axa ami katamëkë unikama chuámarua tania ami sinani kuëënun ꞌimia ësai ka Diosan kaískë unikama kiakëxa!

Mateo 10:22

Mitsúxmi ꞌëmi sináncëbë ca axa ꞌëmi sináncëma unicamax mitsumi nishti ꞌicën. Usa ꞌaínbi ca an uisa ñu cara ꞌicëbëtanbi ꞌëmi sinánquin ëncëma unicamax Nucën Papa Diosan nëtënu ꞌëbë ꞌiti ꞌicën.

Mateo 16:18

Caxun ca mapara, griego banan “petra” cacë, a sinánquin Jesusan Simón cacëxa: —ꞌËn cana mi cain, mix camina Pedro caquin anëcë ꞌiti ꞌain. Minmi ꞌëmi bërí cacë bana sináncë usaribi oquin sináncë ca axa ꞌëmi catamëcë unicamax ꞌiti ꞌicën. Bamatancëxbi cëñútimoi ca a unicamax ꞌënan ꞌiti ꞌicën.

Mateo 24:13

Usai ñu ꞌicëbëtanbia ꞌëmi sinánquin ëncëma unicamax ca Nucën Papa Diosan nëtënu ꞌëbë ꞌiti ꞌicën.

Romanos 11:22

Usa ꞌain camina ꞌunánti ꞌain, ax upí ꞌixun ca Nucën Papa Diosan unicama nuibaquin upí ꞌimianan axa aín ꞌucha ëni ami catamëcëma uni uisa cara oti ꞌicë usoquin ꞌati ꞌicën. Usa ꞌixun ca mitsúxmi a ëníma ax quicësabi oquin ꞌai, ami catamëtia oquin nuibaquin ꞌaquinia. Usai mitsux ꞌicësabi camina ꞌiti ꞌain. Usai ꞌima camina mitsúxribi judíos unibu ꞌicësaribiti ainanma ꞌiti ꞌain.

Romanos 12:12

Nucën Papa Diosan ca ax quicësabi oquin mitsu ꞌaquianan abë ꞌinun mitsu ꞌimiti ꞌicë quixun sinani camina chuáma tani cuëëni bucuti ꞌain. Tëmëraibi camina masá nuituti bënë́tima ꞌain. Ënima camina Nucën Papa Diosbë banati ꞌain.

Romanos 15:13

Nucën Papa Diosan ca nu ꞌunánmia, an ca nu ꞌaquianan nux xënibua ꞌaínbi abë ꞌitioquin nu ꞌimia quixun. An mitsu ami catamëti cuëëni chuámarua ꞌaish bucunun ꞌimiti cana cuëënin. Mitsux usai ꞌiquin camina aín Bëru Ñunshin Upitan sinánmicëxun Nucën Papa Diosan ca asérabi ax quicësabi oquin ꞌaia quixun upí oquin ꞌunánti ꞌain.

Romanos 5:2

Jesucristomi catamëcë cupíshi cananuna uisaira oquin cara Nucën Papa Diosan nu nuibaquin nu ainan ꞌinun ꞌimia quixun ꞌunanin. Usoquin ꞌunani cuëënquin cananuna, nux cananuna Nucën Papa Diosnan ꞌaish aín nëtënu abë ꞌiti ꞌai quixun ꞌunanin.

1 Corintios 3:16

¿Mitsun caramina ꞌunaniman, anua Nucën Papa Dios ꞌicë a camina mitsux ꞌai quixun? Nucën Papa Diosan Bëru Ñunshin Upí ax ca mitsunu ꞌicën.

1 Corintios 6:19

¿Aín Bëru Ñunshin Upí a Nucën Papa Diosan mitsu ꞌináncë, ax ca minu ꞌicë quixun caramina ꞌunaniman? Mitsux camina anu ax ꞌicë, a ꞌain. Usa ꞌain camina miishima ꞌain, ax ca min ꞌIbu ꞌicën.

2 Corintios 6:16

¿Anuxun Nucën Papa Dios rabiti xubunuxun cara atúnbi ꞌacë ñu unin rabiti ꞌic? Ca ꞌatima ꞌicën. Nucën Papa Dios, ax bamatimoi tsócë, a aín unicaman rabicë, ax ca mitsunu ꞌicën, axa ësai quiásabi oi: ꞌËx cana atubëbi ꞌianan uinu cara atux cuania anuribi atubë ꞌiti ꞌain. ꞌËx cana aín Dios a atun rabiti a ꞌain, atux ca ꞌën unibu ꞌiti ꞌicën.

Gálatas 6:10

Usa ꞌain cananuna axa nubë Jesucristomi catamëcë unicama ꞌaquinti ꞌain. ꞌAquianan cananuna ꞌaquinsa ꞌicë uni raíriribi camabi ꞌaquinti ꞌain.

Gálatas 6:9

Usa ꞌain cananuna Nucën Papa Dios cuëëncësabi oquin ꞌaquin atsánquin ëntima ꞌain. Usoquin ñu upí oquin ꞌai cananuna ax quiásabi oi an ꞌaquincë ꞌianan aín nëtënu abë ꞌiti ꞌain.

Efesios 3:12

Cristo cupí cananuna racuëtima uisa ñu cara, Nucën Papa Diosbë banati ꞌain, an ca Cristomi catamëcë cupí nun bana cuatia quixun ꞌunani.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

1 Tesalonicenses 5:16

Masá nuitutíma camina camabi nëtën cuëëni chuámashi ꞌicanti ꞌain.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

Hebreos 1:2

Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.

Hebreos 10:19

ꞌËn xucë́antu, Jesucristo aín imi ꞌapati bama cupí nun ꞌuchacama tërë́ncë ꞌianan Nucën Papa Diosnan ꞌaish cananuna —Cristo cupí ca Nucën Papa Diosan nux banaia cuati ꞌicë —quixun sinani racuëtima abë banati ꞌain.

Hebreos 10:21

An Nucën Papa Diosan unicama a ñucáxuncë ax ca Jesús ꞌicën.

Hebreos 10:23

—Nucën Papa Diosan ca aín quicësabi oquin nu upí ꞌimianan nux aín nëtënu abë ꞌinun ꞌimia —quixun ꞌunánquin cananuna asérabi ami catamëquin aín bana ënquinma an nu cacësabi oquin ꞌaquin bëtsi uniribi —Nucën Papa Diosan ca ax quicësabi oquin, usoquin nu ꞌaquinia —quixun ñuixunti ꞌain.

Hebreos 10:35

—Usai cana ꞌiacë —quiax manúquinma camina min ꞌacësabi oquin Jesucristomi catamëti ëntima ꞌain. Ami catamëcë ꞌaish camina a cupí nëtë́timoi abë Nucën Papa Diosan nëtënu ꞌiti ꞌain.

Hebreos 11:1

Nun Nucën Papa Dios isquinmabi cananuna asérabi ca anu ꞌicë quixun ꞌunanin. Aín bana ca cëmëma asérabi ꞌicë quixun sinánquin cananuna ꞌunanin, an ca aín quicësabi oquin ꞌati ꞌicë quixun. Usaquin ca axa ami catamëcë unicaman ꞌunania.

Hebreos 3:14

Anun nux aín nëtënu ꞌiti nëtë sënë́ntamainun cananuna ami catamëtabatínu ꞌiásabi ꞌi ami catamëti ꞌain. Usai ꞌi cananuna camabi nëtën Cristobë ꞌain.

Hebreos 4:11

Nucën Papa Diosan atu ñuixuncë menu bëbáma unicama usaribiti nuxribi ami catamëcëma ꞌitin rabanan cananuna ainan ꞌaish upí oquin sinani ami catamëquin ëníma bërúancati ꞌain.

Hebreos 4:14

Jesús ax ca Nucën Papa Diosan Bëchicë ꞌianan, an nu Nucën Papa Dios ñucáxuncë ꞌaish aín Papa Diosan nëtënu abëbi ꞌicën. Usa ꞌicë cananuna ami catamëquin aín bana cuati ëntima ꞌain.

Hebreos 4:16

Asérabi ca usa ꞌicë quixun ꞌunánquin cananuna ami racuë́quinma, an nu nuibacë Nucën Papa Dios a nun ꞌuchacama tërë́nquin nu ꞌaquinun ñucáti ꞌain, an nu nuibacë cupí. Usaquin cananuna anúnu uisai cara ꞌicë nëtën, nuibaquian nu ꞌaquinun ñucáti ꞌain.

Hebreos 6:11

Usa ꞌaínbi cananuna anúnmi Nucën Papa Diosan nëtënu ꞌiti nëtë utámainunmi mitsun ꞌacësabi oquin chiquíshquin ënquinma Nucën Papa Dios cuëëncësabi oquin ꞌati cuëënin. Usaquin ꞌaquin camina Nucën Papa Diosan nëtënu cëñútimoi abë ꞌiti sinánquin caínti ꞌain.

Hebreos 6:18

Usa ꞌain cananuna an ca ax quicësabi oquin ꞌaia quixun ꞌunánan, axa —sinanatëcëntimoquin cana mitsu cai —quicë cupí ca an asérabi usoquin ꞌati ꞌicë quixun ꞌunanin. Usaquin ꞌunánquin cananuna ꞌunanin, nun nu an nu ꞌaquinun ñucácë ꞌixun ca nu asérabi ꞌaquinti ꞌicë quixun. ꞌUnánan cananuna ami catamëquin —aín bana quicësabi oi cana asérabi ainan ꞌaish aín nëtënu abë ꞌiti ꞌai —quixun ꞌunanin.

1 Pedro 1:8

A isúnmabi camina mitsun Jesucristo sinanin. Usa ꞌain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana ꞌaíma ꞌaínbi.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.

1 Pedro 4:17

An aín bana ꞌacë unibi ca Nucën Papa Diosan uisai cara ꞌia quixun isia. Usa ꞌixun ca an aín bana cuacëma unicama aira atun ñu ꞌatima ꞌacë isquin uisaira cara oti ꞌicë usoquin ꞌati ꞌicën.

Apocalipsis 2:18

Usaquin catancëxun ca ësaquinribi cuënëonun Jesusan ꞌë caxa: —An axa Tiatíranuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Nucën Papa Diosan Bëchicë, axa cushiira ꞌaish aín bëru rabë́ tsi rëquirucë ënxáira iscësa ꞌianan aín taëx cashtá manë́xa niba nibaquicë ꞌaish ichúcësa, an ca ësaquin mi caia:

Apocalipsis 2:25

ꞌËx utëcëntámainun camina usabii ꞌiti ꞌain.

Apocalipsis 2:26

Axa aín bamati nëtë utámainun ꞌëmi catamëquin ꞌëx cuëëncësabi oi ꞌiti ëncëma uni, acama cana ꞌëx utëcënquin aín cushi ꞌixun camabi menu ꞌicë unicaman aín bana cuaquin aín quicësabi oquin ꞌanun ꞌaminun ꞌimiti ꞌain.

Apocalipsis 3:11

Xënibucëma ꞌaínshi cana utëcënti ꞌain. ꞌËx umainun min ꞌacësabi oquin ꞌëmi sinánti ënquinma ꞌën mitsu cacë bana ꞌacë ꞌaish camina ꞌëbë ꞌën nëtënu ꞌi cuëënti ꞌain. Usai ꞌimi ꞌiti cupí camina unían mitsu sinanaminun ꞌamitima ꞌain.