Hebreos 13:6 - Kashibo-Kakataibo Biblia

⁶ Usaquin sinánquin cananuna ënë bana cuënëo quicësabi oquin sinánti ꞌain: Nucën ꞌIbu Diosan ca ꞌë ꞌaquinia. Usa ꞌain cana unin uisa cara ocëxbi racuë́tima ꞌain.

Nukën 'Ibu Diosan ain unikama 'inan ain bana

⁶ Usaquin sinánquin cananuna ënë bana cuënëo quicësabi oquin sinánti 'ain: Nucën 'Ibu Diosan ca 'ë 'aquinia. Usa 'ain cana unin uisa cara ocëxbi racuë́tima 'ain.

Hebreos 13:6 ပူးပေါင်းရင်းမြစ်များ

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

1 Reyes 17:8

Usa ꞌain ka Querit kakë xëxá ëskikë ꞌain Diosan ësokin Elías kakëxa:

Salmos 124:8

Nukën ꞌIbun ka nu ꞌakinia, an ka naíkamë ꞌëo ꞌimainun me uniokëxa usa ꞌixun.

Salmos 27:9

¡Usa ꞌain kamina ꞌëmi unë́kësa ꞌitima ꞌain! ¡ꞌËmi nishkin kamina ꞌë timakësa otima ꞌain! Min kamina ꞌëshira ënkinma ꞌë ꞌakinti ꞌain, mix kamina ꞌën ꞌIbu ꞌaish an ꞌë ië́mikë a ꞌain.

Salmos 33:20

Nukamax kananuna Nukën ꞌIbumi katamëtin; ¡an ka nu ꞌakianan bërúaia!

Salmos 40:17

Usa ꞌain kamina ꞌëx ñuumarasa tani bënëti tëmëraia mix Dios ꞌixun ꞌë manutima ꞌain. Mix kamina an ꞌë ꞌakianan chuámarua ꞌinun ꞌimikë a ꞌain; ¡ꞌakintimi panakima kamina bënë́kin ꞌë ꞌakinti ꞌain!

Salmos 63:7

mix kamina an ꞌë ꞌakinkë a ꞌain. ¡Usa ꞌain kana ñuina pëchiñunën ꞌain tuá bërúankin ꞌain pëchi tëmú ꞌakësa usaribi okinmi ꞌakëx chuámarua tani min bërúankëx kuëënin!

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Mateo 10:28

An uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca unin bëru ñunshin bamamitima ꞌicën. Usa ꞌain camina usa unimi racuëtima Nucën Papa Dios, an uni aín cushínbi bamamianan aín bëru ñunshínribi manë tsi anuaxa xënibua ꞌaínbi tëmërati anua ꞌinun ꞌimiti amishi racuë́ti ꞌain.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

Efesios 3:12

Cristo cupí cananuna racuëtima uisa ñu cara, Nucën Papa Diosbë banati ꞌain, an ca Cristomi catamëcë cupí nun bana cuatia quixun ꞌunani.

Deuteronomio 33:26

Usa ꞌain ka anuishi sënë́nkin Moisésnën Israelkama ësokin kakëxa, nun Diosaribi bëtsi dios ka ꞌaíma ꞌikën, nun Dios ax ka kushiira ꞌaish raíri dios kamasamaira ꞌikën, ax ka naínu ꞌikë nëtë kuin mëu kushiira ꞌaish mitsu ꞌakini ꞌuti ꞌikën.

Deuteronomio 33:29

Israel unikama mitsux kamina Nukën ꞌIbun ka nu ꞌakinia kixun sinani kuëënti ꞌain, ¿uinu ꞌikë ëmakamax kara mitsun ëmabë sënë́nti ꞌik? Nukën ꞌIbu Diosanbi ka mi ië́miaxa usa ꞌixun ka bërúanan mi ꞌakinia; ¡an ka ax numi nishkë unikamabë ꞌakanania nu ꞌakinti ꞌikën! Usakin ꞌakinkëxun ñusmokin mitsun ꞌakëx ka atun rabiakakë a mitsumi rakuë́ti nëtë́ti ꞌikën.

Hebreos 10:19

ꞌËn xucë́antu, Jesucristo aín imi ꞌapati bama cupí nun ꞌuchacama tërë́ncë ꞌianan Nucën Papa Diosnan ꞌaish cananuna —Cristo cupí ca Nucën Papa Diosan nux banaia cuati ꞌicë —quixun sinani racuëtima abë banati ꞌain.

Hebreos 4:16

Asérabi ca usa ꞌicë quixun ꞌunánquin cananuna ami racuë́quinma, an nu nuibacë Nucën Papa Dios a nun ꞌuchacama tërë́nquin nu ꞌaquinun ñucáti ꞌain, an nu nuibacë cupí. Usaquin cananuna anúnu uisai cara ꞌicë nëtën, nuibaquian nu ꞌaquinun ñucáti ꞌain.