Hebreos 3:1 - Kashibo-Kakataibo Biblia

¹ ꞌËn xucë́antu, mitsux ainanshi ꞌinun Nucën Papa Diosan ꞌimicë ꞌixun camina, Nucën Papa Diosan a ñuiquin unicama ñuixunun ënë nëtënu xuá ꞌixuan an aín unicama Nucën Papa Dios ñucáxuncë, Cristo Jesús, a uisa uni cara ꞌiacëxa quixun upí oquinra ꞌunánti ꞌain.

Nukën 'Ibu Diosan ain unikama 'inan ain bana

¹ 'Ën xucë́antu, mitsux ainanshi 'inun Nucën Papa Diosan 'imicë 'ixun camina, Nucën Papa Diosan a ñuiquin unicama ñuixunun ënë nëtënu xuá 'ixuan an aín unicama Nucën Papa Dios ñucáxuncë, Cristo Jesús, a uisa uni cara 'iacëxa quixun upí oquinra 'unánti 'ain.

Hebreos 3:1 ပူးပေါင်းရင်းမြစ်များ

Salmos 110:4

Nukën ꞌIbux ka sinanatëkëntima oi kiaxa, usa ꞌain ka kana ꞌaima kikínma asérabi kana ꞌati ꞌai kiaxa, Mix kamina sacerdote xënibua ꞌaínbi ꞌiti ꞌain, Melquisedec ꞌiásaribiti ꞌiti ꞌain.

Isaías 1:3

Vaca bënën ka aín ꞌibu ꞌunania, ꞌimainun ka burro bënën anuxua aín ꞌibun pimikë xubu ꞌunania; usa ꞌaínbi ka Israel unikaman ꞌën unibu ꞌixunbi an unio ꞌikëbi ꞌë ꞌunánima ꞌianan ꞌën kakëxunbi bana kuaisama tania.”

Isaías 41:20

usakin ꞌakë ka kamabi unin iskin ꞌunánti ꞌikën, ꞌimainun ka upíokin sinanan kuati ꞌikën, ꞌëx aín ꞌIbu ꞌixun ka ënë ñukama ꞌën kushínbi ꞌa kixun ꞌunánkanti ꞌikën, ꞌianan ka ꞌëx Israel unikaman Dios upíira ꞌixun kana usakin ꞌa kixun ꞌunankanti ꞌikën.”

Ezequiel 18:28

Usai ꞌika ꞌën kakësabiokin ꞌën bana kuakin, an ꞌakë ꞌatima ñukama ëni, asérabi upiti tsóti ñutima ꞌikën.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 20:21

Cuëënia ca amiribishi Jesusan atu cacëxa: —Chuámashirua ca ꞌican. ꞌËn Papan amia sinánun unicama ꞌaquinun ꞌë xuásaribi oquin cana ꞌëmia sinánunmi unicama ꞌaquinun mitsu xutin.

Juan 20:27

Atu catancëxun ca Tomásribi cacëxa: —Min mëcën rëbun ca ënu ticat, ꞌën mëcën rabë́ribi ca is. ꞌËn pichánpurunu min mëcën atsínmiquin ca tan. ꞌËx cana ama ꞌai quixun sinánxunma ca ꞌëx cana asérabi Jesús ꞌai quixun sinan.

Hechos 1:15

Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

Romanos 11:17

Ësa ca. I aín pëñan achúshi tëatancëxun bëtsi i aín pëñan anu tëacë anubi tacáshcacëx ca a i aín tapúnuaxa aín baca cuancë cupí aín pëñánsabi ꞌinun coti ꞌicën. Usaribi camina mitsux ꞌain. Judíos unicama Nucën Papa Diosan bana ꞌunáncë ꞌaíshbi Cristomi catamëisama tancë ꞌaish ca i pëñan tëacësa ꞌicën. Usa ꞌimainun camina mitsux judíosma uni ꞌaíshbi Cristomi catamëcë ꞌaish bëtsi i aín pëñan anua tëacë anu tacáshcacësa ꞌain.

Romanos 15:27

Judíos unibunën ñuixuncë cupí ca judíosma unibunën Nucën Papa Diosan bana cuacëxa. Usa ꞌain ca judíosma unibunën judíos unibu ꞌaquinti asábi ꞌicën. Usaquin sinani cuëënquin ca ñuñuma ꞌaísha ax Jerusalénuax Jesucristomi catamëcë unicaman binun buánmiti atun curíqui mësú ꞌinánxa.

Romanos 15:8

ꞌËn cana mitsu cain, Cristo ax ca Nucën Papa Diosan atun raracama cásabi oquin ënë menu judíos unibu ꞌaquini uacëxa, judíos unicaman Nucën Papa Diosan ca aín quicësabi oquin ꞌaia quixun ꞌunánun.

Romanos 9:24

Raírinëxa judíos uni ꞌimainun raírinëxribi judíosma uni ꞌicëbi ca Nucën Papa Diosan ainan ꞌinun nu ꞌimiaxa.

1 Corintios 1:2

Mitsúxmi Corinto ëmanuax Jesucristomi catamëcë ꞌicë, cana cuënëoxun ënë quirica mitsu buánmin. Mitsux Cristo Jesúsmi catamëcë ꞌaish camina Nucën Papa Diosnan ꞌain. An ca ax cuëëncësabi oíshi ꞌinun mitsu caísacëxa. Camabi menu ꞌicë unicama, an Nucën ꞌIbu Jesucristo aín ꞌuchacama tërë́nxunun quixun ñucácë, a unicama usai ꞌinun caíscësaribi oquin ca Nucën Papa Diosan mitsu caísacëxa. Jesucristo ax ca a unicaman ꞌIbu ꞌianan nun ꞌIburibi ꞌicën.

1 Corintios 10:17

ꞌItsa uni ꞌixunbi cananuna camaxunbi a pán piquin, —nux cananuna camáxbi Cristonan ꞌaish achúshisa ꞌai —quixun sinanin.

1 Corintios 9:23

Jesucristomi catamëtia Nucën Papa Diosan ainan ꞌinun ië́minun cana unicama bana ñuixunin, Jesucristomi catamëcëbë atubë cuëënuxun.

2 Corintios 1:7

Cananuna ꞌunanin, nux ꞌicësaribiti mitsux masá nuituti tëmëraibi camina Nucën Papa Diosan upí oquin sinánmicë ꞌain. Usa ꞌain cananuna, uisa ñu cara ꞌicëbëbi camina Jesucristomi catamëquin ënima quixun sinani, masá nuitutíma cuëënin.

2 Corintios 9:13

Usoquin mitsun ꞌaquincëxun ca a unicaman —mitsun camina Cristonan ꞌixun aín cuëëncësabi oquin ꞌai —quixun sinánquin Nucën Papa Dios rabiti ꞌicën. Rabianan ca mitsun camina atu ꞌimainun uni raíriribi ñonquinma ñu ꞌinani quixun sinánquin Nucën Papa Dios —asábi ca —cati ꞌicën.

Efesios 3:6

Unin ꞌunánma ꞌaínbi ca a bana ësai quia, judíos unicama ꞌicësaribiti ca judíosma unicama, Cristo Jesús bama cupí ami catamëti Nucën Papa Diosan uni ꞌianan abë aín nëtënu ꞌiti ꞌicën, ax quiásabi oi.

Efesios 4:1

Usa ꞌain cana ꞌëx ainan ꞌixun Nucën ꞌIbu Jesucristo ñuiquin bana ñuixuncë cupí sipuacë ꞌixun mitsu cain, an caíscë aín unicamaxa usai ꞌiti oquian Nucën Papa Diosan mënóisabi oi camina ax cuëëncësabi oíshi ꞌiti ꞌain.

Efesios 4:4

Jesucristonan ꞌaish ca aín unicama achúshisaishi ꞌicën. An atu ꞌaquincë Nucën Papa Diosan Bëru Ñunshin Upí ax ca achúshishi ꞌicën. Usa áin ca bëtsin ꞌunáncësaribi oquin aín unicaman ꞌunania, Nucën Papa Diosan ca aín nëtënu abë ꞌinun nu caísacëxa quixun.

Filipenses 3:14

Usoquin ꞌatancëxun cananuna uisaira caranuna aín nëtënu abë ꞌaish asérabi asaribi ꞌiti ꞌai quixun isti ꞌain. Isanan cananuna uisaira oquin cara Cristo Jesúsnan ꞌicë Nucën Papa Diosan nu ꞌimiti ꞌicë quixun isti ꞌain.

Colosenses 1:12

Usoquin cananuna uisaira oquin cara aín unicama cuëënmiti ꞌicë quixun ꞌunánquinmi mitsun a —asábi ca —canun, Nucën Papa Dios mitsu ñucáxunin.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

1 Tesalonicenses 2:12

Mitsúxmi Nucën Papa Dios, axa upíira, ax mitsubë ꞌain, aín nëtë upí anu abë ꞌiti sinani, an sinánmicësabi oíshi aín uni ꞌaish ꞌinun quixun cananuna mitsu upí oquin ꞌësëquin ꞌunánmian.

1 Tesalonicenses 5:27

Nucën ꞌIbu Jesucristonën uni ꞌixun cana an ꞌë sinánmicësabi oquin mitsu cain, ënë quirica camina axa ami catamëcë unicaman cuanun ñuixunti ꞌain.

2 Tesalonicenses 1:11

Usai ꞌiti cupía ainan ꞌinun caíscë ꞌixun usai ca aín uni ꞌiti ꞌicë quixun an sináncësabi oi ꞌinun mitsu ꞌiminun cananuna Nucën Papa Dios mitsu nëtë camabi ñucáxunin. Ñucáxuanan cananuna ax cuëëncësabi oquinmi mitsun upí ñu ꞌaisa tancë acama ꞌanan ami catamëtia an mitsu sinánmicëxunmi upí oquin ꞌanun aín cushínbi mitsu cushionun quixun a ñucatin.

2 Tesalonicenses 2:14

Nucën Papa Diosan ca nun nu —Jesucristomi catamëti ca uni ainan ꞌiti ꞌicë —quixun aín bana ñuixuncëxmi ami catamëti, asaribi upí ꞌaish aín nëtënu abë ꞌinun mitsu caísaxa.

1 Timoteo 6:12

Ñunshin ꞌatimanëan ꞌatimamitisa tancëxunbi tënëquin camina Nucën Papa Diosmi catamëcë ꞌixun ax cuëëncësabi oquinshi ñu ꞌati ꞌain. Usoquin ꞌatancëxmi xënibua ꞌaínbi aín nëtënu abë ꞌinun ca an mi caísacëxa. Asérabi cana ꞌëx usai ꞌi quiax camina ꞌitsa unían cuamainun quiacën.

1 Timoteo 6:2

A rabëtaxbi Jesucristomi catamëcë ꞌixun ca an uni ñu mëëxuncë unin —an ë ñu mëëmicë uni cana upí oquin ñu mëëxunima —quixun sinántima ꞌicën. Usai ꞌiquinma ca an ñu mëëmicë uni axa Jesucristomi catamëcë ꞌaish aín nuibacë xucë́nsa cupí, bëtsi uni ꞌacësamaira oquin ñu mëëxunti ꞌicën. Usai ꞌinun camina camabi uni ñuixunquin ꞌunánmiti ꞌain.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

2 Timoteo 2:7

ꞌËn mi cacë banacama ënë camina upí oquin sinánti ꞌain. Sinania ca Nucën ꞌIbu Jesucristonën upí oquinmi cuanun mi ꞌunánmiti ꞌicën.

Hebreos 10:19

ꞌËn xucë́antu, Jesucristo aín imi ꞌapati bama cupí nun ꞌuchacama tërë́ncë ꞌianan Nucën Papa Diosnan ꞌaish cananuna —Cristo cupí ca Nucën Papa Diosan nux banaia cuati ꞌicë —quixun sinani racuëtima abë banati ꞌain.

Hebreos 10:21

An Nucën Papa Diosan unicama a ñucáxuncë ax ca Jesús ꞌicën.

Hebreos 10:23

—Nucën Papa Diosan ca aín quicësabi oquin nu upí ꞌimianan nux aín nëtënu abë ꞌinun ꞌimia —quixun ꞌunánquin cananuna asérabi ami catamëquin aín bana ënquinma an nu cacësabi oquin ꞌaquin bëtsi uniribi —Nucën Papa Diosan ca ax quicësabi oquin, usoquin nu ꞌaquinia —quixun ñuixunti ꞌain.

Hebreos 13:22

ꞌËn xucë́antu, ꞌën mitsu ꞌësëquin, ꞌitsamashi cuënëoxuncë banacama ënë camina upí oquin sinánquin cuati ꞌain.

Hebreos 2:11

Jesús, an aín unicama Nucën Papa Diosan iscë́xa upí ꞌinun ꞌimicë a ꞌimainun an usaquin ꞌimicë unicama, acaman Papa ca Nucën Papa Dios ꞌicën. Usa ꞌain ca Jesús aín unicama sinani rabinima, atux ca ꞌën xucë́antu ꞌicë quia,

Hebreos 2:17

Ësaquin nu ꞌaquinti cupí ax nusaribi uni ꞌixun, ñunshin ꞌatimanën ꞌapun tancëxun ꞌunánan paë tani tëmërati ꞌunan ꞌixun ca Jesusan aín unicama Nucën Papa Dios upí oquin ñucáxunia. Usa ꞌaish ca nun ꞌucha tërë́nux bamati cupí nusaribi uni ꞌiacëxa.

Hebreos 3:12

ꞌËn xucë́antu, mitsúxribimi usai ꞌitima cupí camina bërúancati ꞌain, ꞌatimaquin sinánquin Nucën Papa Dios, axa bamatimoi tsócë, a ami catamëquinma ëntin rabanan.

Hebreos 3:14

Anun nux aín nëtënu ꞌiti nëtë sënë́ntamainun cananuna ami catamëtabatínu ꞌiásabi ꞌi ami catamëti ꞌain. Usai ꞌi cananuna camabi nëtën Cristobë ꞌain.

Hebreos 6:20

Cristo axa anua Nucën Papa Dios ꞌicë anu ꞌain cananuna nuxribi anu abë ꞌiti ꞌain. Ax ca nëtë́timoi xënibua ꞌaínbi usabi sacerdotenën cushicaman ꞌapu ꞌaish, an aín unicama Nucën Papa Dios ñucáxunti a ꞌicën, Melquisedec ꞌiásaribiti.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

Hebreos 7:28

Usa ꞌain ca Moisésnën cuënëo bana quicësabi oi Levitan rëbúnqui, ꞌuchañu ꞌaíshbi an judíos unicama Nucën Papa Dios ñucáxunti ꞌia. Usa ꞌaínbi ca an Moisés ꞌinan bana xënibucëbëtan, Nucën Papa Diosan sinanatëcëntimoquin caquin, aín Bëchicë Jesús, axa asérabi ꞌuchañuma ꞌiá ꞌaish usabi ꞌuchañuma ꞌia, an aín unicama a ñucáxunun ꞌimiacëxa.

Hebreos 9:11

Usa ꞌain ca Cristo ënë menu uá ꞌaish anu Nucën Papa Dios ꞌicë, anu cuantëcëancëxa. Ënë menuax cuantëcëan ꞌaish ca anua Nucën Papa Dios ꞌicë, anu ꞌicë sacerdote, an Nucën Papa Dios nu ñucáxuncë, a ꞌicën. Anu ax sacerdote ꞌicë ax unin ꞌacëma ꞌaish ca ënë nëtënu ꞌicë tabernáculosamaira ꞌicën.

Hebreos 9:15

Usa ꞌain ca Nucën Papa Dios quiásabi oi, an Cristomi catamënun sinánmicë unicama xënibua ꞌaínbi abë ꞌinun Cristo bamacëxa. An Moisésnën cuënëo bana cua nucën raracaman ꞌucharibi ca Cristo bama cupí, tërë́ncë ꞌicën. Usa ꞌain ca Moisésnën cuënëo bana ꞌiásama Cristo ñui quicë bana ꞌicën.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Pedro 3:5

Usairibi ca an Nucën Papa Dios cuëëncësabi oquin ꞌaisa tancë xanucamaxribi ꞌiacëxa. Nucën Papa Diosmi catamëanan aín bana cuaquin ca aín bënë quicësabi oquin ꞌacëxa.

1 Pedro 5:1

Axa Jesucristomi catamëcë unin cushicamasaribi cana ꞌëx ꞌain. Usa ꞌixun cana atúan ꞌacësaribi oquin Cristo camabi unin ꞌucha cupía tëmëra, a ñuiquin bana ñuixunin. ꞌAnan cana atúxa ꞌicësaribiti Cristo utëcëncëbë aín nëtënu abë ꞌiti sinanin. Usa ꞌixun cana axa Jesucristomi catamëcë unin cushicama mitsu ësaquin cain:

1 Pedro 5:10

Usabi ꞌinúxmabimi tëmëracë ca Nucën Papa Diosan mitsu cushioquin Jesucristosaribi upí ꞌinun mitsu ꞌimianan —aín bana quicësabi oi cana asérabi ꞌiti ꞌai —quixun ꞌunani ami cushinun mitsu ꞌimiti ꞌicën. Ax ca an mitsu nuibaquin ꞌaquincë ꞌianan Jesucristonan cupí abë́mi xënibua ꞌaínbi upitax ꞌinun caíscë a ꞌicën.

1 Juan 1:3

Nuxnu asérabi Nucën Papa Dios ꞌimainun aín Bëchicë Jesucristobë upí ꞌicësaribitimi mitsúxribi nubë Jesucristomi upiti sinánun quixun cananuna nun nu isanan cuacë, ënë ñucama mitsu ñuixunin.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

Apocalipsis 18:20

Usai quianan ca ësairibi quiaxa: —Aín unicama paë tanmiquin tëmëramicë, a cupíquin ca Nucën Papa Diosan Babilonianu ꞌicë unicama cëñuaxa. Usaquin ꞌan ca naínu ꞌicëcama, ꞌimainun an aín bana ñuixunun Jesusan caíscë unicama, ꞌimainun an Nucën Papa Diosan bana uni ñuixuncë unicama, ꞌimainun axa ami catamëcë aín unicama, camáxbi cuëënti ꞌicën.