Hebreos 3:2 - Kashibo-Kakataibo Biblia

² Bëráma ca Jesús ucëma pain ꞌain, Moisésnën nucën raracaman cushi ꞌixun, Nucën Papa Diosan cacësabi oquin upí oquin ñu ꞌacëxa. Usaribi oquin ca Jesusan, aín Papan usaquin ꞌanun caíscë ꞌixun, an cacësabi oquin camabi ñu ꞌacëxa.

Nukën 'Ibu Diosan ain unikama 'inan ain bana

² Bëráma ca Jesús ucëma pain 'ain, Moisésnën nucën raracaman cushi 'ixun, Nucën Papa Diosan cacësabi oquin upí oquin ñu 'acëxa. Usaribi oquin ca Jesusan, aín Papan usaquin 'anun caíscë 'ixun, an cacësabi oquin camabi ñu 'acëxa.

Hebreos 3:2 ပူးပေါင်းရင်းမြစ်များ

Éxodo 40:16

Uisakin kara Nukën ꞌIbun kaia usakinbi ka kamabi ñu Moisésnën ꞌakëxa.

Números 12:7

usa ꞌaínbi kana ꞌën uni Moisés abëishi usai banaima ꞌëxbi abë banakin kana asérabi kain. Ax ka ꞌën uni raíri ꞌikësai ꞌima ꞌën kakësabi oi ꞌia,

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Juan 17:4

Mi ñuiquin unicama ñuixuanan cana minmi a ꞌanun quixun ënë menu ꞌë xuá ñucamaribi ꞌaquin sënë́on, minmi ꞌë cacësabi oquin.

Juan 7:18

Axa anbi sinanx banacë uni ax ca unían a rabinun quixun sinanishi banaia. ꞌAínbi ca an ñuiquin uni canun quixuan a xuá ashia unin rabiti cuëëncë uni an cuni cëmëquin uni paranima.

Juan 8:29

An ꞌë xuá ax ca ꞌëbë ꞌicën. ꞌËn axa cuëëncësabi oquin ꞌacë ꞌicë ca an ꞌëxbi ꞌinun ꞌë ëncëma ꞌicën.

Efesios 2:22

Mitsun ëmanu ꞌicë axa Jesucristomi catamëcë unicamabëribi ca aín uni raíribëa ꞌicësaribiti Nucën Papa Dios ꞌia, aín Bëru Ñunshin Upía aín unicamabë ꞌain.

Deuteronomio 4:5

ꞌËn kana mitsu usai ꞌiti ꞌimainun ax kikësai ꞌiti bana Diosan mitsu kanun ꞌë kakë banakama a ñuixuan, usa ꞌain kamina a menu tsóxun ax kikësokinbi ꞌakánti ꞌain.

1 Timoteo 1:12

Nucën ꞌIbu Jesucristonën ca ꞌën an cacësabi oquin ꞌati ꞌunánxun, aín bana ñuixunun caxun, usoquin ꞌanun ꞌë cushioxa. Usa ꞌain cana a ñucama sinánquin —asábi ca —quixun a cain.

Hebreos 2:17

Ësaquin nu ꞌaquinti cupí ax nusaribi uni ꞌixun, ñunshin ꞌatimanën ꞌapun tancëxun ꞌunánan paë tani tëmërati ꞌunan ꞌixun ca Jesusan aín unicama Nucën Papa Dios upí oquin ñucáxunia. Usa ꞌaish ca nun ꞌucha tërë́nux bamati cupí nusaribi uni ꞌiacëxa.

1 Samuel 12:6

Kakëxun ka Samuelnën kamabi Israel kama kakëxa: —Nukën ꞌIbu an ka kamabi ñu ꞌanun Moisés këñun ain xukë́n Aarón a rabë́ ꞌamiakëxa, usakin ꞌamikin ka nun chaitiokëkama Egipto menua chikínbëtsinkin bëakëxa.