Hebreos 13:4 - Kashibo-Kakataibo Biblia

⁴ Min xanuma ꞌain camina xanu itsibë ꞌitima ꞌain. Xanu minan ꞌiti bitancëxun camina abë nuibananquin upí oxun ꞌiquinti ꞌain. Aín xanuma ꞌain bënëñuma xanubë ꞌiti ꞌimainun uni itsin xanubë ꞌiti ca Nucën Papa Dios cuëënima. Cuëënquinma ca usa uni ꞌimainun usa xanuribi ꞌuchoquin uisa cara oti ꞌicë usoquin ꞌati ꞌicën.

Nukën 'Ibu Diosan ain unikama 'inan ain bana

⁴ Min xanuma 'ain camina xanu itsibë 'itima 'ain. Xanu minan 'iti bitancëxun camina abë nuibananquin upí oxun 'iquinti 'ain. Aín xanuma 'ain bënëñuma xanubë 'iti 'imainun uni itsin xanubë 'iti ca Nucën Papa Dios cuëënima. Cuëënquinma ca usa uni 'imainun usa xanuribi 'uchoquin uisa cara oti 'icë usoquin 'ati 'icën.

Hebreos 13:4 ပူးပေါင်းရင်းမြစ်များ

Génesis 2:21

Usa aín ka Nukën ꞌIbu Diosan a uni ꞌaímai upiti ꞌuxtanun ꞌuxmiakëxa, ꞌuxmikëxa ꞌaímai upiti uxan ka aín putu achúshi bitankëxun aín naminbi amiribishi bëtasakëxa.

Génesis 2:24

Usa ꞌain ka unin aín xanu bikin aín papa aín tita ënti ꞌikën, usa ꞌaish ka a rabëtaxbi achúshi unisashi ꞌiti ꞌikën.

2 Reyes 22:14

Usakia kakëx ka ꞌain kushibu Hilquías, Ahicam, Acbor, Safán ꞌimainun Asaías, an bana ñuikë Hulda kakë xanu Salum kakë uni aín xanu abë banai rikiankëxa, Salum ain bakë bëchikë Ticvá, Harhás aín xuta ꞌiakëxa, ax ka anuxun Dios rabiti xubunu ꞌikë chupakama anu nankë a bërúankë ꞌiakëxa. Hulda ax ka Jerusalén ëmanuira ꞌima a ꞌuria ꞌikë ëma itsinu tsókë ꞌikë ka anu kuanxun kakankëxa,

Job 31:12

Usa ꞌain ka ꞌën ñu ꞌatima ꞌakë ꞌain tsi rëkirukin ñu nënkësokëx, kamabi ꞌën ñukamax këñutsianxa.

Isaías 8:3

Usakin ꞌë kakë a inúkë ꞌain kana an bana ñuikë ꞌën xanu ain pëi machakë sënë́nkë ꞌain, abë ꞌian ka tutankëx aín ꞌuxë ꞌikëbë bakëankëxa. Usai ꞌikëbëtan ka Diosan ꞌë kaxa: “Min bakë bëchikë bakënkë akamina Maher-salal-hasbaz kakin anëti ꞌain.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

1 Corintios 6:18

Usa uni ꞌimainun usa xanumi camina ꞌunánti ꞌain. Aín xanu ꞌaímabi xanu itsibë ꞌicë uni ꞌimainun xanúxmabi uni itsibë ꞌicë uni an ca abi aín namibi ꞌuchoquin ꞌatimamia. Ñu raíri ꞌaisama ꞌaquinbi ca unin usoquin aín nami ꞌuchoima.

1 Corintios 6:9

¿Aín nëtënu abë ꞌiisa ꞌaíshbi ca an ñu ꞌaisama ꞌacë uni aín nëtënu Nucën Papa Diosbë ꞌitima ꞌicë quixun caramina ꞌunaniman? Camina ꞌunánti ꞌain, ainanmabi xanu cuëëncë unicama ꞌimainun an Nucën Papa Diosmi sinánquinma unin ꞌacë ñu rabicë unicama ꞌimainun aín xanuma ꞌaínbi bëtsi unin xanubë ꞌicë uni ꞌimainun xanúxmabi uni itsibë ꞌicë uni,

1 Corintios 7:38

Usa ꞌain ca unin aín bëchicë bënumiti asábi ꞌicën. ꞌImainun ca unían aín bëchicë bënumitima ax asábiira ꞌicën.

1 Corintios 9:5

A Jesusan aín bana ñuixunun caíscë uni raíri ꞌimainun Nucën ꞌIbu Jesusan xucë́antu ꞌimainun Pedro, acaman aín xanu abë cuanun buáncësaribi oquin cana ꞌënribi ꞌaisa tanquin xanu buánti ꞌain.

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

Gálatas 5:19

Camina ꞌunanin, unin ca ꞌaisa tanquinbi tënëquinma aín cuëëncësa oquin ësa ñucama ꞌaia quixun: aín xanuma ꞌaínbi xanubë ꞌiti, xanúxmabi uni itsibë ꞌiti, ꞌimainun ñunshínquin ñu ꞌatima ꞌati.

Gálatas 5:21

ꞌImainunribi ca ꞌaia, bëtsi unin ñu cuëënti, uni ꞌati, paë́nti, picë́ntapun ꞌiti, acama. Usa ñucama ca unin aín cuëëncësa oquin ñu ꞌaquin ꞌaia. Usa ꞌain cana ën mitsu cacësaribi oquin mitsu catëcënin, usa ñua an ꞌacë unicamax ca aín unima ꞌaish Nucën Papa Diosan nëtënu abë ꞌitima ꞌicën.

Efesios 5:5

Camina asérabi ꞌunánti ꞌain, axa aín xanuma ꞌaínbi xanubë ꞌicë uni, axa xanúxmabi unibë ꞌicë uni, an ainanma uni itsin ñu cuëëncë uni, a unicamax ca Nucën Papa Diosmabi, unínbi ꞌacë ñuishi rabicësa ꞌicën. Usa unicamax ca Nucën Papa Diosan nëtë anua Cristoribi ꞌicë anu abë ꞌitima ꞌicën.

1 Tesalonicenses 4:6

ꞌianan aín xanubë ꞌi bëtsi unimi ꞌuchatima. Usaía ax ꞌicë uni a ca aín ꞌucha cupí, Nucën ꞌIbu Jesucristonën uisa cara oti ꞌicë usoquin ꞌati ꞌicën, nun mitsu ñuixuncësabi oquin.

1 Timoteo 3:12

An axa Jesucristomi catamëcë unicama ꞌaquincë unix ca achúshi xanuñuishi ꞌiti ꞌicën. Aín bëchicë ꞌimainun aín xubunu ꞌicë aín aintsicama upí ꞌinun bërúanti ca ꞌunánti ꞌicën.

1 Timoteo 3:2

Usa ꞌain ca axa Jesucristomi catamëcë unicaman cushi ax ësa uni ꞌiti ꞌicën: Ca ꞌiti ꞌicën, —ꞌaisama ca —quixun unin ñuicëma, xanu achúshiñuishi, upí sinánñu, cuaibë banacëma, upí oquin sináncë ꞌixun ñu ꞌatima ꞌacëma. ꞌIanan ca a isi aia cuëënquin uni bicë ꞌianan Nucën Papa Diosan bana ꞌunánmiti ꞌunáncë ꞌiti ꞌicën.

1 Timoteo 3:4

Aín xubunu ꞌicë aín aintsicamaxa upí ꞌinun bërúanti ca ꞌunánti ꞌicën. An upí oquin ꞌunánmicëxuan aín bëchicënën aín bana cuacë ca ꞌiti ꞌicën.

1 Timoteo 4:3

A unicamax ca axa Nucën Papa Diosmi catamëcë unicaman isa xanu bitima ꞌicë quianan bëtsi bëtsi ñuribi pitima ꞌicë quiax quia, an ꞌináncëxun aín unicama an aín bana ꞌunáncë ꞌixun a —asábi ca —caquin piti oquian camabi ñu Nucën Papa Diosan unio ꞌaínbi.

1 Timoteo 5:14

Usaía ꞌitima cupí cana cuëënin, xutani ꞌaísha ax casunamëcë xanux ca bënuti ꞌicën. Bënutancëxun tuatancëxun ca aín tuá ꞌimainun aín xubunu ꞌicë ñucama upí oquin bërúanan, aín bënëribi ꞌaquinti ꞌicën. Usaquian ꞌacëbë ca axa Jesucristomi sináncëma unicama a xanu ñui ꞌatimati banatima ꞌicën.

Tito 1:6

Axa Jesucristomi catamëcë unicaman cushi ꞌinun camina ësa uni caísti ꞌain: Unin —ꞌaisama ca —quixun ñuicëma ca ꞌiti ꞌicën. Usa ꞌianan ca xanu achúshiñuishi ꞌiti ꞌicën. ꞌIanan ca aín bëchicëcamaxribi upí oquin bana cuacë ꞌiti ꞌicën. Aín bëchicëcamax ca —bana cuacëma ꞌixun ca ꞌaisama ñu ꞌaia —quixuan unin ñuicëma ꞌiti ꞌicën.

Hebreos 12:16

Uni aín xanubëishi ꞌitioquin mënío ꞌain ca micama ui uníxbi aín xanuma ꞌain, xanu itsibë ꞌitima ꞌicën, bëbúxribi ca xanúxmabi uni itsibë ꞌitima ꞌicën. Nucën Papa Dios ca uni ꞌimainun xanuribi usai ꞌiti cuëënima. Usai ꞌitin rabanan camina camáxbi upí sinánñu ꞌinun ꞌaquiananti ꞌain. Esaúnën ca Nucën Papa Diosan cacë bana sinánquinma, ax rëcuën ꞌixunbi aín piti cuëëncë cupíshi aín xucën aín rëcuën ꞌimiacëxa. Ax piti cuëëncë cupía Esaú ꞌiásaribiti camina ꞌitima ꞌain.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.