Hebreos 13:5 - Kashibo-Kakataibo Biblia

⁵ ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

Nukën 'Ibu Diosan ain unikama 'inan ain bana

⁵ 'Aisamaira curíquiñu 'iti camina sinántima 'ain. Nucën Papa Diosan “'Ën cana mi 'aquinquin ëntima 'ai” quixun cacë a sinani camina mitsux 'aisamaira ñuñuma 'aíshbi masá nuituti bënëtima cuëënti 'ain.

Hebreos 13:5 ပူးပေါင်းရင်းမြစ်များ

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Génesis 30:31

—¿Uiti mi kupíoti kaina kuëënti ꞌain? —kixun ka Labánën aín piaka karaishikin kakëxa. —ꞌË kamina kuríkinën kupíotima ꞌain —kixun ka Jacobnën katëkëankëxa—. Mixmi ꞌën usakin kamina ꞌati ꞌai kixun kakëx kuëënkëbë kana amiribishi min ovejakama bërúain kuantëkënti ꞌain kixun ka aín kuku kakëxa:

Génesis 31:5

ꞌaia ka ësokin kakëxa: —ꞌËn kana bërí ꞌunan mitsun papan ka bëráma ꞌasa okin bërí ꞌë ꞌupiokin isima; usakin ꞌaiabi ka ꞌën ꞌIbu Diosan ënkinma ꞌë ꞌakinia kixun kana ꞌunan.

1 Reyes 6:13

ꞌaí kana Israel unikamanu ꞌiti ꞌain; usai ꞌi kana Israel kama ënima anuxun ꞌë rabiti xubunu ꞌiti ꞌain.

1 Reyes 8:57

Usa ꞌain ka Nukën ꞌIbu Dios bërí nubëribi ꞌiti ꞌikën, nun chaitiokëkamabë ꞌiásaribiti. Usa ꞌixun ka nukama ënkinma ꞌakinti ꞌikën,

Salmos 37:25

ꞌËx kana bëná ꞌiakën, bërí kana ꞌëx uni kaniakëkë ꞌain, ꞌaínbi kana uinsaranbi uni ñu ꞌatima ꞌakëma kamaxa ñuñuma ꞌi tëmëraia isama ꞌain. ꞌIanan kana aín bakë bëchikëkamaribi uínsaranbi bëtsi unikama aín piti ñukáti nitsia isama ꞌain.

Salmos 37:28

Nukën ꞌIbu Diosan ka upí ñuishi ꞌati kuëënia. Usa ꞌixun ka an ënkinma a rabikë aín unikama ënima; ꞌaínbi ka an ñu ꞌatimaira ꞌakë unikama këñuia këñukin ka atun bakë bëchikë rëbúnkiñuma ꞌinun ꞌimiti ꞌikën.

Éxodo 2:21

Kakëx kuanxua aín bëchikënën bëkë ka, aín papa Jetrónën aín xubunu ꞌinun kixun Moisés kakëxa, kakëxun ka asábi ka kana min xubunu ꞌi bërúti ꞌai kixun Moisésnën kakëxa. Usai abë basipain ꞌiaka aín bëchikë Séfora aín xanu ꞌiti ꞌinánkëxa,

Éxodo 20:17

Bëtsi unin xubu ꞌimainun anu ꞌikë aín ñukama kamina minan ꞌinun bisatantima ꞌain: usa ꞌixun kamina aín xanu an ñu mëëxunkë uni ꞌimainun an ñu ꞌaxunkë xanu aribi kuëëntima ꞌain, ꞌimainun kamina an ꞌarakakë ñuinakama, vaca ain asno akamaribi bisatantima ꞌain.

Proverbios 23:4

Ñuñu ꞌiti sinani kamina ꞌitsaira ñu mëi tëmëratima ꞌain; usai ꞌikinma kamina ꞌitsairami sinánkë a ënti ꞌain.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 41:17

Uni ñuñuma ꞌaish kuríkiñuma akaman ka ꞌumpax barikinbi mëraima. Usa ꞌaish ka ꞌumpax xëaima shimax aín tëru ëskia; ꞌaínbi kana ꞌëx aín ꞌIbu ꞌixun atu ꞌakinti ꞌain, ꞌëx Israel unikaman Dios ꞌixun kana atu ꞌakinkin ëntima ꞌain.

Isaías 42:16

Usakin ꞌanan kana bëxuñu unikama aribi atun ꞌunánkëma bain, buánkin anua niama bain buánti ꞌain. Uankin kana bëánbëankibukë aribi atun ismainubia xabá ꞌinun ꞌimiti ꞌain, ꞌimianan kana me nankë́kë axribia mëníokati upiti rakanun ꞌimiti ꞌain. Ënë ñukama kana, kana ꞌaíma kikínma asérabi ꞌati ꞌain.

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Mateo 6:19

Ënë nëtënuax ñuñuira ꞌiti cuëënquian unin ꞌaisamaira ñu bitsiabi ca bëtsi bëtsi ñu nacuaxan cëñumainun bëtsi bëtsi ñuxa puibuax chëquimainun bëtsi bëtsi ñu an ñu mëcamacë unin unë́xun xubunu atsínxun mëcamatia. Usa ꞌain camina axa ñuñuira ꞌiti cuëëncë uni asaribi ꞌitima ꞌain.

Mateo 6:25

Usa ꞌain cana mitsu cain, añu caramina piti ꞌain, añu chupa caramina pañuti ꞌai quixun acama sinani camina masá nuitutima ꞌain. Mitsun pitisamaira camina mitsux ꞌain, mitsun chupasamaira camina mitsux ꞌain, ¿usa cat? An mitsúxmi ënë nëtënu tsoti oquin unio Nucën Papa Dios, ainshi ca a mi piti ñu mitsu ꞌinánan a mi pañuti chuparibi mitsu ꞌinánti ꞌicën.

Mateo 6:34

Usa ꞌain camina —imë́ishi carana uisai ꞌiti ꞌain, bëtsi nëtë́nribi carana uisai ꞌiti ꞌai —quixun sinani masá nuitutima ꞌain. A nëtë ucëbëtainshi camina isti ꞌain.

Marcos 7:22

uni itsin ñu cuëënti, ꞌatima nuituñu ꞌiti, uni paránti, ꞌatima ꞌicëbi tënëquinma ñu ꞌati, nutsiti cëmëquin uni ñuiti, rabíti, nuituñuma ꞌiti, acama.

Lucas 3:14

Suntárucamanribi ca anu cuanxun Juan ñucáquin cacëxa: —¿Nunribi caranuna añu ꞌati ꞌain? Ñucácëxun ca cacëxa: —Camina unin ñu ꞌimainun aín curíqui mëcamatima ꞌain, mëëxun ꞌanan camina paránxunribi unin ñu mëcamatima ꞌain, camina cëmëi ami manánxunribi unin ñu bitima ꞌain. Mitsun ñu ꞌati cupía ꞌapun curíqui ꞌináncëxun camina ꞌatimati banaquinma cuëënquin ashi biti ꞌain.

Lucas 8:14

Muxañu menua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan ꞌitsa ñuñu ꞌaish cuëënti sinani, ñu bërúxa me chucu muxañu menuax aín bimi upiti pëcë́cëma, usaribi a unicama ꞌicën.

Romanos 1:29

Usa ꞌixun ca uisa ñucamax cara ꞌatima ꞌicë acama ꞌaia, bëtsi uni ꞌatimonan, ainanmabi uni itsin ñu biisa tanan, aín xanuma ꞌaínbi xanubë ꞌianan, xanúxmabi bëtsi unibë ꞌianan, bëtsi uni ꞌicësamaira oi ñuñu ꞌiisa tania. ꞌIanan ca uni ꞌaisa tanan, bëtsibë cuëbicanánan, uni itsi paránan, uni itsimi ꞌatimati banaia. Usa ꞌaish ca a unicamax ꞌaisamairai banai uni itsimi manania.

1 Corintios 5:11

Ësaquinshi cana mitsu caisa tanin. Axa —ꞌëx cana Jesucristomi sináncë ꞌai —quibi cëmëcë unibë camina nitima ꞌain. Jesucristonainsa quiquinbia ainanmabi xanu cuëënbëquincë uni ꞌimainun xanúxmabi uni itsibëribi ꞌicë uni ꞌimainun bëtsi unin ñu cuëëncë uni ꞌimainun Nucën Papa Diosmi sinánquinma unin ꞌacë ñu rabicë uni ꞌimainun ñuianancë uni ꞌimainun paë́ncë uni ꞌimainun mëcamacë uni, usa unibubë camina nitima ꞌain, abëtanbi camina pitima ꞌain.

1 Corintios 6:10

ꞌimainun an ñu mëcamacë uni ꞌimainun an bëtsi unin ñu cuëëncë uni, ꞌimainun axa ñuianancë uni ꞌimainun paë́ncë uni ꞌimainun an uni paránxun aín ñu bicë uni, acamax ca Nucën Papa Diosan nëtënu ꞌitima ꞌicën.

2 Corintios 4:9

Unin bëtsi bëtsi oiabi ca Nucën Papa Diosan nu ënima. Unin bamatanun quixun mëëcëxbi cananuna bamaiman.

Efesios 5:3

Nucën Papa Diosnan ꞌixun camina mitsun uisa ñux cara ꞌatima ꞌicë a ꞌati sinántima ꞌain. Mitsun xanuma ꞌaínbi xanubë ꞌiti, xanúxmabi uni itsibë ꞌiti, minanmabi uni itsin xanu ꞌimainun ñu cuëënti, usa ñu ꞌati sinanima ꞌianan camina usa ñu ñui banatima ꞌain.

Efesios 5:5

Camina asérabi ꞌunánti ꞌain, axa aín xanuma ꞌaínbi xanubë ꞌicë uni, axa xanúxmabi unibë ꞌicë uni, an ainanma uni itsin ñu cuëëncë uni, a unicamax ca Nucën Papa Diosmabi, unínbi ꞌacë ñuishi rabicësa ꞌicën. Usa unicamax ca Nucën Papa Diosan nëtë anua Cristoribi ꞌicë anu abë ꞌitima ꞌicën.

Deuteronomio 31:6

Mitsux kamina kushi sinánñubu ꞌaish rakuë́ ꞌitima ꞌain; usai ꞌikamina atubë ꞌakanankin ꞌai atumi rakuë́tima ꞌain, usakin ꞌaia ka Diosan ënkinma abi atu ꞌanun mitsu ꞌakinti ꞌikën.

Deuteronomio 31:8

Nukën ꞌIbun ka mi kuania ꞌakinkin ëntima ꞌikën, usa ꞌain kamina rakuë́kin; kana ꞌaíma kixun sinántima ꞌain.

Deuteronomio 4:31

an ka nuibanairakë ꞌixun nuibakin, ꞌatima otankëxunbi mitsu ëntima ꞌikën, usa ꞌixun ka manukima nun chaitiokëkama sinántëkëntima okin kásabiokin asérabi ax kiásabiokin ꞌati ꞌikën.

Colosenses 3:5

Usa ꞌain camina bërámami ꞌacansa oquin Nucën Papa Diosnanma unicaman ꞌacësa oquin ënë menu ꞌicë ñuishi ꞌati sinántëcëntima ꞌain. Unix ca aín xanuma ꞌaínbi bëtsi xanubë ꞌitima ꞌicën. Usaribiti ca xanu aín bënëma ꞌaínbi bëtsi unibë ꞌitima ꞌicën. ꞌImainun ca uni xanúxmabi bëtsi unibë ꞌitima ꞌicën. ꞌImainun camina ñunshinacëquin ꞌatima ñu ꞌati cuëëntima ꞌain. Camina ñuñu ꞌitishi sinántima ꞌain. Ñuñu ꞌitishi cuëëncë unix ca Nucën Papa Dios rabima, a cuëëncë ñuishi rabicësa ꞌicën.

1 Timoteo 3:3

Paë́ncëma ꞌianan ca unibë mëëananti sinánñuma ꞌiti ꞌicën. Usa ꞌaish ca bënëtima cuëmëninishi unibë bananan curíquiñu ꞌiisa tani bënë́tima ꞌicën.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

2 Pedro 2:14

Usa ꞌaish ca xanu isíma isímashi anun cuëënia, aín ꞌucha ëníma ca amiribi amiribi ꞌuchaia. Atúxa ꞌicësaribitia ꞌinun ca axa Jesucristomi upiti sináncëma xanu ꞌimainun bëburibi sinánmia. Ax ñun cuëën ꞌaish ca ꞌitsa ñuñu ꞌiti cuëënia. A unicama ca Nucën Papa Diosan aín ꞌucha cupí uisoquin cara ꞌati ꞌicë, usoquin ꞌati ꞌicën.

2 Pedro 2:3

A unicaman ca mitsun curíqui biti cupíshi cëmëquin paránquin Nucën Papa Diosan banamabi, anbi sináncë bana mitsu ñuixunti ꞌicën. Usaquian ꞌacë cupí ca ië́tima cëñúti ꞌicën, usai atux ꞌitia Nucën Papa Diosan mëníosabi oi.

Judas 1:11

A unicaman ñu ꞌatima ꞌacë cara Nucën Papa Diosan uisoti ꞌicën. Cainan ñu ꞌatima ꞌásaribi oquin ꞌanan ca Balaam an ꞌásaribiquin curíqui biti sinánxun ñu ꞌatima ꞌaia. Coré ax ca Nucën Papa Diosan cacëxuan Moisésnën ñuicë bana cuaisama tanquin, uni raíri Moisésmi nishquin tsuáquirumicë cupí, bamacëxa. Cain, Balaam, Coré, acamaxa ꞌiásaribiti ca a unicama cënúti ꞌicën.

1 Samuel 10:7

Uínsaran kara Diosan ꞌimikëx minu usai ñu ꞌia anun kamina Diosanbi mi ꞌakinkëxun sinánti ꞌain.

1 Samuel 12:22

Nukën ꞌIbu an ka asérabi nukama kaisakëxa. Usa ꞌixun ka uínsaranbi nukama ënuxunma ꞌaia, anbi ka mitsu aín uni ꞌiti kaisakëxa.