Hebreos 12:9 - Kashibo-Kakataibo Biblia

⁹ Nux xu ꞌixun ñu ꞌatima ꞌaia oquin ca amiribishi ꞌatëcënxunma ꞌanun numi nishquinmabi nu ꞌunánmiquin nucën papan nu mëëacëxa. Mëëcëxunbi cananuna ami nishquinma ax cuëëncësabi oquin ꞌacën. ¿Usa ꞌain caranuna uisa cupí Nucën Papa Diosan nux abë upí ꞌinun quixun, uisa oquin cara nu ꞌati ꞌicë usoquin ꞌacëxunbi upí oquin sinántima ꞌain?

Nukën 'Ibu Diosan ain unikama 'inan ain bana

⁹ Nux xu 'ixun ñu 'atima 'aia oquin ca amiribishi 'atëcënxunma 'anun numi nishquinmabi nu 'unánmiquin nucën papan nu mëëacëxa. Mëëcëxunbi cananuna ami nishquinma ax cuëëncësabi oquin 'acën. ¿Usa 'ain caranuna uisa cupí Nucën Papa Diosan nux abë upí 'inun quixun, uisa oquin cara nu 'ati 'icë usoquin 'acëxunbi upí oquin sinántima 'ain?

Hebreos 12:9 ပူးပေါင်းရင်းမြစ်များ

Éxodo 20:12

Min papan bana kuanan kamina min titan banaribi kuanti ꞌain. Usai ꞌi kamina ꞌëx mitsun Dios ꞌixun ꞌinánkë me anu xënibua. ꞌAínbi tsóti ꞌain.

Eclesiastés 12:7

Usa ꞌain ka a nëtë ꞌikëbë uni me putu unio ꞌaish mebi ꞌitëkënti ꞌikën, ꞌimainun ka aín bëru ñunshin ax Diosnubi kuantëkënti ꞌikën.

Isaías 42:5

Dios Nukën ꞌIbu an naíkamë ꞌëo uniokin chaiira ꞌinun pënían, an ka me ꞌimainun anua kookë ñukama ꞌakëxa, ꞌanan ka unikamaribi anúan tsóti uin ꞌinan, ax aín uni kai ësai kia:

Isaías 45:10

ꞌImainun kara tuákën aín papa ënë menuxun bakë bëchia a ñukati ꞌikën.

Levítico 19:3

Mitsun kamina min papa bana kuanan min titan banaribi kuati ꞌain. ꞌImainun kamina anun ñu mëëtima nëtë ꞌikëbë anun tantiti ꞌain. ꞌËx kana mitsun Dios ꞌain.

Malaquías 1:6

Ësokin ka Dios kamabi kushiñu an sacerdote unikama kaia: Aín bakë bëchikë bëbukaman ka aín papakaman kakëxun kuati ꞌikën, ꞌimainun ka an ñu mëmikë uni aín banakama an ñu mëëxunkë atúnribi kuati ꞌikën. Usaribiti kana ꞌëx mitsun papa ꞌain, ¿Uisa kupín kaina mitsun ꞌën kakëxun kuaisamatankanin? ꞌËx kana an mitsu ñumëmikë uni asa ꞌain, ¿uisa kupín kaina ꞌën kakësokin mitsun ꞌaisamatankanin? Mitsun kamina ꞌë istisama tankanin, usai ꞌibi kamina mitsux ësai kikanin: ¿Añu ꞌaxunkima karanuna mi timan?

Números 27:16

—Dios ꞌimainun ꞌën ꞌIbu, min kamina kamabi uni tsónun ꞌimin, usa ꞌain kamina min achúshi uni ain ꞌapu ꞌixúan, an min kaískë unikama an bëruánti uni ꞌaíma aín ñuina ꞌarakakë kuaínbëkini nikë usai ꞌitima kupín an bërúanti anëti ꞌain.

Lucas 18:2

Jesusan ësaquin aín ꞌunánmicë unicama cacëxa: —Ënëx ca ësa ꞌicën. Achúshi ëmanu ꞌicë uni an ca amia uni itsi manáncëxunbi ꞌaquinsama tanan Nucën Papa Diosmi sináncëma ꞌianan unicamaribi sinánquin ꞌaquincëma ꞌiaxa.

Lucas 18:4

Usaquian cacëxunbi ca ꞌitsa nëtën cuashiquin ꞌaquincëma ꞌicën. ꞌItsa nëtën cuashitancëxun ca ësaquin sinánxa, —ꞌëx cana Nucën Papa Diosmi sináncëma ꞌianan unicamaribi sináncëma ꞌain.

Juan 3:6

Axa xanunuax bacë́ncë, ax ca unishi ꞌia; axa aín Bëru Ñunshin Upitan bacë́ncë uni, ax ca Nucën Papa Diosan Bëru Ñunshin Upíñu ꞌia.

Hechos 2:30

David, ax ca an Nucën Papa Dios quicë bana unicama ñuixuncë ꞌiacëxa. Usa ꞌixun ca paránuxunma Nucën Papa Diosan —min rëbúnqui achúshinëx ca judíos unicaman ꞌapu, Cristo, ꞌinuxun ꞌaia —quixun cá bana a ꞌunáncëxa.

Romanos 1:3

A cuënëomia banax ca aín Bëchicë, Nucën ꞌIbu Jesucristo ñui quicë ꞌicën. Aín ꞌunan papa ax ca Davidnën rëbúnqui ꞌiacëxa.

Romanos 9:3

Usai ꞌiti ꞌaínbi atúxa Cristonan ꞌinun ꞌëx ainanma ꞌaish Nucën Papa Diosan uisa cara oti ꞌicë usoquin ꞌacë ꞌiisa cana tanin.

Romanos 9:5

Israel unicamax ca Abraham ꞌimainun Isaac ꞌimainun Jacob, Israelribi cacë, acaman rëbúnqui ꞌicën. Uni ꞌaish ca Cristonën ꞌunánpaparibi Israelnën rëbúnqui ꞌiacëxa. Ax Diosribi ꞌaish ca camabi uni, camabi ñun ꞌibu ꞌianan ángelcaman ꞌiburibi ꞌicën. A ca camabi unin xënibua ꞌaínbi rabiti ꞌicën. Usai ca ꞌiti ꞌicën.

Santiago 4:10

—ꞌËx cana an iscëx ꞌaisamaira ꞌuchañu ꞌai —quixun sinánquinmi cacëxun ca Nucën ꞌIbu Jesucristonën mitsun ꞌuchacama tërë́nquin upíira ꞌaíshmi cuëënun mitsu ꞌimiti ꞌicën.

Santiago 4:7

Usa ꞌain camina Nucën Papa Diosan bana cuati ami catamëti ax cuëëncësabi oishi ꞌiti ꞌain. Usai ꞌiquin camina ñunshin ꞌatimanëan ꞌatima ñu ꞌati mitsu sinánmisa tancëxunbi a ñu ꞌati tënëquin ꞌatima ꞌain. Usai ꞌia ca ñunshin ꞌatimanën ubíoquinma mitsu ënti ꞌicën.

1 Pedro 5:6

Usa ꞌain camina aín bana timaima uisa ñu cara ꞌicëbëbi bënëtima Nucën Papa Dios ꞌApuira ami catamëti ꞌain. Usaími ꞌia ca an anúan ꞌati nëtë ucëbëtan uisai cara ꞌiquin tëmëracë ꞌaíshbimi usai ꞌicëmasa ꞌianan asábiira ꞌinun mitsu ꞌimiti ꞌicën.

Apocalipsis 22:6

Ismitancëxun ca a ángelnën ꞌë caxa: —ꞌËn mi cacësabi oi ca asérabi ꞌiti ꞌicën. Nucën ꞌIbu Dios, an ax quicë bana uni ñuixuncë unicama sinánmicë, an ca uisai cara xënibucëma ꞌaínshi ñu ꞌiti ꞌicë quixuan, aín unicaman ꞌunánun, aín ángel xuaxa.