Hebreos 2:3 - Kashibo-Kakataibo Biblia

³ ¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.

Nukën 'Ibu Diosan ain unikama 'inan ain bana

³ ¿Asérabi usa 'ain caranuna nux —Jesucristomi catamëtia uni Nucën Papa Diosnan 'inun ië́ti bana a cuatíbi, a bana quicësabi oi 'icëma 'aish uisa tancëx ië́ti 'ain? A bana anun nun 'ucha tërë́ncë 'aish Nucën Papa Diosnan 'inux ië́ti, a ca Nucën 'Ibu Jesucristonën pain unicama ñuixuancëxa. Usa 'ain ca an cuacë uni raírinën, a bana ca asérabi 'icë quixun 'unánquin, nuribi 'unánmiacëxa.

Hebreos 2:3 ပူးပေါင်းရင်းမြစ်များ

Mateo 23:33

ꞌAtima ꞌixun uni paráncë ꞌaish camina mitsux runu an uni picë asa ꞌain, mitsun raracama ꞌiásaribiti camina ꞌin. Mitsúxmi usai ꞌicë cupí ca Nucën Papa Diosan asérabi mitsux bamaia anuaxmi tëmërati manë tsinu mitsu ꞌimiti ꞌicën.

Mateo 4:17

Bana ñuixuntabaquin ca Capernaúm ëmanu ꞌixun Jesusan anu ꞌicë unicama ësaquin cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca ami sináncë ꞌaíshmabi sinanati ami sinan. Usaquian anuxun bana ñuixunquin cacësabi oquin ca Jesusan ꞌitsa oquin a bana unicama ñuixuancëxa.

Marcos 1:14

Juan, an uni nashimicë, a sipuacë ꞌain ca Jesusan Galilea menu cuantëcënquin —aín ꞌucha tërë́ncë ꞌaish ca uni Nucën Papa Diosnan ꞌiti ꞌicë —quixun upí bana ñuibiancëxa.

Lucas 1:69

An ca cushiira ꞌixuan an nu ië́miti axa unun mëníoxa. Ax ca an Nucën Papa Dios rabia David, aín rëbúnqui ꞌiti ꞌicën.

Lucas 24:19

Quixuan cacëxun ca Jesusan cacëxa: —¿Añu ñui cara quicanx? Quia ca cacëxa: —Nazaretnu ꞌicë Jesús, a ñui ca quicanxa. An ca Nucën Papa Dios ꞌimainun unicamanribi iscëxun upí oquin Nucën Papa Dios quicë bana uni ñuixuanan aín cushínbi uni itsin ꞌacëma ñu ꞌaxa.

Juan 15:27

Mitsúnribi camabi nëtën ꞌëbë ꞌixun ꞌën bana ñuixunia cuanan ꞌën ñu ꞌaia iscë ꞌixun camina ꞌë ñuiquin uisa carana ꞌëx ꞌai quixun unicama ꞌunánmiti ꞌain.

Hechos 1:22

Usa ꞌaish ca atux Juanëan nashimia ꞌaísha ax naínu cuantamainun nubë ꞌiaxa. Usa cupí ca a unicama achúshinëxa Jesús ax ca bamatancëx baísquitëcëanxa quixun nun ꞌacësaribi oquin unicama ñuixunux nubë birananti asábi ꞌicën.

Hechos 2:22

Usaquin canan ca Pedronën ësaquinribi cacëxa: —Israel unicama, ꞌën mitsu camainun ca cuat: Jesús Nazaretnu ꞌicë, an ca Nucën Papa Diosan ꞌamicëxun mitsúnmi ismainunbi, ax ca Nucën Papa Diosnuax uá ꞌicë quixuan unicaman ꞌunánun, uni itsían ꞌacëma ñuira ꞌaxa. An ꞌacë ñucama camina mitsun ꞌunan.

Hechos 4:12

Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

Romanos 11:14

ꞌËn bana ñuixuncëxun judíosma unibunën cuatia isía ꞌën aintsi judíos unicamaxribi Cristomi catamëti ië́ti cana cuëënin.

Romanos 2:3

¿Bëtsi unimi, an ca ñu ꞌaisama ꞌaia quiax manánquinbi minribi usaribi oquin ñu ꞌacëbi ca Nucën Papa Diosan a unishi ꞌuchonan mi ꞌuchotima ꞌicë quixun caramina sinanin? Usama ca.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

1 Tesalonicenses 5:3

Axa Jesucristomi sináncëma unicamaxa: “Chuámashi cananuna bucuin, uisa ñunbi ca nu uisotima ꞌicë” quicëbëbi ca anúan cëñúcanti nëtë atun sináncë ꞌaímabi unuxun ꞌaia. Xanu tuñunën ca anúan ax bacë́nti nëtë sënéncëbëtan paë taníma ꞌima. Usaribiti ca axa usai banacë unicama anúan cëñúti nëtëa ucëbë ië́tima ꞌicën.

1 Timoteo 1:15

Ënë banax ca asérabi ꞌicën. Usa ꞌain ca camabi unin —asérabi ca —quixun ꞌunánti ꞌicën: Camabi uni aín ñu ꞌaisama ꞌacë cupía tëmërati ꞌicëbi Nucën Papa Diosnan ꞌinun ië́minux ca Cristo Jesús ënë menu uacëxa. Uni itsi ꞌicësamairai ꞌuchacë ꞌicëbi ca ainan ꞌinun ꞌë ië́miacëxa.

Tito 2:11

Nucën Papa Diosan ca camabi uni nuibaquin ꞌaquinquin abëa upí ꞌinun ꞌiminuxun aín Bëchicë ënë menu xuacëxa, unían uisaira oquin cara an atu nuibatia quixun ꞌunánun. Usa ca Nucën Papa Dios ꞌicë quixun ꞌunáncë ꞌixun camina ꞌën mi cacësabi oquin unicama ꞌunánmiti ꞌain.

Hebreos 1:1

Bëráma ca Nucën Papa Diosan nucën raracaman aín cushi ꞌunánan uisai cara aín uni ꞌiti ꞌicë quixun ꞌunánun, Nucën Papa Dios, an sinánmicë bana uni ñuixuncë unicamabë bananan namámiquin canan, bëtsi bëtsi ñu ismiquin canan, bëtsi bëtsi ñu ꞌaquinribi atu ismiacëxa.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 1:2

Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.

Hebreos 12:25

Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.

Hebreos 4:1

Usa ꞌain cananuna Nucën Papa Diosan ainan ꞌinun nu ꞌimiti nëtë inúcëma ꞌaínshi, ainan ꞌiti sinánti ꞌain. Mitsu raírinëxmi Nucën Papa Diosnanma ꞌitin rabanan camina bërúancati ꞌain.

Hebreos 4:11

Nucën Papa Diosan atu ñuixuncë menu bëbáma unicama usaribiti nuxribi ami catamëcëma ꞌitin rabanan cananuna ainan ꞌaish upí oquin sinani ami catamëquin ëníma bërúancati ꞌain.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

1 Juan 1:1

Ënë mecama unioisama ꞌaínbia aín Papabë ꞌiá axa ënë menu uá, a ñuiquin cananuna ënë quirica mitsu cuënëoxunin. A cananuna aín bana cuanan nun bërúnbi isacën. Nun bërúnbi ñachaquin isanan cananuna nun mëcënanribi ramëacën. Ax bamatimoi tsócë ꞌixuan aín unicamaribi abë ꞌinun ꞌimicë, a ñuiquin cananuna mitsu cain.

Judas 1:17

ꞌËn nuibacë xucë́antu, a unicamaxa usa ꞌaínbi camina mitsun, Nucën ꞌIbu Jesucristonëan aín bana ñuixunun caíscë unicaman mitsu ñuixuan banacama, a manuquinma sinánti ꞌain,

Apocalipsis 7:10

Usa ꞌaish ca camáxbi munuma banai quiaxa: Anu ꞌApuira tsóti, axa anu tsócë Nucën Papa Dios, an ca Carnero ꞌicësaribitia unin ꞌucha cupí bama, a cupí nun ꞌuchacama tërë́nquin xënibua ꞌaínbi ainan ꞌinun nu ië́miaxa.