Hebreos 2:1 - Kashibo-Kakataibo Biblia

¹ Usa ꞌain cananuna Nucën Papa Diosan Bëchicë ñui quicë bana a upí oquinra bëmë́quin cuati ꞌain, a bana manuquinma ax quicësabi oquin ꞌanuxun.

Nukën 'Ibu Diosan ain unikama 'inan ain bana

¹ Usa 'ain cananuna Nucën Papa Diosan Bëchicë ñui quicë bana a upí oquinra bëmë́quin cuati 'ain, a bana manuquinma ax quicësabi oquin 'anuxun.

Hebreos 2:1 ပူးပေါင်းရင်းမြစ်များ

Habacuc 1:6

Usa ꞌain kana caldeo unikama ꞌakanani unun ꞌimiti ꞌain atux ka ñu ꞌaisama ꞌakëbuira ꞌaish ñu ꞌaisama atishi ꞌikën, usa ꞌain kana atu ënti ꞌain, atun suntárukamax ka bëtsi bëtsi menu kuankin, ainamabi bëtsi unikaman me ꞌibuakin bikë unibu ꞌikën.

Habacuc 2:16

Usa ꞌaish kamina usa ka kixun bëtsin rabikëxma katë́kanti ꞌain, Diosan ka mitsu bëtsi unikamami ꞌakësa usakinbi ꞌati ꞌikën, usakin ꞌakin ñu muka xëax ꞌikësai chupañuma ꞌikë ka mitsun, nëtokë ñu rëbu tëakëma a iskanti ꞌikën, usakin ꞌakëx kamina mitsux rabinkëma ꞌaish bëtsi unikamasashi ꞌiti ꞌain.

Mateo 16:9

¿ꞌËn ñu ꞌaia isúnbi caramina ui carana ꞌëx ꞌai quixun ꞌunaniman? ¿Caramina ꞌën unicama pimiami iscancë a manuan? ¿Ën mëcën achúshi pán pimicëxuan cinco mil unin tëxëocë, mëcën rabë́ ꞌimainun rabë́ caquí buácaquin bixunbi caramina sinaniman?

Marcos 8:18

¿Bëruñuxunbi caramina isiman? ¿Anun cuati pabíñuxunbi caramina mitsun nuitunën sinánquin upí oquin cuatiman?

Lucas 8:15

Me upínua ñu bëru nipacëcë, usaribi ca raíri uni ꞌicën. A unicamax ca Nucën Papa Diosan bana asérabi cuacë ꞌixun aín nuitunubi racanaquin upí oquin sinánquin, uisai cara ñu ꞌicëbëtanbi ënquinma a bana quicësabi oquin ꞌaia. Atux ca ñu bëru me upínu nipacëax cotancëx canitancëxun tuaia ꞌaisamaira bimiñu usaribi ꞌicën.

Lucas 9:44

—Camina upí oquin cuati ꞌain. Cuaquin camina mitsun uisa ꞌixunbi manutima ꞌain, uni ꞌinux Nucën Papa Diosnuax uá ꞌë ca unin an raíri uni ꞌaminun uni ꞌinánti ꞌicën.

Juan 8:59

Usaquian cacëxuan judíos unicaman anun ꞌacatsi quixun maxax bicëbëbi ca Jesús uni xanpë́scabiani, anuxun Nucën Papa Dios rabiti xubunuax cuancëxa.

Deuteronomio 4:23

ꞌAínbi kamina anu kuantankëxun Diosan mitsubëtan achúshi ñu ꞌakë a manutima ꞌain. Manukin kamina a rabinuxun ñu unionan uisa ñubi tankin Diosan a ꞌaxuma ꞌanun mitsu kakë a ꞌatima ꞌain,

Deuteronomio 4:9

Usa ꞌain kamina mitsu ꞌakinkia Diosan ꞌaia iskë ñukama, uinsaranbi manukinma abi sinánkin; mitsun bakë bëchikë ꞌimainun mitsun babakamaribi ñuixunti ꞌain.

Hebreos 12:5

¿A bana mitsúxmi aín bëchicë ꞌicëa ꞌësëquin Nucën Papa Diosan cacë a caramina manuan? ësai quicë: ꞌËn bëchicë ꞌicë cana mi cain, Nucën ꞌIbu Diosan ca an nuibacë unicama ꞌixunbia ñu ꞌatima ꞌaia oquin amiribishi ꞌatëcënxunma ꞌanun quixun ꞌunánmiquin uisoquin cara ꞌati ꞌicë usoquin ꞌaia. Uicama cara aín bëchicë ꞌinun ꞌimiaxa acama ca usoquin ꞌaia. Usa ꞌain camina ñu ꞌaisama ꞌaia Nucën ꞌIbu Diosan mi uisa cara mi ocëxbi aín bana cuaisama tani bënë́tima ꞌain. ꞌIanan camina masá nuituti sináncasmaquin, uisai carana ꞌiti ꞌai quixun sinántima ꞌain.

2 Pedro 1:15

ꞌËx bamacëbëtanmi ënquinma usabi oquin ꞌanun quixun cana ënë banacama mitsu cuënëoxunin.

2 Pedro 3:1

ꞌËn nuibacë xucë́antu, bëtsi quirica pan buánmixunbi cana ënë quiricaribi mitsu buánmin. Quirica buánmiquin cana asérabi Jesucristomi sináncë ꞌixunmi aín banacama manuquinma upí oquin sinánun mitsu ꞌësëan.