Hebreos 13:7 - Kashibo-Kakataibo Biblia

⁷ Jesucristo ñuiquin mitsu bana ñuixuncë unicama camina manuquinma sinánti ꞌain. —Atun ca Jesucristomi catamëquin upí ñuishi ꞌaia —quixun sinani camina usaribiti ꞌiti ꞌain.

Nukën 'Ibu Diosan ain unikama 'inan ain bana

⁷ Jesucristo ñuiquin mitsu bana ñuixuncë unicama camina manuquinma sinánti 'ain. —Atun ca Jesucristomi catamëquin upí ñuishi 'aia —quixun sinani camina usaribiti 'iti 'ain.

Hebreos 13:7 ပူးပေါင်းရင်းမြစ်များ

Mateo 24:45

Anun ꞌëx utëcënti nëtë ca ësaribi ꞌiti ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca —an ca asérabi ꞌën cacësabi oquin ꞌati ꞌicë —quixun sinánxa. Sinánquin usoquian ñu ꞌanun quixun catancëx ca bëtsi menu cuanxa.

Lucas 12:42

Cacëxun ca ësoquinribi Jesusan cacëxa: —Ënëx ca ësaribi ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca, an ca asérabi ꞌën cacësabi oquin ꞌati ꞌicë, quixun sinánxa. Sinánquin usoquin ñu ꞌanun quixun catancëx ca bëtsi menu cuanxa.

Lucas 5:1

Parúnpapa Genesaret cuëbía Jesús ꞌain ca Nucën Papa Diosan bana ñuixunia cuaisa tani ꞌaisamaira uni chëcaisaira oquin tsitsiruacëxa.

Lucas 8:11

Caxun ca Jesusan cacëxa: —An ñu ꞌapácë uni ñui quicë bana ax ca ësai qui quicë ꞌicën: Ñu bëru ꞌapácësaribi ca Nucën Papa Diosan bana ꞌicën.

Hechos 13:46

Usa ꞌain ca Pablobëtan Bernabénën racuë́quinma atu cacëxa: —Nun nu judíos uni ꞌicë mitsu pain Nucën Papa Diosan bana ñuixuncëxbi camina ꞌiti ꞌaíshbi ainan ꞌiisama tanquin aín bana cuaisama tancanin. Usa ꞌain cananuna judíosma unicama Jesús ñuiquin bana ñuixuni cuanti ꞌain.

Hechos 14:23

Usoquin canan anua ꞌicë ëmacamanuax axa Jesucristomi catamëcë unicamabë timë́quin ca atun cushi ꞌinun, axa asérabi Jesucristomi catamëcë unicamaishi anëacëxa. Anëtancëx píma abë banaquin ca —axa mimi catamëcë ënë unicama camina upí oquin ñu ꞌanun sinánmianan bërúanti ꞌai —quixun Nucën Papa Dios atu ñucáxuancëxa.

Hechos 4:31

Usaquin abë banaquin Nucën Papa Dios catancë́xa sënë́ncancëbë ca anua bucucancë xubu ax shaíquiacëxa. Usaía ꞌicëbëshi aín Bëru Ñumshin Upí atunu ucëbëtan ca an quimicëxun racuë́quinma Nucën Papa Diosan bana unicama ñuixuancëxa.

Romanos 10:17

Usa ꞌain cananuna ꞌunanin, uni itsían Cristo sinánquin aín bana ñuixuncëxun ca unin cuatia. Cuaquin ca —a banax ca asérabi ꞌicë —quixun ꞌunani Cristomi catamëtia.

1 Corintios 10:13

Ñu ꞌatima ꞌati sinánquinbi camina ꞌunánti ꞌain, mitsúinshima uni itsínribi ca usaribi oquin sinani tëmëraia quixun. Usa ꞌaínbi ca Nucën Papa Diosan, ax quicësabi oquin mitsu ꞌaquinquin, ñunshin ꞌatimanën mitsu ꞌaisamaira oquin tanun ënima. An ca ami catamëquinmi min ñu ꞌatima ꞌati sináncë ënun mitsu cushioquin, uisaxun caramina ënti ꞌai quixun mitsu sinánmiti ꞌicën.

1 Corintios 11:1

ꞌËx Cristo ꞌiásaribiti ꞌicësaribiti camina mitsúxribi ꞌiti ꞌain.

1 Corintios 4:16

ꞌËn pain Jesucristonën bana mitsu ñuixuncë ꞌaish camina ꞌëx ꞌicësaribiti ꞌiti ꞌain.

Filipenses 3:17

ꞌËn xucë́antu, mitsun camina ꞌëx usai ꞌiia ꞌunanin. Usa ꞌain camina ꞌëx ꞌicësaribiti ꞌiti ꞌain. ꞌIanan camina mitsúxribimi usai ꞌinun nux ꞌiia an iscë unicamaxa ꞌicësaribiti ꞌiti ꞌain.

1 Tesalonicenses 1:6

Nux ꞌicësaribiti ꞌianan Nucën ꞌIbu Jesús ꞌiásaribiti tëmëraibi camina mitsux Jesucristo ñuicë bana cuati ainan ꞌaish Nucën Papa Diosan Bëru Ñunshin Upitan ꞌimicëx cuëëinra cuëëan.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

2 Tesalonicenses 3:7

Mitsúnbi camina ꞌunanin, uisai caramina nux ꞌicësaribiti ꞌiti ꞌai quixun. Mitsubë ꞌaish cananuna ñu mëëima ꞌicëma ꞌain.

2 Tesalonicenses 3:9

Mitsúnmi nu cupíoquin mitsun piti ꞌimainun mitsun curíqui ꞌináncëxun nun biti ca asábi ꞌitsíanxa. Usa ꞌaínbi cananuna, mitsúnribimi nun ꞌacësaribi oquin ꞌanun, nun cuëëncë ñu binuxun nunbi ñu mëëan.

1 Timoteo 3:5

Aín xubunu ꞌicë aín aintsicama upí ꞌinun bërúanti ꞌunáncëma ꞌixun ca unin axa Jesucristomi catamëcë unicama upí ꞌinun bërúantima ꞌicën.

Hebreos 13:17

Mitsun cushicaman ca mitsúxmi upiti Jesucristomi sinánun mitsu ꞌaquinia. Usaquin mitsu ꞌaquinuan Nucën Papa Diosan caíscë ꞌixun ca an cacësabi oquin upí oquin ꞌaisa tania, ax cuëëntanun. Usa ꞌain camina aín bana cuaquin atux quicësabi oquin ꞌati ꞌain. Mitsun usaquin ꞌaia isquin ca atun masá nuituquinma cuëënquin mitsu ꞌaquinti ꞌicën. A unicaman bana cuaquinbimi an cacësa oquin ꞌaiama isi ca Nucën Papa Dios cuëëntima ꞌicën.

Hebreos 13:24

Anu ꞌicë Jesucristomi catamëcë unicama ꞌimainun mitsun cushicama a camina bërúanxa ꞌinun ꞌë caxunti ꞌain. Italianuax ucë unicamanribi ca mitsu bërúanxmi ꞌinun mitsu camia.

Hebreos 6:12

Mitsúxmi chiquish ꞌiti cananuna cuëëniman. Cananuna cuëënin, Nucën Papa Diosan aín quicësabi oquin ꞌaquincë́xa aín uni raírinëx a ëníma ami catamëti upiti ꞌia isími usaribiti ꞌiti.

1 Pedro 4:11

Uix cara banati ꞌicë, ax ca Nucën Papa Diosan sinánmicësabi oi banati ꞌicën. Uin cara raíri uni ñu ꞌaxunia an ca Nucën Papa Diosan cushiocëxun upí oquin ꞌati ꞌicën. Usoquin camina Jesucristonan ꞌixun, añu ñu caramina ꞌai a Nucën Papa Diosa cuëëntanun ꞌati ꞌain. Ax ꞌApuira ꞌaish cushiira ꞌicë ca camabi unin rabiti ꞌicën, nëtë xënibua ꞌaínbi. Usaquin ca ꞌati ꞌicën.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.

Apocalipsis 20:4

Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.

Apocalipsis 6:9

Usai ꞌicëbëtan ca Carnero ꞌicësaribitia unin ꞌucha cupí bama, an anúan quirica tacáshcacë ñu itsiribi pëóshaxa. Pëóshcëbëtan cana Nucën Papa Diosan bana cuanan, a banax ca asérabi ꞌicë quiax quicë cupí unin ꞌacë́xa bama unicaman ñunshin, anuxun ñuina xaroti bucúncë maxax, a tëmúcüa isan.