Hebreos 3:5 - Kashibo-Kakataibo Biblia

⁵ Nucën raracama judíos unibu ꞌain ca Moisés atun cushi ꞌiacëxa. Aín cushi ꞌixun ca Nucën Papa Dios cuëëncësabi oquin upí oquin ñu ꞌacëxa. Uisairai ꞌi cara ainan ꞌiti ꞌicë quixuan judíos unicaman ꞌunánuan atu ñuixunun quixun Nucën Papa Diosan cacësabi oquin ca Moisésnën nucën raracama ꞌitsa ñu ñuixuancëxa.

Nukën 'Ibu Diosan ain unikama 'inan ain bana

⁵ Nucën raracama judíos unibu 'ain ca Moisés atun cushi 'iacëxa. Aín cushi 'ixun ca Nucën Papa Dios cuëëncësabi oquin upí oquin ñu 'acëxa. Uisairai 'i cara ainan 'iti 'icë quixuan judíos unicaman 'unánuan atu ñuixunun quixun Nucën Papa Diosan cacësabi oquin ca Moisésnën nucën raracama 'itsa ñu ñuixuancëxa.

Hebreos 3:5 ပူးပေါင်းရင်းမြစ်များ

Nehemías 9:14

ꞌInánkin kamina uisai kara sábado nëtë ꞌikëbë tantiti ꞌikë aribi ꞌunámianan a tanti banakama asérabia min uni Moisésnën upíokin ꞌunánminun ꞌamiakën.

Salmos 105:26

Usa ꞌain ka Diosan aín uni Moisés, ꞌimainun Aarón an ꞌakintia kaískë uni a xuakëxa,

Éxodo 14:31

Usakian Nukën ꞌIbun ain kushin Egiptonu ꞌikë unikama ꞌaia isi ka israel unibu Nukën ꞌIbu rabi, ami katamëti rantinpuruni tsóbuti ꞌianan Moisésnën kakësabiokin aín bana kuakankëxa.

Éxodo 40:16

Uisakin kara Nukën ꞌIbun kaia usakinbi ka kamabi ñu Moisésnën ꞌakëxa.

Números 12:7

usa ꞌaínbi kana ꞌën uni Moisés abëishi usai banaima ꞌëxbi abë banakin kana asérabi kain. Ax ka ꞌën uni raíri ꞌikësai ꞌima ꞌën kakësabi oi ꞌia,

Mateo 24:45

Anun ꞌëx utëcënti nëtë ca ësaribi ꞌiti ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca —an ca asérabi ꞌën cacësabi oquin ꞌati ꞌicë —quixun sinánxa. Sinánquin usoquian ñu ꞌanun quixun catancëx ca bëtsi menu cuanxa.

Mateo 25:21

Cacëxun ca an a ñu mëëmicë unin caxa: Camina upí oquin ꞌën curíquinën ñu ꞌan. Minmi ꞌitsamashi ꞌaínbi a curíquinën upí oquin ꞌacë cupí cana mi ꞌitsaira anúnmi ꞌë ñu ꞌaxúnun ꞌinánti ꞌain. Usa ꞌaish camina ꞌëx cuëëncësaribi oi ꞌëbë cuëënti ꞌain.

Lucas 12:42

Cacëxun ca ësoquinribi Jesusan cacëxa: —Ënëx ca ësaribi ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca, an ca asérabi ꞌën cacësabi oquin ꞌati ꞌicë, quixun sinánxa. Sinánquin usoquin ñu ꞌanun quixun catancëx ca bëtsi menu cuanxa.

Lucas 24:27

Caxun ca Moisésnëan cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana, uisa banacama cara a ñui quicë ꞌicë, a banaxa quicësabi oi ca ꞌiaxa quixun a uni rabë́ ñuixuancëxa.

Lucas 24:44

Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Juan 5:39

Uisari caramina ainan ꞌaish xënibua ꞌaínbi abë ꞌiti ꞌai quixun ꞌunánuxun camina Nucën Papa Diosan bana cuënëo upí oquin isin. Usa ꞌaínbi ca a bana ꞌë ñuia quicë ꞌicën.

Hechos 28:23

Usa ꞌain ca a nëtë́an Pablonën bana ñuia cuacatsia quicë a nëtën ꞌaisamaira uni anua Pablo ꞌicënu uacëxa. Aía timëtia ca bari xamárutamainun ñuixuanan xupíopaquinribi bana ñuixuancëxa. Bana ñuixunquin ca uisari cara uni Nucën Papa Diosnan ꞌiti ꞌicë quixun canan —Moisés ꞌimainun an Nucën Papa Dios quicë bana uni ñuixuncë unicamaxribia, axa uti Cristo a ñui quiásabi oi ca Jesús uacëxa —quixun ñuixuancëxa.

Hechos 7:37

Usaquin caxun ca ësaquinribi Estebanën catëcëancëxa: —Moisés ax ca an Israel unicama ësaquin cá a ꞌicën: “An ꞌë ꞌimicësaribi oquin ca mitsun rëbúnqui achúshi, an ax quicë bana unicama ñuixunti uni Nucën Papa Diosan ꞌimiti ꞌicën. ꞌImicëxuan an atu cacësabi oi ca ꞌicanti ꞌicën”.

Romanos 3:21

Moisésnën usai judíos unicama ꞌiti cuënëo bana ꞌacë cupíma Cristo cupíshi ca usaira oquin Nucën Papa Diosan uni upí ꞌimia quixun ca bërí camabi unin upí oquin ꞌunánti ꞌicën. Ca usai ꞌiti ꞌicë quixun ca Moisés ꞌimainun an Nucën Papa Dios quicë bana uni ñuixuncë unicamanribi cuënëocëxa.

1 Corintios 4:2

Uinu ꞌicë unin cara uni ñu mëëxunia an ca —upí oquin ca ñu mëëxunia —quixuan an ñu mëëmicë unin ꞌunánun upí oquin ñu mëëti ꞌicën. Usaribi ca an Nucën Papa Diosan bana ñuixuncë uni ꞌiti ꞌicën.

Deuteronomio 34:5

Usa ꞌain ka Moisés Diosan uni ax Moab kakë me anuax Nukën ꞌIbun kakësabi oi ñuakëxa.

1 Timoteo 1:12

Nucën ꞌIbu Jesucristonën ca ꞌën an cacësabi oquin ꞌati ꞌunánxun, aín bana ñuixunun caxun, usoquin ꞌanun ꞌë cushioxa. Usa ꞌain cana a ñucama sinánquin —asábi ca —quixun a cain.

Hebreos 1:1

Bëráma ca Nucën Papa Diosan nucën raracaman aín cushi ꞌunánan uisai cara aín uni ꞌiti ꞌicë quixun ꞌunánun, Nucën Papa Dios, an sinánmicë bana uni ñuixuncë unicamabë bananan namámiquin canan, bëtsi bëtsi ñu ismiquin canan, bëtsi bëtsi ñu ꞌaquinribi atu ismiacëxa.

Hebreos 3:2

Bëráma ca Jesús ucëma pain ꞌain, Moisésnën nucën raracaman cushi ꞌixun, Nucën Papa Diosan cacësabi oquin upí oquin ñu ꞌacëxa. Usaribi oquin ca Jesusan, aín Papan usaquin ꞌanun caíscë ꞌixun, an cacësabi oquin camabi ñu ꞌacëxa.

Hebreos 3:4

Ësa ca. Uisa ꞌaíshbi ca xubu abi uníma. Unin ꞌacëx cuni ca ꞌia. An ꞌacë uni ax ca aín ꞌibu ꞌicën. Usaribi oquian an Moisés ꞌimainun judíos unicama ainan ꞌitioquin mëníonan camabi menu ꞌicë ñucama unio ax ca Nucën Papa Dios ꞌicën.

Hebreos 8:5

—Jesucristo ax unicaman ꞌucha tërë́ncë ꞌinun bamax baísquitancëxun ca ënu ꞌëbë ꞌixun unicama ꞌë ñucáxunti ꞌicë —quixun sinánquin ca Nucën Papa Diosan bëráma Jesucristo ucëma pain ꞌain —Levitan rëbúnquinën ca tabernáculo xubunuxun judíos unicaman ꞌucha tërë́ncë ꞌinun ñuina rëxun xaroquin unicama ꞌë ñucáxunti ꞌicë —quixun mëníocëxa. Tabernáculo xubu ꞌati ñuiquin ca Nucën Papa Diosan Moisés “aín bashinuxun ꞌën mi ismicësabi oquin camina a xubu ꞌimainun anu ꞌicë ñucama ꞌati ꞌai” quixun cacëxa. Usa ꞌain cananuna ꞌunanin, Jesucristo aín nëtënu abë ꞌixun nu a ñucáxunti sinánquin ca judíos sacerdotenën tabernáculonu ꞌicë ñucama ꞌanun Nucën Papa Diosan mëníocëxa.

Hebreos 9:24

Ax ca tabernáculo, anua Nucën Papa Dios ꞌicë tanquian unin ꞌacë, anuma, anua Nucën Papa Dios ꞌicë anubi atsíancëxa, anuxuan nu Nucën Papa Dios ñucáxuncë anu.

Josué 1:15

Nukën ꞌIbun ꞌakinkëxuan atúnribi ainanbi ꞌitanun ꞌibuakin me binun atu pain ꞌakinti ꞌain. Usakin atu pain ꞌakintankëx kamina amiribishi Moisés Nukën ꞌIbun uni an mitsu ꞌinan mekama baka nëkë manan ꞌikë ënubi utankëxun mitsunanbi ꞌinun biti ꞌain.

Josué 1:2

ꞌËn kaisa uni Moisés ka ñuaxa, usa ꞌain kamina bërí min Jordán kakë baka kamabi Israel unikama shitákinbiani, a ꞌinánuxun ꞌën ká me a mitsu ꞌinánun kuanti ꞌain.

Josué 1:7

Usa ꞌain kamina ꞌën kakësabi oí rakuë́ti sinanima kushiti ꞌain, ꞌimainun kamina ꞌën uni Moisésnëan ꞌën kakëxun mitsu kuënëoxuan bana ashi tanti ꞌain. A banakama kikësokinbi ꞌakëbë ka kamabi min ꞌakë ñukamax upí ꞌiti ꞌikën.

Apocalipsis 15:3

Anuax ca Nucën Papa Dios rabi cantaxa. Moisés, an Nucën Papa Diosan cacësabi oquin ꞌá, a sinánan Carnero ꞌicësaribitia unin ꞌucha cupí bama, an Nucën Papa Dios cuëëncësabi oquin ꞌá, aribi sinani ca Nucën Papa Dios rabi cantaxa. Ësai quicë ca a canta ꞌiaxa: Minmi ꞌacë ñucamax ca upíira ꞌicën, unin sináncësamaira oquin sinánquin camina ñu ꞌacën. Mix camina Nucën ꞌIbu Dios ꞌain. Min cushix ca chaira ꞌaish bëtsi cushisama ꞌicën. Mix cushiira ꞌaish camina camabi menu ꞌicë unicaman ꞌApu ꞌain. Usa ꞌaish camina sinánñuira ꞌixun paránquinma atúxribia upí ꞌinun ꞌiminux atun ꞌApu ꞌain.