Hebreos 13:3 - Kashibo-Kakataibo Biblia

³ Mitsúxribi atubë sipuacë ꞌaish tëmëracësa ꞌixun camina axa Jesucristonan cupí sipuacë unicama manuquinma a sinánquin ꞌaquinti ꞌain. Mitsúxribi usaribi uni ꞌixun camina —usaribi oquin ca unin ꞌë ꞌati ꞌicë —quixun sinánquin unían bëtsi bëtsi ocë uni a ꞌaquinti ꞌain.

Nukën 'Ibu Diosan ain unikama 'inan ain bana

³ Mitsúxribi atubë sipuacë 'aish tëmëracësa 'ixun camina axa Jesucristonan cupí sipuacë unicama manuquinma a sinánquin 'aquinti 'ain. Mitsúxribi usaribi uni 'ixun camina —usaribi oquin ca unin 'ë 'ati 'icë —quixun sinánquin unían bëtsi bëtsi ocë uni a 'aquinti 'ain.

Hebreos 13:3 ပူးပေါင်းရင်းမြစ်များ

Génesis 40:23

Usakin aín namákë ñuixunkëxbi ka an ꞌapu ꞌain xëati ꞌinánkë uni ax Josémi sinanima ami manúakëxa.

Mateo 25:36

Chupañuma ꞌicë camina ꞌë chupa ꞌináncën. ꞌInsíncë ꞌain camina ꞌë isi cuancën. Sipuacë ꞌain camina ꞌë isi cuancën.

Mateo 25:43

Amanu nitsi cuanx ꞌëx anu ꞌiti ꞌaíma ꞌain camina ꞌëx anu ꞌiti ꞌinánma ꞌain. Chupañuma ꞌicë camina ꞌë chupa ꞌinánma ꞌain. ꞌInsíncë ꞌianan sipuacë ꞌain camina ꞌë isi cuanma ꞌain.

Hechos 24:23

Catancëxun ca Felixnën aín capitán cacëxa: —Chiquíti rabanan camina Pablo bërúanti ꞌain. Bërúanquinbi camina añu cara ꞌaisa tania a ꞌamianan axa abë nuibanancë unicaman a istisa tania ismianan añu ñu cara cuëënia a ꞌaxunun ꞌamiti ꞌain.

Hechos 27:3

Usaquiani coonx cananuna Sidón cacë ëmanu bëbacën. Anu bëbaxun ca abë upí ꞌixun Julionën Pablo a ëmanua ꞌicë axa abë nuibanancë unicama isanan abë bananan, atun xubunuxun pitánun quixun cacëxa.

Romanos 12:15

Axa chuámarua ꞌaish cuëëncë uni abë camina cuëënti ꞌain. Axa masá nuituti incë uni a camina abë masá nuituquin nuibati ꞌain.

1 Corintios 12:26

Nun mëcënaxa paëia ca camabi nun namin tania. Usaribiti ca nun pabitax paëia camabi nun namin tania. Usaribiti cananuna unían —min bu, min bëmána, min pëñan ca upí ꞌicë —quixun cacëx nun namicamabëbi chuámarua tani cuëënin.

Efesios 4:1

Usa ꞌain cana ꞌëx ainan ꞌixun Nucën ꞌIbu Jesucristo ñuiquin bana ñuixuncë cupí sipuacë ꞌixun mitsu cain, an caíscë aín unicamaxa usai ꞌiti oquian Nucën Papa Diosan mënóisabi oi camina ax cuëëncësabi oíshi ꞌiti ꞌain.

Colosenses 4:18

ꞌËx Pablo ꞌixun cana ꞌën mëcënanbi cuënëoquin bërúanxmi ꞌicánun quixun mitsu cain. Usa ꞌain camina ꞌëx cana unin sipuacë ꞌai quixun manúquinma sináncanti ꞌain. Nucën Papa Diosan nuibacëxmi chuámashirua ꞌaish cuëëni upitax bucucanti cana cuëënin. Ashi, Pablo.

Hebreos 10:34

Usa ꞌixun camina Jesucristomi catamëcë cupía sipuacë unicama nuibaquin ꞌaquiancën. Mitsumi nishquian mitsun ñu bicancëbëbi camina masá nuitutíma usabi cuëëancën. —Ënë nëtënuax ñuñu ꞌaish cuëëncësamaira oi cana Nucën Papa Diosnan ꞌaish aín nëtënu nëtë́timoi abë ꞌiti ꞌai —quixun sinani camina cuëëancën.

Hebreos 11:37

Nucën Papa Diosmi catamëcë uni raíri ca unin maxaxan rëacëxa. Raíri ca Nucën Papa Diosmi sinánxma ꞌinun quixun unin bëtsi bëtsi ocëxa. Raíri ca unin tëarabëocëxa. Raíri ca manë xëtocën ꞌacëxa. Raírinëx ca chupañuma ꞌixun carnero rani pañuanan chivo rani pañuax cuaínbëquini niacëxa. Ñuñuma ꞌaish nuibacacë ꞌianan ca bëtsi bëtsi ocë ꞌiacëxa.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.