Hebreos 13:2 - Kashibo-Kakataibo Biblia

² Mitsun ꞌunáncëma unibi camina mitsun xubunu bëbaia cuëënquin biti ꞌain. Usai ꞌiquin ca raírinën ꞌunánquinmabi ángel, unisaribi ꞌicë, biacëxa.

Nukën 'Ibu Diosan ain unikama 'inan ain bana

² Mitsun 'unáncëma unibi camina mitsun xubunu bëbaia cuëënquin biti 'ain. Usai 'iquin ca raírinën 'unánquinmabi ángel, unisaribi 'icë, biacëxa.

Hebreos 13:2 ပူးပေါင်းရင်းမြစ်များ

Génesis 18:1

Usa ꞌain ka Nukën ꞌIbu Abrahammi anua Mamré kakë uni aín me ni ꞌikë anuax mërakëxa, mëramainun ka Abraham bari xamaruti ꞌurama ꞌain aín chupa këxtú xubusa okin ꞌakë aín xëkuë rapasu, tsókë ꞌiakëxa.

Génesis 19:1

Bari kuabúkëbë ka Sodoma kakë ëmanu ángel rabë́ bëbakëxa. Anu bëbakiania kuania ka Lotnën anun ëmanu atsínti xëkuënu tanti tsóxun isakëxa, ax ka anua uni timë́kë ꞌiakëxa. Anu tsótanbia aia ka iskin nirukiani kuanxun ka biakëxa, bitsi aín bëmánanën memi bëtikikin,

2 Reyes 4:8

Achúshi nëtën ka Eliseo Sunem kakë ëmanu kuankëxa, kuankë ka anuxun achúshi xanu unin uisokinbi kakëma an ain xubunuxun isa pikuanun kixun karaishiakëxa. Usa ꞌain ka Eliseonën a ëmanu kuankëtibi a xanun xubunuxun piakëxa.

Job 31:19

ꞌËn kana uix kara chupañuma ꞌikëa matsin ꞌakëx ñutisa tania iskin chupa ꞌinánkën, ñuñuma uni aribi anúan rakuti chupañuma iskin aribi nuibakin anua rakuti chupa ꞌinánkën,

Job 31:32

ëman kamina ꞌuxti ꞌai kixun káma ꞌain. Usakin ꞌakinma kana ꞌën xubu xëókaxun bëtsi menuax ukë unikama anu atsímiakën.

Isaías 58:7

ꞌianan ka uix kara pitiñu ꞌikë an axa ꞌakëñuma nikë uni a aín piti ꞌinánti ꞌikën, ꞌianan kamina mitsun uix kara xubuñuma ꞌikë a min xubunua ꞌinun ꞌimiti ꞌain; ꞌimianan kamina chupañuma ꞌikë bëtsi uni ꞌinánan kamina misaribi uni aribi ꞌakinti ëntima ꞌain.

Levítico 19:34

Mitsúxmi nuibanankësaribi okin kamina aturibi nuibati ꞌain, atux ka mitsusaribi ꞌikën. Mitsux pain kamina atux ꞌikësaribiti Egipto menu ꞌikë uni ꞌaímabi tsóakën. ꞌËx kana mitsun Dios a ꞌain.

Mateo 25:35

ꞌËx ꞌacëñuma ꞌicë camina ꞌë piti ꞌináncën. ꞌËx ꞌumpax ꞌaisa tani shimaia camina ꞌë ꞌináncën. Amanu nitsi cuanx ꞌëx anu ꞌiti ꞌaíma ꞌain camina ui cara quixun ꞌunánquinmabi ꞌëx anu ꞌiti ꞌë ꞌináncën.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Mateo 25:43

Amanu nitsi cuanx ꞌëx anu ꞌiti ꞌaíma ꞌain camina ꞌëx anu ꞌiti ꞌinánma ꞌain. Chupañuma ꞌicë camina ꞌë chupa ꞌinánma ꞌain. ꞌInsíncë ꞌianan sipuacë ꞌain camina ꞌë isi cuanma ꞌain.

Hechos 16:15

Sinánmicëx Jesucristomi catamëti ca Lidia, aín xubunu ꞌicëcamabë, nashimicë ꞌiacëxa. Nashimicë ꞌixun ca nu cacëxa: —Mitsun, ꞌëx cana asérabi Jesucristonan ꞌain quixun sinani camina ꞌën xubunu ꞌiti ꞌain. Usaquin nu caía nux anu ꞌiti cuëëncëbë cananuna anu ꞌiacën.

Romanos 12:13

Axa Cristomi catamëcë uni ñuñuma ꞌaish ꞌaquinsa ꞌicë camina min ñu raíri ꞌinánti ꞌain. ꞌInánan camina axa min xubunu bëbacë uniribi pimianan anua ꞌuxtiribi ꞌinánti ꞌain.

Romanos 16:23

ꞌËx cana Gayonën xubunu ꞌin. Ënë xubunu ca axa Jesucristomi catamëcë unicama timëtia. Gayo, anribi Jesucristonan ꞌixun ca bërúanxmi ꞌinun mitsu canun quixun ꞌë caxa. Erasto, an ënë ëmanu ꞌicë curíqui anun uni cupíoti a bërúancë uni, a ꞌimainun nucën xucën, Cuarto, anribi ca mitsúxmi bërúanx ꞌinun quixun mitsu canun ꞌë caxa.

1 Timoteo 3:2

Usa ꞌain ca axa Jesucristomi catamëcë unicaman cushi ax ësa uni ꞌiti ꞌicën: Ca ꞌiti ꞌicën, —ꞌaisama ca —quixun unin ñuicëma, xanu achúshiñuishi, upí sinánñu, cuaibë banacëma, upí oquin sináncë ꞌixun ñu ꞌatima ꞌacëma. ꞌIanan ca a isi aia cuëënquin uni bicë ꞌianan Nucën Papa Diosan bana ꞌunánmiti ꞌunáncë ꞌiti ꞌicën.

1 Timoteo 5:10

Upí oquian ñu ꞌaia unin ꞌunáncë ca ꞌiti ꞌicën. Cara aín tuá upí oquin canioxa, cara uni ꞌimainun xanu a isi aia upí oquin biaxa, cara axa Jesucristomi catamëcë unicama ꞌaquianxa, cara axa tëmëracë unicama chuámarua ꞌinun ꞌaquianxa, ꞌimainun cara uisa ñu upíribi ꞌaxa quixun ꞌunáncë ꞌaish ca aín anë ꞌacë ꞌiti ꞌicën.

Tito 1:8

Usai ꞌiquinma ca a isi aia cuëënquin uni biti ꞌicën. Añu ñucamax cara upí ꞌicë ashi ꞌati ca sinánti ꞌicën. Upí oquin sináncë ꞌixun ñu ꞌatima ꞌacëma ca ꞌiti ꞌicën. Nucën Papa Diosan bana quicësabi oi ca ꞌaisama ñu ꞌaíma upíshi ꞌiti ꞌicën.

1 Pedro 4:9

Min xubunua aia camina bëtsi uni biisama tani bëtsi sinánquinma upí oquinshi biti ꞌain.

3 Juan 1:5

ꞌËn nuibacë xucën, min upí oquin axa Jesucristomi catamëcë unicama ꞌaquianan bëtsi ëmanuaxa ucë unicamaribi ꞌaquinquin camina Nucën Papa Dios cuëëncësabi oquin ꞌain.