Hebreos 2:9 - Kashibo-Kakataibo Biblia

⁹ Usa ꞌaínbi cananuna Jesús ꞌunanin. A ca Nucën Papa Diosan, usabi ꞌinuxmabi ënë menu uni ꞌaish ángelcama meura ꞌinun xuacëxa. Unicama nuibaquian Nucën Papa Diosan sinánsabi oi ca ax camabi unin ꞌucha cupí bamacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa.

Nukën 'Ibu Diosan ain unikama 'inan ain bana

⁹ Usa 'aínbi cananuna Jesús 'unanin. A ca Nucën Papa Diosan, usabi 'inuxmabi ënë menu uni 'aish ángelcama meura 'inun xuacëxa. Unicama nuibaquian Nucën Papa Diosan sinánsabi oi ca ax camabi unin 'ucha cupí bamacëxa. Usa 'icëbi ca paë tani bamacë cupí baísquimitancëxun Nucën Papa Diosan aín nëtënu abë 'Apu 'inun 'imiacëxa. Usa 'icëbi ca paë tani bamacë cupí baísquimitancëxun Nucën Papa Diosan aín nëtënu abë 'Apu 'inun 'imiacëxa.

Hebreos 2:9 ပူးပေါင်းရင်းမြစ်များ

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Isaías 11:1

Ësai ka Dios kiakëxa, Jesénën rëbúnki achúshinuax ka i mo kótëkëni kanikë usaribi ꞌitánun achúshi uni mërati ꞌikën, usa ꞌi ka aín tapunuaxi kookësa ꞌi mërati ka ax ꞌapu ꞌiti ꞌikën.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Mateo 6:28

Usaribi oquin camina añu chupa caramina pañuti ꞌai quixun sinani masá nuitutima ꞌain. Camina isti ꞌain, ro uacama ax ca ñu mëëanan chupa onuxun risi oímabi upíira upí ꞌicën.

Marcos 9:1

Jesusan ca ësaquinribi cacëxa: —Asérabi cana mitsu cain, axa ënu ꞌëbë ꞌicë uni raírinën ca bamacëma pain ꞌixun, ꞌëmi catamëtia ainan ꞌimicëxun, Nucën Papa Dios ca asérabi atun cushi ꞌicë quixun isti ꞌicën. Nucën Papa Diosan cushínbi ca usai ꞌiti ꞌicën.

Lucas 9:27

Usa ꞌaínbi cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun ꞌëmi catamëtia ainan ꞌimicëxun, Nucën Papa Dios ca asérabi atun cushi ꞌicë quixun isti ꞌicën.

Juan 1:29

Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin ꞌucha cupí carnero bamati ꞌaínbia ax bamacë cupí Nucën Papa Diosan camabi unin ꞌucha tërë́nti a ꞌicën.

Juan 10:17

Baísquitëcëanx tsónux ꞌëx bamatsianxmabi bamati cupí ca ꞌën Papan ꞌë nuibatia.

Juan 12:32

ꞌËx unin i curúsocënu matáscë ꞌitancëxun cana camabi menu ꞌicë uni ꞌëmia sinánun ꞌimiti ꞌain.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Juan 8:51

Asérabi cana ꞌën mitsu cain, an ꞌën bana cuacë uni ax ca xënibua ꞌaínbi Nucën Papa Diosbë ꞌia.

Juan 8:52

Quixuan cacëxun ca judíos unicaman Jesús cacëxa: —Bërí cananuna upí oquin ꞌunanin, mix camina ñunshin ꞌatimañu ꞌai quixun. Abraham ꞌimainun an Nucën Papa Dios quicë bana uni ñuixuncë unicamaxribi ca bamacëxa. Usa ꞌaínbi camina mix quin, an min bana cuacë unix isa xënibua ꞌaínbi ꞌiti ꞌicë quiax.

Hechos 2:33

A ca Nucën Papa Diosan abë ꞌApu ꞌiti aín cushínbi baísquimiquin an cásabi oquin aín Bëru Ñumshin Upí ꞌinánxa. Usa ꞌain ca ami mitsun isanan cuacë ñucama, ënëx aín Bëru Ñumshin Upitan ꞌimicëx ësai ꞌia.

Hechos 3:13

Usama ca. Nucën Papa Dios, aira nucën rara Abraham, Isaac, Jacob acama ꞌimainun nucën raracama ꞌimainun nucën chaitiocëcaman rabia, an ca aín Bëchicë Jesús asaribi cushi ꞌinun ꞌimiaxa. Usa ꞌicëbi camina uni isa ꞌaminun quixun mitsun ꞌapucama ꞌináncan. ꞌInáncëa Pilatonën ëinsa tancëbëbi camina mitsux cuëëncëma ꞌain.

Romanos 5:18

Ënëx ca ësa ꞌicën. Adán cupía camabi uni ꞌuchocë ꞌaínbi ca Nucën ꞌIbu Jesucristonën bamaquin camabi uníxa ꞌuchocëma ꞌianan Nucën Papa Diosnan ꞌinun mëníocëxa.

Romanos 5:8

Usa ꞌaínbi ca Nucën Papa Diosan nuxnu ꞌuchañu ꞌicëbi nu nuibaquin nun ꞌucha tërë́nuxa Cristo bamanun mëníocëxa. Usaquian mënío sinánquin cananuna ꞌunanin, uisaira oquin cara nu nuibatia quixun.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

Romanos 8:32

An ca —ꞌën Bëchicë ca bamatima ꞌicë —quiquinma nun ꞌuchacama cupía bamanun ënë nëtënu aín Bëchicë xuacëxa. Usa ꞌixun ca aín Bëchicë cupínu nux upitax tsónun nu ꞌimianan anun nu upitax tsóti ñucamaribi nu ꞌinánti ꞌicën.

2 Corintios 5:15

Aín unicamaxa ënë nëtënuax atux cuëëncësa oi ꞌima, ax cuëëncësabi oi ꞌinun ca Cristo, axa atu cupí bamatancëx baísquia, ax camabi unin ꞌucha cupí bamacëxa.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

1 Timoteo 2:6

Camabi uníxa aín ꞌucha tërë́ncë ꞌaish Nucën Papa Diosnan ꞌinun ca ꞌitsianxmabi bamacëxa. Usai ca ꞌiacëxa quixun ca aín unicaman Nucën Papa Diosan mëníosabi oquin unicama ñuixunia.

Hebreos 1:9

Unían upí ñuishi ꞌati cuëëanan camina atúan ꞌaisa tancë ꞌatima ñu a cuëëncëma ꞌain. Usa ꞌicë cana ꞌëx Dios ꞌaish min Dios ꞌixun, unicama ꞌimainun ángelcamaribi ꞌacësamaira oquin, cuëëinra cuëënun mi ꞌimian.

Hebreos 10:5

Usa ꞌain ca Cristonën ënë nëtënu uquin aín Papa Dios ësaquin cacëxa: Ñuina unin rëxun xaroti cuëënquinma camina ꞌëx uni ꞌaish unicaman ꞌucha cupí bamati mëníon.

Hebreos 11:5

Ënë́nsaran nëtë́nma ca Enoc cacë uni, amia catamëcë cupía anun Nucën Papa Dios cuëëncë ꞌiacëxa. Usa ꞌicë ca ënë menuax bamaima aín nëtënu ꞌinun Nucën Papa Diosan buáncëxa. Buáncë ca unin mërama ꞌicën. Usoquin buáncëma pain ꞌaish ca Nucën Papa Dios Enocnën cuëëancëxa quiax ca aín bana cuënëo quia.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Hebreos 2:7

Min camina usabi ꞌinuxmabia ángelcamabë sënë́nmara ꞌinun uni ꞌimiacën. Usa ꞌimiquinbi camina minan ꞌaísha mibë xënibua ꞌaínbi ꞌitioquin ꞌimianan min unio ñucamaribi ꞌibuamiacën.

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.

Hebreos 8:3

An unicaman ꞌucha Nucën Papa Diosan tërë́nun ñuina rëcë xaronux ca sacerdotenën cushicaman ꞌapu an Nucën Papa Dios aín unicama ñucáxuncë ꞌia. Usaribiti ca Jesús unicaman ꞌucha tërë́ncë ꞌinun ñuina rëtíma, a cupía unicaman ꞌucha tërë́ncë ꞌinun bamatsianxmabi bamacëxa.

1 Pedro 1:21

Usa ꞌain camina an Jesucristo bamacëbi baísquimitancëxun aín nëtënu abë ꞌinun ꞌimicë cupí ami sinanin, Nucën Papa Dios an ca asérabi ax quicësabi oquin mitsu ꞌimiti ꞌicë quixun ꞌunani.

1 Juan 2:2

Jesucristo axa bama cupí ca nun ꞌuchacama tërë́ncë ꞌicën. Nunanshima camabi unin ꞌuchacamaribia tërë́ncë ꞌinun ca Jesucristo bamacëxa.

Apocalipsis 19:12

Aín bëru rabë́ ca tsi rëquirucë ënxáira iscësa ꞌiaxa. Axa asérabi ꞌapuira ꞌain ca ꞌapun mañuti ꞌitsaira aín maxcánu ꞌiaxa. Aín anë cuënëocë ꞌicë ca uinu ꞌicë unínbi uisai quicë cara a ꞌicë quixun ꞌunántima ꞌicën, ainshi ca ꞌunania.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.